متابعة جوو
متابعة جوو
سالفتنه
سالفة ابو صياح
اكو زلمه خير و معدل و سبع وخوش زلمه
وشجاع و حجاي بالحجي ومثل مايكول ملكوط لكط اخو اخيته
..( اسمه أبو صياح )
معروف ويسمونه سبع السلف أوزلمت السلف
ياخذ حك عمامه من تصير طلابه عدهم وبالحك وعليه الاعتماد
ليش
مادارت عليه الايام وصارت قضيه عليه ونطلب للحكومه بذاك الزمن بعد شيسوي لازم يجلى من السلف ويطلع الغير ديره كون بيها امان اله ودع اعويله وعائلته جانت تتكون مرته وابنه صياح وثنين بنات الجبيره اسمها شيخه والثانيه اسمها برنو وقبل لايطلع كال لبنه صياح بويه اريدك تدير بالك على بيتك وتصير سبع وطلع الديره بعيده ابنه صياح من سمع وصية ابوه كام يطلع هو وامه الكاعهم للفلاحه وجان عمره ١١ سنه
راحت ايام واجت ايام عمامهم كامو يعتدون عليهم يشتمون بيهم و يظايقوهم على حصتهم من الزرع يردون ياخذوها
اكو ناس من اهل الخوش قليلين ينقهرون عليهم ومايرضون على الي جاي ايسونه
ابيت أبو صياح المهم
اشتدت المضايقات عليهم يوم منهن جان صياح يشتغل بكاع ابوه
إجه واحد اغم يكره أبو صياح ( إسمه موزان )
كله ها صياح ابوك شرد
صياح طك منجله بلكاع وكال
شوكت اسمع خبر جيته .. ولجرد..
وكت يحجي سليت السلف .. ولجرد..
وعلي برجعت ابوي اذكركم .. ولجرد..
اسميكم وكل الي ايعيلون بيه
السليت الاغم موزان كله ولك انته مو زلمه انت تربات نسوان
جاوبه صياح كله اتخسه منكال اربات نثايه
ونسه
ولك اذكر كعدات ابوي وياي.. ونسه..
بجيتك يبوي ولاعوفن شي.. ونسه..
على هذا الحقد الداروه بيه
...
وصل الخبر لبو صياح كلوله بسلفكم اسمه موزان وشكم واحد بالسلف كامو يعيلون بصياح
أبو صياح كلهم
زلميش هذا الي يعارك اطفال .. وجهال..
وعلي ادري بحقدهم صدك ... وجهال...
عدل وحضر كبر وشمع .. وج هال.
التراب على اسمي وشمت بيه
لكف تفكته أبو صياح بعد ماتحمل وهو اخو خيته سبع ومايخاف وراح بالليل طب للسلف
غطهم غطت ذيب وصل يم بيت موزان
كال ويه روحه هذا ماكتله اريد اسودنه اليوم
وصاح ابيت موزان... عدل مامات
عدل مامات عدل مامات
كعد موزان طلع محد
راح أبو صياح افتر على عدوانه الموزينين ويه اعويله
فنفس الحجايه الي حجاها يم بيت موزان
الصبح موزان راح للمضيف كلهم اكلكم البارحه سمعت صوت بالباب مالي وبنص بيتي
طفر واحد من الكاعدين كال اني هم
فلان كال اني هم
فلان كال اني هم
كلهم موزان شسمعتو اول واحد كله عدل مامات
الثاني مثله
موزان كلهم اني هم مثلكم
شني هذا ومنو
ثاني يوم طبلهم شمرلهم كل واحد ابعتبت
بابه جلد هوه وصوفه مال.. خروف..
هم التمو كلهم البارحه لكيت جلد
كلوله احنه هم
تسودنو
ثالث يوم بالليل خله في عتبة كل بيت منهم
.. مثل الطاسه بيها نار مشعوله
هم التمو الصبح وهم حجوهه وطلعو كلهم امخليلهم
إجه ابو صياح يوم الخامس البيت موزان
وصاح عليه موزان موزان اليوم الحساب
اني أبو صياح اجيتك اطلعلي ليش هيج ولك وي اعويلي هذا خاف ماطلع وجان يطبله
ويكضه كله ولك انته مااكتلك راح اخليك عمرك كله تتندم على السويته بعويلي وراح اخليك كاعد طول عمرك بالبيت جتفه وصوبه برجليه اثنيناتهن وطلع على
الباقين راح وعبر على بيوتهم وسوالهم كلهم مثل موزان وطلع راح لعويله شافهم
كله صياح يبني عدوانك غدو شذر مذر وكله بويه صياح اريد منك باجر تروح من الصبح للمضيف وتوكف اباب المضيف وتنادي على الشيخ
وتكله هلبيت
أنه صياح أبوي يسلم عليكم
ابوي يكول مرسال العدوك هذا خليته
منو وياهو اليمر على دار أبو صياح
ولعباس اكتله وحرك ابيته
.. (الشط الغرك غيرك بالك تمرك بي )
سمعه الشيخ وافتهم المطلوب ومن رجع صياح كله ابوه يبني يا صياح لاتخاف ابوك
عدال 100 ازلمه وشحده اليمرلكم
راحت ايام اجت ايام نحلت قضية ابو صياح ورجع ابهيبته وهذولاك ظلو
مثل النسوان والعدل والخوش بقو رفاجه ومحترمين بديرتهم
......
شاهد سالفتنه ورباطها
شجم واحد مثل موزان وكوم موزان يشمر على الوادم ولك صير ادمي لايصير بيك مثل موزان ويجيك ابو صياح ويخليك تصيح للصبح اذكرو الله بويه والدنيا خلصانه وهنيالك ياعامل الخير
وفي النهايه ستذهب انت
وتبقى كلماتك
فلا تقل الا خيرآ
اسعد بمتابعتكالمشاركة الأصلية كتبت بواسطة مِـيهہرَمــآهہ ♬❥
متابعة جوو
شاهد سالفتنه ورباطها
شجم واحد مثل موزان وكوم موزان يشمر على الوادم ولك صير ادمي لايصير بيك مثل موزان ويجيك ابو صياح ويخليك تصيح للصبح اذكرو الله بويه والدنيا خلصانه وهنيالك ياعامل الخير
وفي النهايه ستذهب انت
وتبقى كلماتك
فلا تقل الا خيرآ
إي والله
شاهد سالفتنه ورباطها
شجم واحد مثل موزان وكوم موزان يشمر على الوادم ولك صير ادمي لايصير بيك مثل موزان ويجيك ابو صياح ويخليك تصيح للصبح اذكرو الله بويه والدنيا خلصانه وهنيالك ياعامل الخير
وفي النهايه ستذهب انت
وتبقى كلماتك
فلا تقل الا خيرآ
إي والله
ساااااالفة ممملوووحة
&&&&&&&&&&&&
سالفتنه علئ شيوخ قبل من جان الحض والبخت يسولفلي واحد من الشياب
يكول. اكوووو شيخ بمضيفة كاعد وياه اهل عشيرتة
وجان يطب عليهم ضيف رحبوا بي كل الترحيب وما قصروا وياه وتعرفون عادات اهلنه قبل الضيف ثلاثة ايام يبقه يله ينسأل عن حاجته المهم خلصن الثلاثة ايام والناس اجت التموا بمضيف الشيخ يردون يشوفون هذا الضيف شنو قصته فكعدو فرشوا سفرة.جبيرة.خير من الله وحطو الطعام وكال الشيخ يالله تفضلو بسم الله فالضيف جاب جاب گلاص ماي حط فوگ الگلاص گرصة خبز وفوگ الخبزة.حط خيارة وشالهن حطهن گبال الشيخ فالشيخ حسچه ومعدل مو مثل شيوخ تالي وكت المهم الشيخ كال للضيف تعال اگعد بصفي واكل وياي وحاجتك مگضيه ان شاء الله وبعد الغدة گام الشيخ انطه للضيف.فلوس وفرس اصيله اخذهن الضيف واتشكر من الشيخ وراح بطريقه فالناس اجوا عل الشيخ سألو.ة كلوله
شيخنه شفتهمت من عندة شلون هيج عرفت حاجته كاللهم
( گلاص الماي يعني اني جايك بماي وجهي
والخبزة يعني اني ابن خير مو جوعان
والخيارة معناتها اني انخنت من خيرة ربعي )
سالفتنه ياناس الشيخه لهلها والله ماتجي بفلوس لو بسيارات بس.المن تسووولف
عاش من شافك عمو الطيب
كل الهلا بنت اخوي الغاليهعاش من شافك عمو الطيب
نورتي عمو
قدوري نشال معروف بسوق الهنود في البصرة بمنطقة العشار بالخمسينات في الزمن الملكي...
قدوري ما يبوك تجار السوق يكول بيناتنه زاد وملح... وقدوري ما ينشل من جيوب الفقره
يكول ذوله ناس مساكين...
فد يوم قدوري شاف واحد أفندي دخل للسوق تبعه وفي وسط الأزدحام نشل محفظة الأفندي..
قدوري معتاد ياخذ الفلوس الي بالمحفظه ويتركها بمكان يمكن مشاهدتها اذا فيها اوراق مهمة...
هو صح نشال بس عنده غيره ،،،
نرجع لمحفظة الافندي
كعد قدوري بمكانه بالقهوه خله خنجره على الميز وهذه أشاره لجماعته النشاله وابو القهوه من ربعه
وهم كان نشال ، يعني فريق نشاله محترم ومرتب واحدهم يبوك الكحله من العين...
واذا قدوري يضرب أيده على الميز ويصيح ياحسافه والله خطيه ومسكين هذا الأستاذ ابو المحفظه...
لما تقرب يمه زميله ومساعده الأيمن رزوقي شاف مكتوب في الورقة كتاب من نقابة المعلمين ...
الى كافة الزملاء المعلمين في البصرة أبداء المساعده النقدية بالتبرع بما تستطيع من راتبك لغرض جمع مبلغ العلاج في الخارج لأصابة
الزميل بمرض عضال لا يمكن علاجه في العراق..
أجتمع قدوري بجميع النشالة وآمرهم بأن يجمعوا المبلغ من تجار البصرة وبأسرع وقت ، وهم يشرحوا لهم الحالة الانسانية للمعلم وخلال ساعات تضاعف المبلغ المطلوب للعلاج وعلى عنوان المعلم في اوراق محفظته ذهب مع قدوري
عدد من النشالة وبصحبتهم المبلغ واعتذروا من الاستاذ وأعطوه المبلغ ،،،
نعم نشاله بس أصحاب غيره وعندهم ضمير.....
ومعروفين بالديره نشاله ومتونسين بألقابهم قدوري
النشال ورزوقي السكران وكنوشه الراقصه...مايرضون واحد يقول لهم أستاذ او شيخ او مولانا
يقولون نحن نشاله....
ياحسافه ياقدوري اطلع من قبرك وشوف نشالة وحرامية
اليوم شكاعد تسوي !!
وهسه واحدهم معمم وسارق اموال وحقوق اليتامى ... الله يرحمك قدوري النشال
#سالفه_ورباط_عالخوه
يگولون كبل أكو أخوه ثنين مختلفين وي أخوهم ألثالث لأن چان مايسكت أذا واحد عال عليهم وعلا حگهم ويگابح عليه
يوم من ألأيام گالوله خويه أنته ماتفيدنه لأن ماتتهاون وي أليعيل علينه وانت صاحب مشاكل
نعطيك حصتك من مال وحلال وشيل
احنه ناس نريد نعيش بدون مشاكل فسكت
حسبو كل أملاكهم وحلالهم ونطو حصته ما قبل
گال ; أكو حاجه بعد مانگسمت عادو الجسمه
وهم عاد نفس ألكلمه أكو بعد حاجه مانجسمت
وعادو ألجسمه عشر مرات وهوه ثابت على موقفه
تعبوا وزعلو منه گالهم حصتي ألكم ومن تعرفون ألحاجه البقت أجسموهه ودولي حصتي منهه
وحصتي بالمال والحلال ألكم وركب فرسه واخذ سلاحه ومكواره وشال منهم
ولجماعه ضلو أيظربون أخماس بسداس وضلو يوميه يحسبون أملاكهم ومايلگون شي ناقص
ظاعت عليهم ودارت ألسنين وتخاصموا وي ناس وصار بيه رصاص ونصابو ثنينهم فصاح ألزغير (أخ )
والجبير بصفه أنتبه لحچاية أخ وبجه
وگال ; أخ حاجتنه ألتاهت أعلينه
راد خوتنه ..... ماطمع بينه
الوكت م̷ـــِْن غير اخوتك فلس مايسواش
واليسعه ابلم الشمل بالزعل مايسعاش
الاخو اليحمل عتب مريود والمو اخو ماعتباش
الدنيه فانيه وماترغب امجافاه
ومحصول الوكت يادوب متره اقماش
وهنيال اليسامح واليكتم الغيض
وهنيال التكاتف واليلم الطاش
،،،،،، وسلامتكم
رد مع اقتباس
