اليحبك يندل خدك
...........................
ياصاحب شجاك اشبيك...اكيد الخدي تندله
ميزان الوفه عندي..اقايض قبله بلقبله
وقانون القرض معروف...اليطلبك واجب تردله
العشره بطمع ماتراد...ولا بلعشره تتسله
من تاخذ كلب انسان..حساب الزوم تحسبله
لو دك اعل بابك كون..باب الكلب تفتحله
الكمكم جبير ايصير..بس ينحني عله الدله
وتطخ الدله للفنجان..رغم أميز بشكله
بس موقف اله وتاريخ..اصعب مشكل يحله
مو صعبه اليريد الخير..تنحل كلش وسهله
مو كلبك لعد الغير ..ابد هلعشره مو عدله
الصراحه والصدك مريود..وكلمات الجذب فشله
وسفه اعل الزمان الراح..اليخون الوادم تعذله
حسافه اليوم درياهه..اليغدر محد يسأله
وألاعوج يظل للدوم ..صعبه واحد يعدله
............................
بقلم الدغاري
رد مع اقتباس
المشاركة الأصلية كتبت بواسطة احمد الگرعاوي ♪
