عشت استاذنا الطيب
عشت استاذنا الطيب
ممنون عموالمشاركة الأصلية كتبت بواسطة قُزوؤومہٰهٰهٰہٰٖ~❥
عشت استاذنا الطيب
ناس گبل تسمي جهالها باسماء تلعب الروح وتچزز النفس حتى يعيش الها..يگلك اذا سميته باسم حلو مايعيش!!! اكو واحد بالسلف اهله سموه لعواس...واللعواس(ماده لزجه مخاطيه تصير بجلد سمچ الجري)...كبر لعواس وصار يستحي من اسمه وگام يضوج وينقهر من يصيحوله باسمه جدام واحد غريب ويشوفه يتمضحك ...ومن يشوفونه يضوج..
يگلوله عمي صوچ اهلك اللي سموك بهذا الأسم اليكشش ويلعب الروح...صار راي لعواس يبدل اسمه بغير اسم...وراح للنفوس وقدم عريضه وسوه معامله واختارله اسم حلو.وحصلت الموافقه بس راح يستشرع عند المومن ...گاله (نعم يجوز على ان تولم بشاة) ومعناها لازم تذبح ذبيحه وتعزم الوادم...
گام لعواس واشتراله خروف وعزم السلف كلهم وذبح وصلخ وطبخ ..وگام ياهو اليطب للعزيمه ينشد الوادم اللي گبله عن سبب العزيمه وشنهي المناسبه..ويجيه الرد ( لعواس بدل اسمه ...صبوا الزاد ويلله يخوتي بسم الله....وگامت الناس تاكل ...لهناك واحد صاح لعواس بروح ابوك جيب مرگ...وصاح ثاني خالي لعواس ..لبينه جيب هنا ..واخر خويه ابواللعاويس خبز...خبز..صفن لعواس وصاح عمي .چا عليمن انه ذابح الكم واعلف عليكم ..
چا على شيب ابوي هاي الفلوس الخسرتها وانتم مچلبينلي لعواس ما لعواس؟!! بويه انه لعواس ابن لعواس ابو اللعوايس...
اكلوا زادكم وطشو لهلكم ههههههههههههههه
شاهدنا الحرامي يغير اسمه يغير حزبه يغير اسم حزبه ترى تبقى لعواس ابن لعواس
اليوم سأضع مشاركة مختلفه هنا
أثرت في جداا لدرجة البكاء الوجداني
مؤثر..
ليست الصداقة البقاء مع صديقك وقتاً أطول،
بل الصداقة هي أن تبقي علي العهد
حتي و إن بعدت المسافات والظروف بينكم
الشخص المعطاء لا يندم على العطاء ولا ينتظر المعاملة بالمثل
ولكن يتألم فقط عندما يكتشف أن عطاءه ذهب إلى من لا يستحقه
سالفتنا
رباطها اليوم كل واحد يعرف قدر نفسه
اكو ( أسد ) يصعد يومياً على صخرة عالية
وهي الوحيدة الي موجودة بالغابة ودائما يتفقد الرعية من فوگ
وهاي الصخرة محجوزة للأسد محد يصعد عليها
لأن يهابون ويحترمون ملك الغابة فأكو ( واوي ) مستهتر اجلكم الله لاشغل ولاعمل راقب الأسد وقرر يوم من اﻷيام
يوگف بمكان الأسد عالصخرة
اللي باعلى الغابة
وبالفعل وگف بمكان الأسد والحيوانات اللي بالغابة عرفو بأن (الواوي)_أستهتر فما حجو على الواوي لأنه هو ( حرامي_دجاج ) فمن وصل الأسد باوع للواوي وماحچى وياه لأن الأسد ملك الغابة فما صعد عالصخرة وبقى بالگاع
والواوي فوگ ورة شوية باوع_(الواوي) (للأسد) بإستهزاء
وگال ها اليوم باقي بالگاع فجاوبه الأسد وگال شوف لك (واوي) (( اني اصعد عالصخرة عالشجرة ابقى بالگاع كل الغابة تعرفني اني أسد ))
بس إنت وين ماتصعد تبقى (واوي ) وحرامي مال دجاج ربّاط سالفتنه... عن_(ناس)_تالي_وكت ...
تلبس عگال تلبس قاط تگعد بصدر الديوان تصعد سيارة دفع رباعي تبقى انت فلان الفلاني !
لأن الناس تعرفك وتعرف أصلك ..
(ورحم الله أمريء" عرف قدر نفسه)
رد مع اقتباس
