شكد رقيقة
شكد رقيقــة ..
ذيج بنت الروح هيه ..
معلَّمه تغفه اعله اديه
صح بعيده ..
لكن لروحي صديقه ..
جنها مزنه وامطرت صحره ومحل
ورطبت كيعان فقره ..
ورجعت بيها الامل ..
وجنها حوريه بترفها ..
ويه البلابل كل عمرها ..
عايش ب ﮔـلبي فجرها ..
ومنها تغريد الغزل ..
رتلت بأحلى نشيد ..
واكتبت بيت القصيد ..
ام .. حبيبة .. ودنيا حلوة ..
وبنت روحي ..
وهي للنبضه وريد ..
وصافية جن مي زلال
تود تشربه بكل دقيقة ..
اي حبيبــة ..
ودوة لجروحي و طبيبة ..
وابسط انسانه شفتها ..
عدها مملوحه السوالف ..
وطعم بغدادي بحجيها ..
وحس جنوبي ..
تغار من عنده الشفايف ..
صبرت وشافت عذاب ..
كيظ وبرودة شتا و شوك و انين
يا غلاهم ..
انشد البردي اعله طولج ؟
شافج بطيف وشهك منج حنين ؟
لو تمرين بخطف مرة اعله ديرة
تغازلج نون النساء ..
وتنتظر رد الجواب ..
انتي تربــه ..
وعشكت مصلايه وقرايه كتاب
ظلج اللابس عبايه ..
وعطرج مطرزه الحجاب ..
غاية الذوق و انيقة ..
مهرة انتي ..
والف خيال يتمنى يشد رسنها ..
ما اكمل ..
اكتفي بهاي الحقيقة ..
شكد رقيقة ؟!
م
رد مع اقتباس
