سراب الليل...
ماشايل ضوى...ومكطوع عنه الفيض..
الندى العطشان يم شفت الورود ايهب سموم وكَيض ؟
وهمس خوفك.. يغازلني بجحيم الله وهوى الفردوس...
وإلك بيه حجي من اول مهد محبوس.....
ياتفاحة اّدم تشتهيني النار....
بس اّنه وهواك من الذنب متروس....
لاكَيني بسرابك حتى اشربك ماي...
شيل ابعيد؟ بس طشني اعله دربك.... حتى احسبك جاي؟
واسولف عالسما وعالكَاع...
سبع سنين من شوكَك.........
واجيلك يانخل فلاح...واّكل لذة عثوكَك؟
وافك عيني اعله طولك ليل..... اخاف الوادم اتبوكَك..........
صا وغني بكَمر ونجوم....
ومعانكَ اجساد اعله الذنوب اتحوم.......
ماريدك نبي وشلّي بصلات البيك.....وإفطر بالكَلب حتى بهواك يصوم......
ساجيت الملامح من وجه متعوب........
حتى الكَاك ؟؟
نيه بكَد حلات الشوف للعميان.....
لوزفة عيون....اليبجن حجايات.....
ويلّمن الدنيا وشوفهن معصوم......
غادر لاّخر الميعاد.....
بس إلتفت لوّل صوت....تلكَاني حلم وارماد.....
وين تروح.....
تلكَاني وي ضلك ركَبة مودعين....
وفراكَك ظلم جلّاد.....
......وسام سباهي.......
رد مع اقتباس
المشاركة الأصلية كتبت بواسطة husaam
