هنا

[فتاة الهدئ]

ايام زمان ايام الخير
جان عدنه دجاجة بس شلون دجاجه راكضه وي خيل الحمزه
ظاله بس الحكحك ومهلسه هلس بيه جم ريشه لزوم الذيل المهم جانت كاطعه بيض اي مجرجه اني دوم اتحرش بيها اشمرها واتونس على صوتهاوترجع لمكانها ركض تكول رفيق حزبي لازم واجب بباب المنظمه مالته صارت عندي خوش فكره كلت ليش مانخلي جواها بيض وبعد كم يوم يفقس ويطلع ماجذبت خبر رحت اشتريت بيض من السوك وخليت جواها وهيه مرابطه عالواجب مال حظانه البيض والله جم يوم لن نسمع الوصيص لن جواها كتاكيت ما نعرف الديج من الدجاجة ضلينا بحيره ؟؟؟
بس لما يكبرون قسم منهن يصير عنده عرف احمر نعرف والله هذا ديج والي ما عنده عرف هذه دجاجه......

هسه منو يعرف هذا ديج لو دجاجه

اسال الدجاجة الي رابطت بالواجب و تعرف

[Joo]

اسال الدجاجة الي رابطت بالواجب و تعرف

ليش انتو دجاجتكم من يطلعون كتاكيت عدها
تكول لكم هذا ديج وهاي دجاجه

[فتاة الهدئ]

ليش انتو دجاجتكم من يطلعون كتاكيت عدها
تكول لكم هذا ديج وهاي دجاجه

ليش انتم دجاجتكم مو نفس دجاجتنا
احنا دجاجتنا حوك ... كله اطلع اصيل و معروف من الولادة

[Joo]

ليش انتم دجاجتكم مو نفس دجاجتنا
احنا دجاجتنا حوك ... كله اطلع اصيل و معروف من الولادة

الظاهر جنابكم لم تفهم
ي المطلب بل
سقتيه إلى أمر آخر انا فاهمه وماريد ارد واكون بنفس الطريق حتى لا تتحول اروقه صفحتي لمقهى نقاش

سلام

[Joo]

يقول أحدهم: فقدت فأسي، فاشتبهت بجاري أنه قد سرقه مني، فبدأت أراقبه بإهتمام شديد..
كانت مشيته مشية سارق فأسي..!
وكلامه كلام سارق فأسي ..!
وحركاته توحي بأنه سارق فأسي..!
‏أمضيت تلك الليلة حزينًا ولم أعرف كيف أنام وأنا أفكر بأي طريقه أواجهه؟
ولكنني في الصباح الباكر عثرتُ على فأسي..
لقد كان ابني الصغير قد وضع فوقه كومة قش،
نظرت إلى جاري في اليوم التالي، فلم أجد فيه شيئًا يشبه سارق فأسي، لا مشيته، ولا كلامه، ولا إشاراته ..!
‏وجدته كالأبرياء تمامًا، فأدركتُ بأني أنا من كان اللص..!
لقد سرقتُ من جاري أمانته وذمته، وسرقتُ من عمري ليلة كاملة أمضيتها ساهرًا أفكر كيف أواجه بالتهمة رجلًا بريئًا منها ..
((((( الانسان الملوث داخليا لايستوعب وجود بشر انقياء ))))

[شذى الأرجوان]

قصه مؤثره وفيها درس انو الظن يكلفنا الكثير ... وقد يكلفنا خساره اقرب الناس لنا شكرا اخي جو

[Joo]

قصه مؤثره وفيها درس انو الظن يكلفنا الكثير ... وقد يكلفنا خساره اقرب الناس لنا شكرا اخي جو

فعلا لكن أين من يعي ذلك

[Joo]

بزمن الملكية اكو شرطي عجبه يدخل لحمام حجي مهدي بالسوگ يريد يسبح ، نزع ملابس الشرطة وخلاهم على الخانة مال ملابس ودخل يسبح من خلّص وطلع شاف ملابسه مبيوگة بس باقي اللباس والبسطال فراح لصاحب الحمام حجي مهدي وگله حجي هدومي نباگن !!!
حجي مهدي رد عليه ماكو شي ينباگ هنا بالحمام !!!
وساعة كاملة الشرطي يقنّع بحجي مهدي ملابسه مبيوگه وحجي مهدي ما مقتنع
فأخير شي الشرطي لبس اللباس والبسطال ووگف جدام حجي مهدي وگاله : بشرفك بغيرتك حجي اني هيچ اجيت للحمام ؟!

سالفتنة
عاد هسة ولا العراق بشرفكم بغيرتكم هو هيچ چان العراق مصلخ وبطرك اللباس والبسطال لو هسه صلخوة جماعه ال

[Joo]

سالفه ورباط

چان أكو واحد شغلته عنده طليان يربيهن ويكبرهن و يبيعهن ويتكسب منهن ، يكَول بيوم وكت الغروب اجوني اثنين أولاد عم وبعد ما تعاملنه واتفقنه على السعر كَالو احنة ماجايبين ويانة فلوس فكَلتلهم عمي اني ما أبيعهن الا بالنقدي ، حاولوا وياية وكالوا لاتخاف على فلوسك احنة أهلنه خوش ناس ويسمونه بالمنطقة بيت الموامنة ، بس آنة قفلت فكَالوا زين احنة اليوم نبات عندك وباچر نروح نجيب فلوس وناخذهن كَلتلهم ياهلا بالخطار والله سويتلهم عشه وقبل لا ياكلون كَاموا يدعون ادعية ويقرون قرأن.. وقبل لايشربون الجاي يدعون صارت الصلاة. صلولهم كل واحد يجي عشرين ركعة وكَعدوا ..ساعة يحچولي بالدين وبالأخلاق وعن كرامات اجدادهم...والي يزعلهم يهجمون بيته وبختهم القوي ...فآني بدت فكرتي تتغير عنهم ، گولوا صار نص الليل استلموا المصلايات دگ كل واحد اربعين ركعة گلتلهم شني السالفة ؟! ..گالوا هاي نوافل ولجريب الصبح يصلون آني گمت كلما اباوعلهم اتذكر الأئمة سلام الله عليهم شلون يتعبدون الليل كله وفكّرت ويّه نفسي گلت عمي ذولة موامنه شلون أرجعهم وما أطيهم الطليان اخافن ارجعهم زعلانين ويدعون عليّا ويفطسن الخرفان ، اجه الصبح وگلتلهم عمي انتو مبينين خوش اوادم واني اعتذر راح اطيكم الطليان واطوني وعد اتجيبون الفليسات ، گالوا يومين ومانطوّل وراح انأجر سيارة ونشتري كل حلالك بسعر زين ، فأخذوهن وراحوا تعدت المدة وماكو وبوكتهه انطوني عنوانهم والله گولوا مشيت لمنطقتهم اسأل يابه اكو زلم اثنين فلان وفلان اخذوا مني غنم واطوني وعد وما أجوا ، والله واحد عرفهم فگالي : عمي رد لأهلك هسة فلوسك بالملاهي ذبوهن كت على النسوان ذوله حرامية واذا رحتلهم تطالب بفلوسك وحقك يركبولك تهمة لو يكتلولهم واحد ويذبوه بركَبتك اسلم على روحك وعلى الله العوض ..
گلتله : عمي ذولة موامنة الليل كلة يصلون نوافل ..
فگالي : أي چا شلون يقفصون عليك يگلولك احنة حرامية ومو ًخوش اوادم ؟
فگلت وية روحي آنة اخوك صادوني الموامنة وراحن نعاجي !!
هسة رباط سالفتنه شنو ؟؟ ما أدري ...
مدري عليمن جبناها ..
ها مالكم شغل بصورة الفوك

[Joo]

سالفة ورباط

سالفتنه

سالفة المعدل

هذا اكو واحد خير ومعدل وخوش زلمه
بس اكو واحد حشاكم مستخنث يتحارش بيه هواي ف صديقه كاله يابه انت شبيك ماتحاجيه ولي يشوفك انت وهيبتك وشكلك يبتعد عنك شنهي انت تخاف منه
كاله لا ياصديقي مو شغلة خوف
كاله صديق لعد ليش مترد على عليه

كله....

تدري انه ساكت ليش ما ودي احاجيه
كل عمري ماشميت ريحت زلم بيه

ماطكه مو من خوف بس عندي چلمه
خايف من الفصال يعتبره زلمه