يوم من الأيام اكو واحد غبي المعلم يشرح على الغباء وهو يضَحك فالمعلم رد عليه قال لماذا تضَحك ؟
اجاب الغبي: استاذ حتى اضَحك الطلاب واشوش على الدرس سكت المعلم ،
رد عليه احد طلاب الصف ياغبي السبع من يضحك اخيراً لان الضحك للشطار مو للأغبياء .
وصلت الفكرة
م مخليت صوره حتى ميجي واحد ياخذ فكره غلط
ابسطها يكلي انته ذيل هههههه
وسلامتكم يالطيبين
كان من عادات العرب في الجاهلية أنهم إذا تكاثرت خيولهم وإختلط عليهم أمرها وأصبحوا لايفرقون بين أصيلها وهجينها..
فكانوا يجمعونها كلها في مكان واحد ويمنعون عنها الأكل والشرب
ويشبعونها ضربا..!!
وبعد ذلك يأتون لهابالأكل والشرب.
فتنقسم تلك الخيول إلى مجموعتين..
مجموعة تهرول نحو الأكل والشرب لإنها جائعة غير آبهة لما فعلوا بها..!!.
بينما المجموعة الثانية تأبى الأكل من اليد التي ضرباتها وأهانتها..
وبهذه الطريقة يفرقون بين الخيل الأصيلة عن الخيل الهجينة..!!.
وما أكثر الهجين في مجتمعنا.. خيلا..!!
وخيالا..!!
ومث
اللبيب من الإشارة........
سالفتنه
سالفة بنت الاجاويد
اكو واحد يگول چنت احب بنيه حب ماحبه قيس لليلى،،
متت عليها موت،،خطبتها خمس مرات وابوها معاند ماينطيها،،
وديت ساده وشيوخ واجاويد على أهلها وماقبلوا ينطوني ،،بس أنه رغم كلشي ضليت بأمل اخذها،،
يگول ذاك اليوم الصبح امشي بالبستان ولنها جدامي تحوش لوبيا ،،سلمت عليها وضحكت بوجههي،،
گتلها اكلج لگيت حل لمشكلتنا،،
گالت گول شنو الحل العندك؟؟؟
گتلها انهبچ من اهلچ ،،
گالت اي هذا خوش حل،،أشوكت؟؟
گتلها وباچر نروح ندخل عد بيت سيد نعمه،،
گالت هسه يعني انت تريد تنهبني ؟؟
يگول أنه ردت اگللها تره أنه اتشاقه وياچ وهذا الحچي چذب ،،لان عرفتها مامقتنعه بكلامي وهيه بت ناس اجاويد وخيره،،
گالت :لا يانذل يادوني لو عندك شرف ماتحچي وياي هذا الحچي،،
ولك انه بنت الاجاويد تريد ابوي يذب عگاله واخوتي
واصير عار الهم طول العمر؟؟
وتريد اولادي ماعدهم خوال؟؟لايانذل،،،،
يگول أنه بعد ماگدرت احچي شي ولا گدرت إتلافه الموقف،،
گالت ولك صدگ من گالوا أهل البت اعرف بمصلحتها،،
بلله لو منطيني الك منيين راح اعرف انت شگد ساقط،وماعندك غيره؟؟
يگول ولنها طكني بهلهوله ،،گتلها ليش تهلهلين؟؟
گالت،لان هسه عرفت اخوتي زلم زينه وتحمي العرض وتعرف النذل من الشهم ،،ومايطون بتهم الياهو الچان،،
يگول ودنگ ع الگاع وتشيل حجاره وتشمرها عليه،،
وتهشني مثل ماتهش الچلب،،، حشاكم،،ولللللوو،،برررا،،، ،براااا،،،ياناقص يانذل ،،ياغيرره سزز،،
انــه بلا وعــي مــن اطيــتك الــروح
وعقــل ماچــان عــندي وهســه فزيت
~~~~~~~~~~~~
شاهد سالفتنه ورباطها
اريد اگول مهما تشبعت مفاصل الحياة ،،ورغم كل التطور السريع بحياتنا ودخول قنوات التواصل الاجتماعي لبيوتنا نبقى مجتمع شرقي له أصوله وتقاليده وعاداته اللي تربينا عليها،،
بس مع الاسف جاي انشوف عوائل وبعض أبنائها وبناتها ينحرفون بعيدا عن دينا واخلاقنا اللي تربينا عليها،
مع احترامي لكم اخواني و للناس الطيبه اتمنى من بعض الناس تسوي مراجعه مع نفسها تراقب سلوك عوائلها أبنائها وبناتها،،قبل أن تنحدر للهاويه لان الوكت موخوش وكت
يا أخي شوف أختك شمحتاجه شناقصها اسال عنها ضحكها اتشاقه وياها
خلي ب بالك أنها مرات تحتاج تشتري حاجه عجبتها او أي غرض من أغراض البنات اشتريلها ولاتخليها بنقص ....تدري شتحس ؟ مكسورة من داخلها محد دايرلها بال وتنقهر
أنطوهم الحاجة قبل أن تدفعهم هاي الحاجه لطلبها من غير شخص خارج العائلة وتعرفون شنو اقصد النفس امارة بالسوء وهناك من النفوس الضعيفه قد يستغل حاجتها
وتقع في أخطاء لايحمد عقباها بسبب الإهمال والحرمان
الوضع صعب والدنيا ماترحم ودتشوف بعينك ياما بنات بيوت انضحك عليهن وانقتلن بدم بارد وشوهت سمعتها وسمعت عشيره كامله بسبب ابن حرام ضحك عليها
يا أخي كلكم راع وكلكم مسؤول عن رعيته خلي بالك يم عائلتك و اختك لان امانه هاي برقبتك
اخواني اتكلم عن البعض
مع احترامي لكل من قرء منشوري
حفظكم الله احبتي وحفظ عوائلكم بحق محمد وال محمد
صبحكم الله بالخير اخواني الطيبين
قِصٌهِ جِمَيِّلَهِ جِدِأّ مَوِبَِّس قِصٌهِ وِأّقِعٌ حٌأّلَ لَبِعٌضّ أّلَعٌوِأّئلَ شٍګرأّ جِوِ لَلَأّنِتّقِأّء أّلَجِمَيِّلَ
سألت أنديرا غاندى والدها الزعيم جواهر لال نهرو :
ماذا يحدث لو سيطر الرعاع على السلطة ؟
رد عليها : تعم السرقة وينهار الإقتصاد!!!
قالت لوالدها : و ماذا يحدث بعد إنهيار الإقتصاد ؟
أجابها : تنهار أخلاق الأسر ومن ثم المجتمع!!!!
ألحت أنديرا فى السؤال على والدها : و ماذا يحدث أيضا لو أنهارت الأخلاق ؟
رد عليها بمنتهى الحكمة :
و ما الذى يبقيك فى بلد أنهارت أخلاقها !!!
العبرة من القصة :
يستطيع الانسان ان يتعايش في اي مجتمع فيه بعض النقوصات ؟
إلا انعدام الاخلاق والسبب!!!!
تنسى العِشره!!
ويذهب المعروف!!
ويتقدم القوم اللئيم !!
ويتحول كل شي الى فوضى ولهذا السبب تنعدم سبل الحياة!!
كان ستالين جالساً في مكتبة يدخن ،
دخل علیه سكرتيره قائلا له :
يا سيد ستالين ،
على الباب شخص يقول أنه يتنبأ بالمستقبل ..
فقال ستالين اعدموه ..
يا لهؤلاء المحتالين الفاشلين،
لو كان يعرف المستقبل حقا لما أتى إلي برجليه !
الرباط
كلام ستالين منطقي جدا فلو كان هذا المحتال يعرف مصيره انه سيعدم لما أتى برجله للمشنقة ...
ما قام به ستالين هو القضاء على منابع الجهل وجعلها عبرة حتى لا تصبح بعد مدة رموزاً تبجل وتقدس وتتبع بعيداً عن العلم .....
( مادري عليمن جبناها )
سالفة ورباط
سالفتنه
سالفة ابو الكراوي
اكو واحد عنده طلابه يم ناس وهاي الناس خيره واجاويد بس بيهم واحد بيه طفره يعني مسوي روحه شويخ ويدور طابوكات ثكيلات يعني يدور فلوس ويحب يسولف بالطلايب لان هذا عايش على هاي الشغله شغلة الكراوي التعبانه مال حرمنه مع جماعته المستشيخه المهم هذا الرجل ابو الطلابه اخذ ناس اجاويد وراحو وكعدو
وصار الحجي ونحلت الشغله والحمدالله يكول اجينه نكوم ولن طبت ابو الكراوي طب وسلم وكعد هم جاي على هاي الشغله نفسها كلهم ها شصفيتو كالوله انحلت الشغله وصار تراضي من الطرفين ايكول ولنه كامز من مكانه لا مايصير هذا الحجي شلون تتراضون واني ماموجود ابد هذا الحجي مايصير وخله وطلع مختاض
يكول اكو واحد من الاجاويد الكاعدين يعرفه ويعرف شغلته وشنو يريد
كلهم ولكم الحكوه الحكوه وحطو بجيبه ثكاله اي بمعنه انطو جم فلس وهو يسكت
شاهد سالفتنه ورباطها
هسه مع الاسف هواي اكو ناس تحتاج ثكالات بجيوبهم
كون طابوكات وحده مناه او وحده مناه بلكي يثكل ويتعدل
بس ابو طبع مع الاسف مايبدل طبعه
وعلى كولة اهلنا طبع البلبدن مايغيره الا الجفن
خوش سالفه تعجبكم ,,
حفَيظه الله يرحمهه چانت خوش مره وبكل عرس تلگاهه بالنص( تگول وتهوس وتردح ) حتى للوادم العيب تعرفهه!!!
ذاك اليوم صار عرس يمهم والوادم حرگت الدنيا بالرمي.... ودشت حفيظه.. لاحس ولانفس...
النسوان.. گلله ها خيه.. شنهي اليوم شياچ... شو.. لا هوسه...لاگوله من گولاتچ الحلوه! !!!
گالت الهن خيه غير كون أشوف العروس.. .حلوه.. غمه.. حتى أگول عليهه..
گللهه خيه هاي العروس.. وتعاي شوفيهه...
والله دشت حفَيظه عالعروس وشالت البرگع من ويهه...ولگت العروس وحده چلحه ملحه وتلعب سبع ارواح!!!!
وطلعت حفَيظه تخرط بخدودهه... ودشت بنص النسوان وردحت( ماتسوه طجيج البوش والكلّه البنيناهه)
عاد ولاسالفتنه من سقط صدام كلبنا الدنيا دك وركص وهوسات شمالنه ماصرنه مثل حفيظه وشفنه الملاعين الاجونه بعد ذاك الملعون ....
كنا نقول للضيف أهلآ وسهلآ...
وأصبحنا نقول..أتصل قبل أن تأتي...
كنا نقول الجار قبل الدار...
وأصبحنا نقول..خليك بحالك وأني بحالي...
كنا نقول الأقارب أحباب..وأصبحنا نقول الأقارب عقارب...
كنا نجتمع يوميآ ونسأل عن الغائب...
وأصبحنا نجتمع للتهنئه والتعزيه فقط...
الدنيا لم تتغير بل قلوب الناس هي التي تغيرت.
صديق ونصف الصديق
بينما كان الأمير يتجول في السوق متنكراً مر بتاجر وابنه
فسمع حوار لفت إنتباهه
حيث سأل التاجر ابنه كم صديق لديك
فقال الابن لدي أربعين صديق
استغرب التاجر وقال
يا ولدي صار عمري خمسين عاماً
وليس لدي سوى صديق ونصف !!
استغرب الأمير من كلمة التاجر
وقرر أن يعرف ما معنى كلمة صديق ونصف
وعندما وصل لقصره أمر بإحضار التاجر
وعندما مثل التاجر أمام الأمير
قال له الأمير : ما قصة الصديق والنصف الذين عندك
قال التاجر : لن أشرح لك بالكلام ، سأجعلك ترى ما أعني
ثم طلب من الأمير أن يعلن في المدينة أن التاجر سيتم إعدامه
وبالفعل جال المنادي في المدينة وأعلن أن هذا التاجر سيعدم الجمعة
فجاء أحد أصدقاء التاجر وقال للأمير يا سيدي أنا مستعد أن أفدي صاحبي بكل مالي
فقال له الأمير : لن يشفع مالك سوف يعدم
نظر ذلك الصديق للتاجر وقال له : يا صديقي لقد فديتك بكل مالي ولكن دون جدوى
هل وافيت حقك ؟
فقال التاجر : نعم فعلت شكراً لك
وانسحب الصديق
لحظات وإذا بصديق آخر يأتي
ويقول للأمير : سيدي ليس هو الذي ارتكب الذنب
أنا الذي فعلت
هو بريء أقسم أنه بريء
نظر الأمير لذلك الرجل وقال له : إذا سوف تعدم بدل التاجر
فقال ذلك الصديق : نعم ليكن أنا المذنب
فطلب الأمير أن يتم تجهيز المكان لإعدام ذلك الرجل
عندها تدخل التاجر وعانق صديقه
وقال للأمير : هل عرفت يا سيدي ما أعني بصديق ونصف صديق
فإن نصف الصديق سيفديك بالمال إن استطاع
أما الصديق فلن يبخل عليك بروحه
وبعد قراءتك .... كم صديق لك ؟؟
رد مع اقتباس
