هنا

[فتاة الهدئ]

اسم الطبق	طريقة عمل الكعك المصرى
الوصف	حلويات
المطبخ	العربي
إعداد	اسماء بحر

المقادير1 كيلو دقيق نصف كيلو سمن نوع فاخر (ممكن زبدة) (مقدار السمن ده للكحك المظبوط الوسط اللى يحبه ناعم خاااالص يزود سمن واللى يحبه ناشف يقلل السمن) 2 ملعقة صغيرة خميرة 0.5 ملعقة صغيرة سكر 1ملعقة كبيرة سمسم (محمص نصف تحميص) وممكن غير محمص ذرة ملح 1 كوب ماء دافىء للعجن (فقط) (وممكن حليب او زبادى) 1 ملعقه كبيرة روح الكحك او روح الورد (وممكن الاستغناء عنها) مكسرات حسب الرغبة

طريقة التحضير**ننخل الدقيق مرتين ومعه ذرة الملح **نضعه فى وعاء (ويفضل ان يكون بايركس) **نعمل حفرة فى وسط الدقيق ونضع فيها السمسم **نضع السمن فى وعاء نظيف على النار ونقدحها (انا بقيت اسيحها بدون قدح وحسيت ان كده افضل واخف) **نصب السمن فى الحفرة وسط الدقيق ونبدا نقلب عليها الدقيق من كل جانب بملعقه خشبيه (حتى لا تسود العجينه ) حتى يختلط الدقيق بالسمن ويتشربه جيدا احنا حطينا السمسم نصف تحميص لانه هيكمل تحميص لما نصب عليه السمن المقدوح **نترك الخليط يبرد تماما (ودى خطوة مهمه جدا لانجاح الكحك) **نذوب الخميرة فى 0.25 كوب ماء مع 0.5 ملعقة السكر ونتركها تخمر الى ان يتضاعف حجمها **بعد ما العجينه تبرد تماما (انا بانقلها فى طبق بلاستيك) نبدأ فى خطوة مهمه جدا للحصول على القوام المطلوب للكحك وهى (التبسيس او البس) يعنى دعك العجينة على اليد نأخذ جزء جزء من العجينة ندعكه على باطن الكف ونكرر العملية فى العجينة كلها عدة مرات وخليكى صبورة الخطوة دى مهمه جدا فى زيادة تشرب وتداخل السمن داخل الدقيق ومهمة كمان ليكون قوام الكعك مضبوط **نضيف الخميرة وروح الكحك او الورد و3/4 كمية الماء ونقلب مش زى ما بنعجن المعجنات نأخذ من أطراف العجينة ونقلبه على الداخل ونضغط بكف اليد وهى مكورة (تكورى كف يدك ) وهكذا من كل جوانب العجينة هنلاقى العجينة بدأت تتلم معانا وتتجانس ولونها يبقى فاتح وناعمة **نضيف الماء قليلا قليلا ونكمل عجن حتى تتكون عجينة ناعمة لا تلتصق باليد او الاناء ومتجانسة القوام ولونها فاتح (لا تزودى ابدا عن كوب واحد من الماء الدافىء والا الكحك هيطلع نااااااشف زى القرص) **نغطى العجينة ونتركها تخمر ساعة الحشو: فيه 3 حشوات: الملبن: ملبن + 2 ملعقة كبيرة زبدة + سمسم محمص + 1/2 ملعقة صغيرة روح الورد او فصين مستكة مطحونين مع 1/4 ملعقة سكر (حسب النكهه المفضله عندك) يعجن الملبن بالمكونات السابقة ويشكل على شكل كرات صغيرة العجمية: ملعقة كبيرة دقيق -ملعقة كبيرة سمن -كوب عسل نحل – ملعقة كبيرة سمسم -ماء ورد او مستكة مطحونة للنكهة( حسب الذوق) نسخن السمن على النار ونقلب فيها الدقيق بحيث لا يتغير لونه (زى ما بنعمل للبشاميل) ونضع معه السمسم يتحمص بدون ماياخد لون نضيف العسل ونبدا نقلب على النار حتى لا يكون تكتلات نقلب الى ان يتقل قوامه قليلا على النار ننزله من على النار ونضيف روح الورد او المستكة المطحونة يشكل كرات صغيرة العجوة: تفصص العجوة وتفرم ويضاف لها 2 ملعقة كبيرة زبدة + 1/2 ملعقة صغيرة قرفة + سمسم محمص تعجن مع بعضها تشكل كرات صغيرة **بعد ماخمرت العجينة ناخد منها قطعة وننعمها باليد ونفردها على الكف ونضع فيها الحشو والمكسرات ونقفل العجينة **نكور القطعة بين الكفين مرة اخرى ونحرص ان يكون قفل العجينة لأسفل **ننقش الكحك بالمنقاش او القوالب **نضعه فى صوانى الخبز على مسافات متباعدة ونتركه يخمر 1/2 ساعة حسب حرارة الجو **يخبز فى فرن 200 م لمدة 25 دقيقة او اكثر على حسب الحجم حتى ينضج **عند التقديم يرش عليه سكر بودرة