هنا

[Joo]

السلام عليكم
....
اليوم سالفتنه عن الرزق

بيوم من الايام الملك وحاشيته طلعوا للبر يتصيدون . اخذ منهم التعب والعطش والحر فالوزير گله سيدي ذااااك بيت شعر خل ننزل عليه ونرتاح ونرتوي . الملك گله خوش فكره
من وصلوا للبيت لگوا امراه وزوجهه فقط ، رحبوا بيهم واستضافوهم وقدمولهم اللبن والزاد ، والزاد كان عباره عن لحم فقط ، ورا مااكل الملك وربعه وارتاح سال ابو البيت وگلي اعذرني على سؤالي بس انت قدمتلنه اللحم فقط ليش ماوياه خبز ؟
الرجل گله لان مااملك الخبز ....
الملك گله غريب . تملك اللحم وماتملك الخبز
دنگ الرجل وگله للملك وهو ميدري بي ملك . گله يالضيف اني مااملك الا هاي العنزه وعايشين عليها اني ومرتي ومن شفتكم نزلتوا عندي ذبحتهه الكم حتى اقدملكم الزاد واعذرني من التقصير
هنا اطرق الملك وانقهر وگاله اني ماشايل شي وياي واني الملك تره واريد اكافئك على كرمك فلازم تجيني للقصر وهذا الخاتم الملكي خلي عندك حتى تبرزه للحجّاب علمويفوتوك للقصر .....
وره اسبوع المره گالت لرجلهه : اگلك تره امورنه دچت گوم روح لقصر الملك بلكي ينطيك وظيفه ينطيك منحه . الرجل كان متردد لان نفسه عزيزه بس الحاجه خلته يروح
.
المهم .... من وصل للقصر ووصل للحاجب الاول برز الخاتم ومرروا والحاجب الثاني كذلك الى ان وصل للحاجب السابع اللي واگف يم البرده .. الحاجب عرفه ورحب بي وگله خلي الخاتم عندك هسه ومن تدخل على الملك انطي اله .. بس خل الملك يخلّص صلاته وبعدين ادخل ... الملك كان واصل بصلاته للقنوت وطابگ اديه ورافع نظره بتذلل . الرجل الفقير ماكان متفقه بالدين حيل فسال الحاجب :
الملك شجاي يسوي ؟
رد عليه الحاجب :
جاي يطلب من الله سبحانه وتعالى
گله ادري شيطلب وهو كلشي عنده
گله يطلب دوام الحال .....
الرجل گال هااااا !!!
زين ياسياده الحاجب يصير احنه هم نطلب من الله لو الله يستمع بس للملوك ؟
گله ابواب السماء مفتوحه ، وربك يسمع الكل ويگول ادعوني استجب
.
هنا الرجل لزم لحيته وصفن ... وره شويه شال راسه وناول الخاتم للحاجب وگله دهاك عيني هذا رجعه للملك وگله كلشي مااريد منه مشكور
ولك ليش ؟ گله يعني قابل الله رب الملوك وحدهم . يعني الملك يطلب من الله وينطيه واحنا نطلب من الملك . ؟
لاعيني لا اني راح اطلب من ملك الملوك واذا هو ماراد ينطيني مااريد من عبده
وطلع زعلان ومقهور ورجع لبيته وهو يمشي بالجزيره عثره الله الرزاق بكنز مدفون
راح صاحبنه استصلح الارض وجاب فلاحين وفتح قنوات للري وصارت منطقته قريه عامره خلال سنه ...
بيوم من الايام الملك هو وحاشيته هم طلعوا للصيد فالملك انتبه وگال للحاجب :
هاي القريه اني ماشايفهه گبل گله والله ولا اني گله لعد خل ننزل على شيخهم ضيوف ونساله
ومن تقربوا طلعلهم صاحبنه وتلگاهم وضيفهم ذيچ العزوبيه . بس الملك ماعرفه لان مثل متعرفون الخيريبدل الوجوه
الملك سأل الرجل عن القريه وحالها وشلون صارت خلال سنه
فالشيخ سال الملك وگله ماعرفتني ؟
اني ابو العنزه وقصتي كيت وكيت وطلبت من ملك الملوك وانطاني
گله شنطاك وشلون ؟
گله:
ملك الملوك اذا وهب
لاتسألن عن السبب

الله يعطي من يشاء
فقف على حد الادب

ودمتم

[DARK]

جميل جدا

[Joo]

جميل جدا

كمرورك

[Joo]

سالفة ورباط

سالفتنه

سالفة حجي جبار

رجـــعّ حجي جبار لأرض الوطن بعد تلقيه العلاج في جورجيا على يد الممرضة الجميلة ماريه لمدة ٣٠ يوم .. نزلت الطائرة بارض مطار بغداد ونزلت معها دمعة من عين حجي جبار لفراقه ماريه التي لم تفارقه لمدة شهر وحرصت على مداراته وتمريضه ومراعاة مشاعره ....كان في استقبال الحجي اصدقائه حجي عوده و حجي چاسب و حجي شمخي .. وحين شاهدوا حجي جبار لم يعرفوه ، لانه كان يبدوا أصغر من عمره بسنوات ...
وصل الحجي الى بيته و حكى لجميع المستقبلين قصة رحلته العلاجيه وكيف أسترد عافيته بالخارج ، وبالطبع فأن " ماريه " حاضرة على طرف لسانه و كلما تحدث عنها يقول ( عمت عيني عليها شلون بنيه حبابه دارتني هوايه!!) ...
ولما حـل الليل دخلت عليه زوجته نعيمـه و قبلت رأسه و يديه وهي تردد : هلا بيك يا شمعة بيتي يا ابو وليداتي (البيت بلاياك ما يسوه اربع فلوس هلا بيك يبعد رويحتي)
لم يهتم حجي جبار بكلامها وهوستها بقدر ماكان مهتماً بالحصول على مبتغاه وأظهار فحولته المكبوته وعافيته التي استردها ..
وهنا يبدأ الحوار ...
گــاللها : شوفي نعيمة انتي شكثر عمرچ ؟!
گالتلها : ما ادري !!
گللها : انتي عمرچ 52 سنة ، اللي بعمرچ بجوريجا صاعدات باسكلات و يفترن و معدلات روحهن ، چــا انتي شمال عدوچ گاعده گبالي معصبه ، و هسة الساعة بثنعش و اني رجلچ وصارلچ شهر ما شايفتني .. مو الواجب تعدلين روحچ وتگعدين يمي !!
آنا جبتلج جنطه مال هدوم و ريحه طيبه ..انتي لازم تتغيرين ! گومي جيبيها ...
الحجيه جابت الجنطه و فتحتها و شافتها كلها ملابس نص اردان و ملونات ، وهي كامت كل هدمه تلزمه تصيح ... "يمه رضيه " آني البس هالهدوم مال الكاوليات وروح صگــبان ما احطهن على جلدي ، شگــالولك عليـه ، انا بت شيوخ و الاسود ما اذبه للموت ، اخوي ما صارله سنة ونص من مات تريدني اذب الاسود لو تتثالث الدنيا ...
حجي جبار صار عصبي گــاللها اليوم : مو بس الاسود تذبيه ... حتى العصابة هايه الكاتلتني بيها تذبيها !! ...
وهي صرخت و صاحت بعلو حسها .. ياااع اني خايب اريد اكبرها بعد و انت تريدني اذبها ؟؟!! ... شوف جبار اني عصابتي 12 متر و من اريد الفها احطها جـدامي و ساعة يلا الفها ولوما هيّه كاظة راسي ما اگــدر امشي منــا لهنا افتهمت يو لا ...
گــاللها ...زين حطي ريحة من هالريحه اليمــچ و تعالي يمي ... هي صاحت بويه انت تسودنت ... اني اخلي ريحة مال هالبنات المستهترات انت تحجي من كل عگلك ، لا و روح ابوك و ابوي ، وازيدك بعد علم انت بعد ما تمد ايدك علي للموت ،، چـــا و صلاتي و صومي وين أخليهن !... انت صرت مثل اخوي صكبان وتذكر من يوم الرحنا للحج ، عيب عليك حجي انت وزاير بيت الله و الدنيا راحت علينا خلينا نلتفت على الآخرة ...
گــللها ولج انعل ابوج لبو صكبان جا انتي نسيتي آنه رچلچ ولي حگ عليچ !! ...
گالتله وداعة ستار شمعة بيتي ما تطخني دوم !!
الصبح الحجي كعد حجي جبار يابس حلكه وناشف ريجه وصاح على ولده گــاللهم بويه ترى هــاي سالفتي ويه امكم امس ، و هيه بس محسوبه عليه مره ، آنه زلمه اريد حقي و بعدني بحيلي ، شوفولي مره !!.
ابنه الزغير گــاله اني راح أحچــي ويه امي ...
راح الولد لامه نعيمــة .. وگــاللها يمه ديري بالچ على ابونا ترى مايصير هيج تعاملينه و هو حقه عليج و انتي مرته على سنة الله و رسوله .... هي كظت العصا و ضربته بيها ...
وكالتله" ولك انت صدگ ما تستحي شلون تحچــي ويه امك هيج اليوم اگــطعك اتكطع " ...
گـــاللها: اسمعي يمه ترى اذا بقيتي هيج نعرس لبونا ....
گــالتله : "علواه چــا اني كاظته و على شرط اني ازفه بيدي "
الولد الزغير گال لأخوته وحجالهم السالفة وكلهم احنا بعد لازم نزوج الحجي بعد ما بيها مجال ، أحنه ما صدگنه يطيب ابونا ويرجع ، خلونه نشوفله بنيه بت بيت و نسويله عرس كول هذاك اليوم شافو لبوهم ابنيه
وخطبوها لحجي جبار و سووله عرس و عشاء لوجه الله و من خلص العشاء زفوا ابوهم ذيج الزفه
حجي جبار كاشخ و مرتب حاله ... وهو يريد يدخل لغرفة العروس ولان نعيمــة كظته من رجله و ذاك الصريخ و النواعي ...
"ولك جبار عليش هيج ولك شسويت بيه ، ولك اني گضيت عمري وياك ليش ما عندك مروه ولك جبار اليوم ما اخليك اطب عليها لو اعرف اموت "...
حجي جبار صاح على ولده ها الولاد ها... تعالوا فرغوني من نعيمـة اجو يتراكضون ولده
وفرغوا ابوهم من امهم و اخذوا امهم لبيت خالهم و گــالوا لخالهم : ترى هاي السالفة ... ضحك خالهم وگــال لنعيمة : كله ترى من ايدچ عاد هسه أكليها ، والله حگه الزلمة من يتزوج ثانيه ، أنتي مثل ذاك
( لا أغنيك ولا أخلي رحمة الله تجيك !! ) ..
وهنا انتهت قصة حجي جبار بزواجهِ من امرأة جديده ، وانسحاب نعيمـه من حياتها الزوجيه بالطريقة التي رسمتها لنفسها ..
ههههههههههههههه

شاهد سالفتنه ورباطها
، الكثير من البشر لا يتداركون أخطائهم ونتائج اعمالهم ، إلا حين ( يقع الفاس بالرأس ) وفي آخر الأمر يندمون !!

[سارونه محمد]

سوالف راقيه وكلها عبر عاشت الايادي

[Joo]

سوالف راقيه وكلها عبر عاشت الايادي

ذوقكم أرقى ونفسكم أطيب
نورتي

[Joo]

سالفة ورباط

سالفتنه

سالفة اليتيم

سالفتنة تكول اكو واحد هوالوحيد لهله وأمة وابوه ميتين يعني يتيم وكاعد هوة ومريتة وجهالة أبيت شعر يم اعمامة وعندة ولد عمة يدورون طلايب وياه وهمه مجموعه هواي وهو وحيد ماكو واحد يساعده عليهم وهذولة يومية دايرين علية ومفشخينة وصار لعبتهم وهو موجبان بس متكفي الشر وما يريد يخسر ولد عمة ويفكر لبعيد وللعواقب بس همة عبالهم يخاف منهم هذا تفكيرهم القاصر ويوم من الايام ملت روحة وكال اني ابن ابوي هذولة يوميه طابين لبيتي ومفشخيني كدام مرتي وجهالي اليوم اريد اسوي بيهم فلك و خراب ما منة خراب وصدك حضر روحه و طلع البرنو مال ابوة وكعد بالبيت يتانيهم كول همه اجو عليه واول ماتقربو من عنده وصاحبنة ثارت تفكتة وكتلك واحد من ولد عمه والباقين شردو كام صاحبنة وفلش بيته وحمل غراضه بعربانه وشال و نزل بعرب ثانية مسافة ثلاث ايام عن عربهم ونزل بطرف الديرة
هو عنده ابنيه ازغيرة عمرها خمس سنوات صاحلها وشك طرف ثوبها من الاذيال
وكاللها بوية روحي لبيت الشيخ مال العرب اطلبينة منهم الحاجة الفلانية ومن ترجعين خلي دربج على مضيف الشيخ وصدك راحت البنية ومرت على مضيف الشيخ والشيخ كاعد هو وربعة شاف البنيه الشيخ و كلشي ما حجه وياها كملت البنية طريقها وجابت الحاجة الوصاها ابوها ورجعت من رجعت سألها ابوها مريتي من يم مضيف الشيخ كالت اية بوية وكلشي ما حجة وياي
كال خوش باجر انشيل من هاي الديره
وهاي العرب ماتفيدنة وصدك ثاني يوم شال وحط بغير عرب وهم سوة نفس العملية شك ثوب البنية من اذيالها او وداها لبيت الشيخ ومن رجعت سالها كالتلة شافني الشيخ وهم كلشي ما حجه وياي كال هم انشيل هاي العرب هم ماتفيد
كول شال وحط بغير عرب ونفس العملية سواها بس من مرت الطفلة من يم مضيف الشيخ وشافها الشيخ ثوب البنيه مشكوك صاح على نسوانة وبناتة بالمحرم شوفن هاي الطفلة شتريد انطنها وخيطن ثوبها
رجعت الطفلة وسولفت لابوها الصار وياها
كال اية هاي الديره نبقى بيها و عرب هذا الشيخ تستر الواحد وتحب الستر ذولة انظل وياهم لهناك الشيخ مال العرب كال لواحد من ربعة صيحونة لهذا الزلمة النزل يمنة خلي يتفضل يمي يشرب كهوة كول اجة صاحبنة وسالة الشيخ عن سالفتة وحجاها للشيخ كلها
الشيخ كله سهله هاي وعتبرها مكضيه
ومشة على عمام صاحبنة وتحمل الفصل كلة وراضاهم وية عمامة

شاهد سالفتنة ورباطها

العرب الما بيها خير وتستر وتحل المشاكل بالمعروف لاخير بيها شيل عنها ولا تنزل بيها

للترفيه
جا هسه اني وين اولي هيه خيمه وحطها على راسي لو احطها بعربانه بلوه
ههههه
بس شوف الناس الخيره المعدله قبل اشلون
تلمها وتعمل بالمعروف وتخيط المفتوك

صبحكم الله بالخير ياطيبين

[Joo]

سالفـــه بـــدون ربّاط
واحد يسولف يگول اني واگف بطريق العماره بمفرگ شيخ سعد واجت سياره من العماره انگلبت يم المفرگ يگول احنه الواگفين اخذتنه الغيره وركضنه نريد نطلّع العبريه خاف حالتهم خطره لو موته يگول وصلنه للسياره باوعنه لگينه العبريه ما بيهم شي كلهم واعين بس مضمدين الشاد ايده والشاد رجله والشاد راسه يگول صلينه على محمد وأل محمد وصحنه سبحانك ربي يمكن الملائكة مضمدتهم طفر علينه شايب من العبريه گال عمي يا ملائكه هذا سايقنه التُحفه من العماره ليجاي ثالث مره يگلبنه ،
سالفتنة شعبنا شبع گلبات هم يرجع ويصعد بنفس السيارة ونفس السايق ....!!

[Joo]

تقدم رجل عاطل عن العمل لشغل وظيفة منظف مراحيض فى احدى شركات الكومبيوتر الكبيرة وأخذ موعد لمقابلة مع مدير الشركة.

وأثناء المقابلة، قال المدير للعاطل عن العمل : انك قُبلت في الوظيفة.
لكن نحتاج بريدك الالكتروني لنرسل لك عقد العمل والشروط.

فردّ الرجل العاطل عن العمل بأنه لا يملك بريد الكتروني وليس لديه جهاز كمبيوتر في البيت .

فأجابه المدير ليس لديك جهاز كومبيوتر يعني انك غير موجود وان كنت غير موجود يعني انك لا تستطيع العمل عندنا.

خرج الرجل العاطل عن العمل مستاء بعد ان اغلقت الأبواب في وجه ورُفض.

و بطريقه اشترى بكل ما يملك وهو 10 دولارات 10، كيلو غرام من الفراوله، وبدأ بطرق الابواب ليبيعها .

في نهاية اليوم ربح الرجل 20 دولارا .

بعد هذا ادرك الرجل ان العملية ليست بالصعبة.

فبدأ في اليوم التالي بتكرار العمليه 3 مرات وبعد فتره بدأ الرجل بالخروج في الصباح الباكر ليشتري اربعة اضعاف كمية الفراولة .

وبدأ دخل الرجل يزداد إلى أن استطاع الرجل شراء دراجة هوائية.

وبعد فتره من الزمن والعمل الجاد , استطاع الرجل شراء شاحنة إلى أن أصبح الرجل يملك شركة صغيرة لبيع الفراولة.

بعد مرور خمس سنوات، أصبح الرجل مالك أكبر مخزن للمواد الغذائية.

بدأ الرجل يفكر بالمستقبل إلى أن قرر أن يؤمّن الشركة عند أكبر شركات التأمين.

وفي مقابلة مع موظف شركة التأمين قال الموظف أنا موافق
ولكن احتاج بريدك الاكتروني لأرسل لك عقد التأمين.

فأجاب الرجل بأنه لا يملك بريد الكتروني وحتى انه لا يملك كومبيوتر.

رد موظف التأمين مستغربا لقد أسست أكبر شركة للمواد الغذائية فى خمس سنوات، ولا تملك بريد الكتروني ,ماذا كان يحدث لو انك تملك بريد الكتروني !!

رد الرجل عليه لو كنت أملك بريد الكتروني قبل خمس سنوات لكنت الآن أنظف مراحيض فى احدى الشركات !!.

#العبرة
احيانا يمنع الله عنك امرا تحسبه انه الصالح لك ولكنه سبحانه وتعالى يخبأ لك الافضل، فإن اغلق الله أمامك باباً سيفتح باباً آخر خيراً من الأول، فإحمد الله على كل حال وارضى بقضاء الله فى كل الاحوال فوالله مهما دبرنا لأنفسنا لن يكون اجمل واكرم وأرحم من تدبير الله لنا .

ل

[Suzana]

السلام عليكم
....
اليوم سالفتنه عن الرزق

بيوم من الايام الملك وحاشيته طلعوا للبر يتصيدون . اخذ منهم التعب والعطش والحر فالوزير گله سيدي ذااااك بيت شعر خل ننزل عليه ونرتاح ونرتوي . الملك گله خوش فكره
من وصلوا للبيت لگوا امراه وزوجهه فقط ، رحبوا بيهم واستضافوهم وقدمولهم اللبن والزاد ، والزاد كان عباره عن لحم فقط ، ورا مااكل الملك وربعه وارتاح سال ابو البيت وگلي اعذرني على سؤالي بس انت قدمتلنه اللحم فقط ليش ماوياه خبز ؟
الرجل گله لان مااملك الخبز ....
الملك گله غريب . تملك اللحم وماتملك الخبز
دنگ الرجل وگله للملك وهو ميدري بي ملك . گله يالضيف اني مااملك الا هاي العنزه وعايشين عليها اني ومرتي ومن شفتكم نزلتوا عندي ذبحتهه الكم حتى اقدملكم الزاد واعذرني من التقصير
هنا اطرق الملك وانقهر وگاله اني ماشايل شي وياي واني الملك تره واريد اكافئك على كرمك فلازم تجيني للقصر وهذا الخاتم الملكي خلي عندك حتى تبرزه للحجّاب علمويفوتوك للقصر .....
وره اسبوع المره گالت لرجلهه : اگلك تره امورنه دچت گوم روح لقصر الملك بلكي ينطيك وظيفه ينطيك منحه . الرجل كان متردد لان نفسه عزيزه بس الحاجه خلته يروح
.
المهم .... من وصل للقصر ووصل للحاجب الاول برز الخاتم ومرروا والحاجب الثاني كذلك الى ان وصل للحاجب السابع اللي واگف يم البرده .. الحاجب عرفه ورحب بي وگله خلي الخاتم عندك هسه ومن تدخل على الملك انطي اله .. بس خل الملك يخلّص صلاته وبعدين ادخل ... الملك كان واصل بصلاته للقنوت وطابگ اديه ورافع نظره بتذلل . الرجل الفقير ماكان متفقه بالدين حيل فسال الحاجب :
الملك شجاي يسوي ؟
رد عليه الحاجب :
جاي يطلب من الله سبحانه وتعالى
گله ادري شيطلب وهو كلشي عنده
گله يطلب دوام الحال .....
الرجل گال هااااا !!!
زين ياسياده الحاجب يصير احنه هم نطلب من الله لو الله يستمع بس للملوك ؟
گله ابواب السماء مفتوحه ، وربك يسمع الكل ويگول ادعوني استجب
.
هنا الرجل لزم لحيته وصفن ... وره شويه شال راسه وناول الخاتم للحاجب وگله دهاك عيني هذا رجعه للملك وگله كلشي مااريد منه مشكور
ولك ليش ؟ گله يعني قابل الله رب الملوك وحدهم . يعني الملك يطلب من الله وينطيه واحنا نطلب من الملك . ؟
لاعيني لا اني راح اطلب من ملك الملوك واذا هو ماراد ينطيني مااريد من عبده
وطلع زعلان ومقهور ورجع لبيته وهو يمشي بالجزيره عثره الله الرزاق بكنز مدفون
راح صاحبنه استصلح الارض وجاب فلاحين وفتح قنوات للري وصارت منطقته قريه عامره خلال سنه ...
بيوم من الايام الملك هو وحاشيته هم طلعوا للصيد فالملك انتبه وگال للحاجب :
هاي القريه اني ماشايفهه گبل گله والله ولا اني گله لعد خل ننزل على شيخهم ضيوف ونساله
ومن تقربوا طلعلهم صاحبنه وتلگاهم وضيفهم ذيچ العزوبيه . بس الملك ماعرفه لان مثل متعرفون الخيريبدل الوجوه
الملك سأل الرجل عن القريه وحالها وشلون صارت خلال سنه
فالشيخ سال الملك وگله ماعرفتني ؟
اني ابو العنزه وقصتي كيت وكيت وطلبت من ملك الملوك وانطاني
گله شنطاك وشلون ؟
گله:
ملك الملوك اذا وهب
لاتسألن عن السبب

الله يعطي من يشاء
فقف على حد الادب

ودمتم

الله ..حلوة كولش القصة
ونعم بالله الكريم