هنا

[فقار الكرخي]

دارت الدنية وشفته
ومخرب المكياج خدهه
ومو مهم بس المصيبه تكلي ياهو
وماعرفتك
ومااتذگر بيوم شفتك
وحرت بين الي أجاوب
بين اغم گصتي و اروح
وبين أكابر مدري انوح
المهم كتله انه
الأول
وانتي سويتي الأخير
وأنه ذاك الجان سركال وأمير
انه واحد عرس على جروح عرسج
خلفن من عندي شيب
انه واحد جان حاسب روحه يم گلبج حبيب
انه ذاك العوضه الله بغيرج هموم وتجاعيد وارق
انه ذاك الجان واگفلج حجاب
ورغم ماداخل ابيتج
بس جنت للبيت باب
انه ذاك من تمشين يمه
تصير خيمه
انه ذاك اليضحك بوجهج دلال
وخافي ضيمه
انه يبنيتي
وهو ياهو الجان يبنيتي يكلج
غيري بس انه وابوج
عرفتيني





م

[شذى الأرجوان]

الله روعه---،ابداع

[فقار الكرخي]

نورتي الكون يالغالية

[فتاة الهدئ]

من اجمل ما قرات ... الله الله
نص جميل بكل ما يحمله من الم

شكرا جزيلا

[فقار الكرخي]

نورتي أمة محمد

[فتاة الهدئ]

نورتي أمة محمد

ههههه لا مو لهالدرجة ... شكرا للاطراء العصبي و الجميل اخي

[حفيدة حمورابي]

جان كتلي لا توديلي رسايل ..
هذاحدناونبتعد....