كلي،اذان صاغيه. خيي. اتابع
كلي،اذان صاغيه. خيي. اتابع
قصه جميله شكرا اخي جو---استمر بنقل. الابداع
المشاركة الأصلية كتبت بواسطة حمامه سلف
حياك الله بأي وقتقصه جميله شكرا اخي جو---استمر بنقل. الابداع
سالفتنه
سالفة الزين مبين بفعاله
من سوالف اهلنا الطيبين يكولون اكو شيخ عشيرة وهذا من الشيوخ الي نمتاز بسوالفهم الطيبه لحد يومنا هذا
هذا الشيخ حجه وفاهم ومعدل بعشيرته وعند عشايرنا الطيبه واله مكانته بين العشاير
وله حضور مميز بحل المشاكل التي تحدث
بس اكثر عشيرته يكروه ويحجون عليه لانه ذو حكمه وهيبه وشجاع وخير ولهذا يغارون من هذه الصفات العنده وفي بعض مجالسهم الانفراديه يتكلمون على شيخهم شنو هو احسن من عدنه افهم من عدنه اشجع من عدنه ومن هذا الكلام هذاك اليوم اجه رجل غريب من غير ديره وسكن بديرتهم بس هذا الرجل اختار مكان بيته بطراف بيوتهم وخله مسافه بينه وبين بيوت هذه العشيره اجه الخبر للشيخ اكو رجل سكن بطراف ديرتهم كللهم ودوله ناس تكله الشيخ يريدك الرجل عدل نفسه ولبس ملابسه الزينه وراح للشيخ وصل للشيخ ورحب بيه وكاله تعال اكعد يمي وظل يسولف وياه ارتاحله الشيخ وعرفه رجل خير وفاهم وبقى هذا الرجل كل يومين يسير عند الشيخ ويكعده بصفه ويسولف وياه هذوله عشيرته يظلون واحد يغمز للثاني ويتشاورون شنو سر هذا الزلمه وليش الشيخ يكعده يمه وليش يفضله علينه شنهي
الاجه تالي عكبك
ومن هذا الحجي اشكال والوان بس الشيخ فاهم ومن يسولف يعرف عشيرته كاموا يكرهون هذا الرجل من راد الرجل يطلع من المضيف كاله الشيخ خويه اريدك يوميه تجي للمضيف هذوله تسودنو بس مايكدرون يحجون ويه الشيخ
الشيخ كام ياخذ هذا الزلمه وياه من تجيه الوادم بطلابه ايلزمه من ايده ويمشي وياه
وهذوله بس يباوعون بعيونهم كالو وصلت حدها ولهناه وكافي وبعد مانكدر نسكت من يجي الشيخ نحجي وياه شلون يفضل الغريب علينه ثاني يوم اجو من وكت للمضيف وكعدو الشيخ كلهم شنهي اليوم مو من عوايدكم تجون كلكم من وكت
كالوله محفوض انت ليش تفضل علينه هذا الزلمه الغريب وكمت انوب تاخذه وياك بالطلايب ومن تسير للعربان جا احنه شبينه مانعجبك مانعرف نسولف ومن هذا الحجي
الشيخ كاللهم بس انتم ماتلحكون هذا الزلمه
كالوله شلون فهمنه كاللهم هسه الزلمه ماموجود وراح اسألكم اذا جاوبتو اعتبركم صدك انتم خوش زلم واذا ماعرفتو ترحون انتم تجيبون الزلمه ونسأله هناه شتكولون
كالوله خوش حجي سولف شيخنه وشعدك اسأل احنه حاضرين
كاللهم اكو ثلاثة فروع في جسم الانسان
وكل فرع يحمل جزئين شنو هذني الافرع وشنهي اجزائهن الثنين هذوله ظلوا يجيسون بالحجي واحد يكله الرجلين اثنين واحد يكله الادين اثنين ومن هذا الحجي ماعرفوا مقصد الشيخ
كاللهم مو هو الحل روحو جيبو الرجال خلي نشوف الحل ماله راحو وكلوله الشيخ يريدك بسرعه اجه الرجل يركض وكال للشيخ خير خو ماكو شي شيخنا كله الشيخ ماكو شي بس عندي سؤال وريدك تحله كله شيخنا صدك جذب عبالي شغله جبيره سهله هاي
سأله الشيخ نفس السؤال
كاله الرجل الفرع الاول هو القلب والرجل
كاله الشيخ احسنت بين للعشيره شلون
كلهم القلب اذا هوى تاخذه رجليه
الفرع الثاني الحلك والايد كله الشيخ احسنت
كاله بين شلون للعشيره
كلهم الرجل من يسولف مايبقى مكتف يحرك ايده
اما الفرع الثالث هو العين والاذن كله الشيخ احسنت
بين شلون للجماعه
كلهم الاذن تسمع بس ماتصدك اي حجي اذا ما تشوفه عينك ومثل مايكولون
بين الصدك والجذب اربع اصابع
كلهم الشيخ هسه عرفتو الاسباب ظلو مدنكين ومحد جاوب الشيخ
ان شاء الله عجبتكم سالفتنا ياطيبين
شاهد سالفتنه ورباطها
هو مو ياهو اليجي ويسولف بالسوالف المعدله الها اهلها
والزين مبين بفعاله
كون اليشيخ يصير مصلصل أفعال
مو من تچهبه بظيج دار الگفه ومال
يحي أصلك.. اخويه
من طيب اصلكميحي أصلك.. اخويه
ممتن
قصه ممتعه ::معبره مشوقه...شكرا اخي لك ولكل قصه وحكمه..ننتظر جديدك...
قصه ممتعه ::معبره مشوقه...شكرا اخي لك ولكل قصه وحكمه..ننتظر جديدك
سالفة ورباط
سالفتنه
سالفة
يكولون
في ذلك الزمان الكلش عتيج
كان رجل شجاع كلش بمعنى الكلمه ونيشانجي بالرمي
بحيث من يرمي مايخطي الهدف وجانو قبل من يتراهنون وياه على الطير بالسماء يصوب عليه ويوكعه وبذاك الوكت جانت اكو ناس تبوك والي يبوك يسمونه عدهم خوش زلمه
و صاحبنه شجعاع ونيشانجي بالرمي ومحد يعيل عليه
لان الناس تعرفه اخو اخيته من يكول يفعل ومايتراجع اذا زامط وعنده زوجته مره معدله مثله وماتخاف صبح الصبح عليهم ولن حلالهم مبيوك كالتله افه عليك ابو فلان اشوفك مقهور على الحلال
كاللها اي مقهور على هاي الديره الباكت حلالي شلون راح تخلص مني
فعلا هو رجل كلف ونوب باكو حلاله ظل يسأل ويتابع هذاك اليوم جابوله خبر بوكة حلاله وكلوله فلان وفلان الباكو حلالك بفلان ديره حضر روحه نص الليل واخذ زوجته وياه وتوجه عليهم من وصل قريب الديره او القريه بقى كاعد يترصد للصبح الناس طلعت كلمن على عمله وناس طلعت تسرح بحلالها صاحبنه تابع الحلال خلاهم يطلعون عن القريه مسافه وهو طلعلهم من شافوه شردو وهو جان يكف كل الحلال وجابه المرته
كللها انتي اخذي الحلال ومشي ومن يصير رمي مالج غرض بيه اخذت مرته الحلال وهو ظل مسافة عن زوجته وجان تجي اهل القريه كلمن سلاحه ويرمون من بعيد هو من شافهم كال الزوجته انتي امشي ولاتلتفين ولايظل بالج يمي اخذي الحلال واني اجي وراج اهل القريه صارو عنه مسافه وشافهم متوجهين عليه وهو ثنى عليهم طك واحد وصوبه والثاني والسابع من يرمي مايكتله ينطيها بالرجل ويوكعه الناس من شافو هذا طلقته بزلمه وماتروح بوش تراجعو وخافو يكتلهم كلهم اخذو مصاويبهم ورجعو وهو تبع زوجته من وصلو بيتهم وشاف الحلال هواي فكر يشيل بطرف ديرته حتى من يجي احد يبوكه كون يشوفه وظل بالليل يحرس و مايبات بغرفته يبات خارج بيته للصبح
اهل القريه هذاك اليوم جهزو نفسهم وقررو يسوون هجوم مباغت عليه وياخذون حلاله و حلالهم وطلعو عليه ليش مو ذاك اليوم جاع بالليل وطب ياخذله الموجود وهو داخل الغرفه ويسمع صوت الزلم وره الباب بعد شيسوي ولن يسمع حجيهم اكو اثنين منهم توجهو على باب الغرفه واحد يكل للثاني اكلك هو نايم اني راح اشعل عود شخاط وانت من تشوفه ارميه من سمع حجيهم ظل وره الباب وسلاحه بيده اول ماطبو هذا شعل عود الشخاط وجان صاحبنه كتل ابو بندقيه ابو عود الشخاط حسباله صاحبه الرمه والدنيا ليل وصاحبنه طلع واخذ الترصد وهذوله اهل القريه ظلو يهوسون ابيناتهم على اساس كتلوه ولمن يتفكدون زلمهم ولن واحد عدهم نقص اجو للغرفه شافو زلمتهم متمدد والغرفه مابيها بس مرته واطفاله زغار
انخبصوا كالو خلونه عاد ناخذ الحلال ونرجع اول ماتقربو وصاحبنه طكها وصاح عليهم بصوت عالي كاللهم شوفو خاف قبل كسرت رجليكم هاي المره اخليها بالراس ولي يكول اني زلمه خلي يتقرب على الحلال
وهو غير مكانه وطكهم من جها ثانيه اكو واحد بيهم كاللهم بويه هذا صدك يسويها خلونه نرجع الديرتنه اخذو زلمتهم وراحو
وظل صاحبنه كم سنه محد بعد وصل بيته الى ان تمرض بمرض ومات من سمعو اهل القريه مات اخذولهم شهرين جهزو نفسهم وهجمو على بيته واخذو حلاله وحلالهم وهيه مرته
طلعت عليهم وبيدها اسلاح زوجها
وكالتلهم
راعيها لو موجود ثق حگي ماضاع
تــوك صرت رجال من طمته الكاع
رد مع اقتباس