يويلي عليك يا عراق يويلي....
صديق يگول اكو واحد من اقاربة مسكين متزوج وحدة ظالمة،
خطية لاعبة بي طوبة حتى ابسط حقوق الزوجية محروم منهة،
يگول هذا المسكين من يضيمة الضيم و توصل حدهة وياه،
عندة عماتة عجايز يروح عليهن، و يگوم يبچي و يگلهن يويلي علية يويلي،
محد يگول هذا يتيم و ماعندة احد، وهذي الظالمة لاعبة بية طوبة،
العجايز ينقهرن عليه، و يگومن يدورن على عروس، بس مرتة من تسمع،
تجي عليه و تبوسة و تشاورة، صاحبنة يفتح اربع ويالة، ويگول للعجايز، يويلي عليچن يويلي، ما تگولن هالمسكينة ينهجم بيتهة....
رباط سالفتنة..
حيبدي السباق الانتخابي.. و صدگوني راح ترجع نفس الوجوه و نفس الطاسة و نفس الحمام..
و يويلي عليك يا عراق يويلي...
طبعا شفت هالامر البارحه
إحدى النائبات تسرق جهود الآخرين وتنسبه لشخصها
والي يسوقها مستشار محافظ
اقول انا الإنسان البسيط وقد كشفتها ف الا يعلم هالمستشار بدجلها
ويويلي عليك ياشعب يويلي
رد مع اقتباس
المشاركة الأصلية كتبت بواسطة Suzana
