سوالفك يرادلهن كعدة وقوري جاي
متابع
سوالفك يرادلهن كعدة وقوري جاي
متابع
حيك الله بأي وقتالمشاركة الأصلية كتبت بواسطة ايليتا
متابعه بشغف
شوكت مايكل الجاي تعال هناسوالفك يرادلهن كعدة وقوري جاي
متابع
نورتم
هاي السالفة يكولون حقيقيه
اكو شباب اجو يسالون على احد الشيوخ وجان امبين عليهم العز والخير وسياراتهم حديثة وملابسهم فاخرة ولكن كان ايبين عليهم الانكسار والضيق والحسرة .
وكل الاحترام للشيخ الي يسالون عليه الله يرحمة كان شخصية محترمة..المهم هاي الناس اهل الطلابه اجو يسألون عليه سألوا واحد اثنين ثلاثة حصلوا عنوان الشيخ من وصلو مكانه شافو الشيخ ايصعد صناديگ طماطة وينزل والماي مال الطماطة واصل لراسه جان ايبيع طماطة بالسوگ لان هو طيب ونفسه عزيزه واصيل وصاحب نخوه واله مواقف طيبه مع الناس في حل المشاكل الي تحدث بالديره
وهنيالك ياعامل الخير
المهم
الولد من شافوه اترددو گالو هو هذا الشيخ الي احنة جايين علية.حسبالهم ايشوفونه بغرفة مزروقه لو بمكتب او بمكان يليق بسمعته الطيبه وهو فعلا يستاهل اكثر لانه خير مايقبل مناه ومناه يعمل بجد ذراعه
.وهايه الناس الي اجته جانت شغلتهم عويصة ورايحين هواي العدد من الشيوخ ومافاضين طلابتهم اكو ناس تعرفه خيره ونصحوهم اهل الخير يرحون الهذا الرجل
المهم. من وصلو يمه گلولة انت شيخ فلان صاح عليهم وصلتو واهلا وسهلا بيكم واتفضلو شعدكم من شغله سولفولي واني اسمع وان شاء الله شغلتكم مكظيه
الولد سولفولة شغلتهم وكالوله عدهم سياج مال حديقة طايح على واحد مار من يم السياج واجت هوية قوية دفعت الحايط عليه وكتلته ويردون منهم الا كتل مايقبلون بالفصل ومسوينها عليهم سالفة طويلة وعريضة.المهم كاللهم الرجل الخير يمتة كعدتكم كالولة بعد ساعة نكت هدومة وعاف عمله وكاللهم امشونه ولدي واخذهم للبيت سبح ولبس اهديماتة وجفيتة وعكالة وراح وياهم. من وصلو للمضيف اللي ناصبينة الجماعة والناس كلها كاعدة وتنتضر جيتهم الشيخ اول ما نزل من السيارة وزن شغلته بعقله لان هو معدل وفاهم بهاي الامور الي تحدث مثل هاي السالفة من نزل من السياره باوع يمنة يسرى شافله حايط اجة الشيخ وكعد جواه .اجو ايركضون علية الشيوخ ووجهاء العشاير والمنكولين واهل الطلابة وهو رجل معروف وصاحب بخت وعلى مستوى شيوخ اهل الديره وحتى شيوخ المحافظات اتعرفة واتحبة.
كاللهم شوفو اليوم ماكوم من مجاني الاايطيح عليه هذا
الحايط وابليكم مثل مابليتو هاي الوادم .عاد اهنا رجعو الجماعة الوعيهم وتنازالو للشباب عن الشر الجان ضامينة بكلوبهم وقبلو بس بلفصل المعقول والمقبول واللي يرضي الله وعباد الله بفضل فطنة وبطولة هذا الشيخ الفاضل الله يرحمة ويجعلة في ميزان اعمالة....
حلوه السوالف هنا شكرا الك متابعه
حياكم اللهحلوه السوالف هنا شكرا الك متابعه
خلال عملية سطو في مدينة نيويورك صرخ اللص موجهاً كلامه إلى الموظفين الموجودين داخل البنك :
لا تتحركوا فالمال ملك الدولة وحياتكم ملك لك .
فأستلقى الجميع على الأرض بكل هدوء ..
"وهذا ما يسمى بمفهوم تغيير التفكير"
وعندما انتهى اللصوص من السرقة قال اللص الأصغر والذي يحمل شهادة جامعية لزعيم اللصوص وكان أكبرهم سناً وهو خريج الدراسة الأبتدائية :
يا زعيم دعنا نحصي كم من الأموال أخذنا !
قام الزعيم بنهره وقال له : أنت غبي ؟!
هذه كمية كبيرة من الأموال وتأخذ منا وقتاً طويلاً لعدها الليلة سوف نعرف من نشرات الأخبار كم سرقنا من الأموال !!
"وهذا ما يسمى الخبرة"
في هذه الايام الخبرة اكثر اهمية من المؤهلات الورقية
بعد أن غادر اللصوص البنك، قال مدير البنك لمدير الفرع : اتصل بالشرطة بسرعة، ولكن مدير الفرع قال له : إنتظر دعنا نأخذ 10 ملايين دولار ونحتفظ بها لأنفسنا ونضيفها الى ال 70 مليون دولار اللتي قمنا بأختلاسها سابقا !!
"وهذا يسمى السباحة مع التيار وتحويل الوضع لصالحك"
قال مدير البنك : إذن سيكون الأمر رائعاً اذا كان هناك سرقة كل شهر ..
"وهذا ما يسمى بالتمادي"
وفي اليوم التالي ذكرت وكالات الأخبار ان 100 مليون دولار تمت سرقتها من البنك !!
قام اللصوص بعد النقود المرة تلو المرة، وفي كل مرة كانوا يجدوا ان المبلغ هو 20 مليون دولار فقط ، غضب اللصوص كثيرا وقالوا نحن خاطرنا بحياتنا من أجل 20 مليون دولار ومدير البنك حصل على 80 مليون دولار من دون أن تتسخ ملابسه يبدو ان من الافضل ان تكون متعلماً بدلا من ان تكون لصاً ..
"وهذا ما يسمى المعرفة تساوي قيمتها ذهباً"
كان مدير البنك يبتسم سعيداً لانه اصبح مليونيراً وجميع خسائره في البورصة تم تغطيتها بهذه السرقة.
"وهذا ما يسمى اقتناص الفرصة"
فاللصوص الحقيقيون هم غالباً ذوي المناصب العليا لكنهم لصوص بشهادات..
سالفة ورده
أكو أمريه اسمهه ( ورده ) توفه زوجهه وبقت لوحدهه وعدهه 3 بنات اجاهه رجال من القريه گالهه خويه انتم ظليتوا الوحدكم بلا زلمه يوگف وياكم وهالتشوفيني آنه گدامج اذا توافقين بيّه لو تنطيني من البنات وآنه بخدمتكم وأصير والي الكم هم المريه راحت سولفت وي بناتهه ما رضن البنات يتزوجنه ... اتزوجته المره الام
وكعد وياهن بالبيت لاشغل ولا عمل وهيه المره عدهه صخول كل فتره وگالهه خل نبيع 2 او 3 من الصخول نتصرف بيهن
وره فتره هم گللهه نبيع من الصخول وهي تگله بكيفك
لما خلّص الصخول كلهن .. أخذله فتره گالهه اگلج شوفي البنات مايتزوجن خل نزوجهن ليش گاعدات قصده يأكل مهرهن .. !!
مرته هم سولفت وي بناتهه گلتلهن الزلمه يگول يتزوجن احسن ....البنت الچبيره نادره وفطنه گعدت بالباب وظلّت تنعه وتبچي ... وهاي گولتهه :
طلع سربوت يا ورده ولينه
گظه صخيلاتنه ويفتر علينه
هسه ولا الجماعه مابقّوا شي وصفّروا الميزانيه وراح يرجعون على رواتب المگاريد الموظفين والمتقاعدين لانهم الحلقه الاضعف والاسهل خو مو يروحون على الرواتب الخياليه والمخصصات والمنافع الاجتماعيه للرئاسات او النواب والمستشارين لو الرواتب المزدوجه لجماعتهم لو ...لو ...لو...!!
عراقية كتبت قصتها تقول -------
بعد ما ولدت طفلي الاول ذهبت ﻷهلي وجلست عندهم طول فترة اﻷربعين --- ولما خلصت أربعين يوم بالضبط كلمني زوجي في نفس اليوم وقال : راح اجي اخذج لان البيت بدونك مايسوة شي – فحاولت ان اتعزز عليه – وشجعني على ذلك خواتي الاربعة الغير متزوجات – فقلت له لا ماراح ارجع للبيت الا بعد اسبوعين زيادة
{{هذا كلام خواتي وأنا أسمع الكلام }}
زعل وحاول اقناعي ولكن لا حياة لمن تنادي ---- وفي المساء كرر الاتصال وطلب مني العودة للبيت ولكني ̷̷̷̷̷̷̷
أصريت على رايي ---- وبعدها تركني واخذ لم يكلمني ولن يسأل عني
وبعد إسبوعين جاء وأخذني من عند أهلي وقال لي : أنا اردت ان اجي آخذك ولكن إنتي عنيدة وأنا ما كدرت أصبرفي البيت وحدي
فأنا تزوجت زوجة ثانية وحطيتها بالملحق اللي فوقنا --- وحاولت ان اتكلم معه ولكنه صرخ في وجهي {{ اذا تردين تبقين عند اهلج ابقي واذا تردين تجين معاي تعالي }} فاكيد انا اختاريت ان اروح وياه وحتى اشوف شكل زوجته الثانية واطلع حيفي منها --- ♡
ولما دخلت بيتي مت من القهر والحركة وأنا أسمعها رايحة جاية وصوت الكعب اللي طورم أذني وموتني قهر ♡ وصار زوجي كل شويه وراح صعد يمها ̷̷̷̷̷̷̷
واللي حرك دمي صوت الكعب يعني أربعة وعشرين ساعة كاشخة اله ♡̷̷̷̷̷̷̷
وبعد يومين جاني وقال : أريدك تتجهزين حتى تصعدين تسلمين على العروس وهالشي إجباري ♡̷̷̷̷̷̷̷
المهم لبست وطلعت وياه وصعدنه الدرج ووكفنه على باب الشقة وبس طلع المفتاح وخلاه بالباب وبس سمعت واحد يفتح بالباب واذا بصوت كعبها يقترب من الباب ♡̷̷̷̷̷̷̷
أنا فقدت توازني وأغمى علي وما صحيت إلا والماي يرش على وجهي وصحاني وقال : كومي شوفي ؟ ♡̷̷̷̷̷̷̷
ولما نظرت إلا وأشوف خروف وملبسه قواطي برجليه وقال لي : هذا لسلامتك أنتي ولنونو ♡
والحركة اللي سويتيها ما اريدها بعد تتكرر ♡̷̷̷̷̷
^ جلطها النذل !!
^ والخروف النذل طول هالوقت ما قال : مااااع
رباط السالفه......
ها
لا ماكو رباط
الاداره بنات مابيه ألم جويلاتي وابات بالبرد
اتركه للي فهموه
فد يوم اكو فريخ جاهل مشيطن راضع وي ابليس بي سوله مال بوك..الناس تجي تشتكي لامه.... يا ام الفلان ابنج باكنه..ونستخطيه لان يتيم ما تلزمينه وتخليه ايبطل هاي السالفه امه ما مقتنعه لحد ما ذاك اليوم باك ديج من جيرانهم .. من اجوهه يشتكون صاحبنه اركض للديج وكص رجليه... كاللهم عمي انتو ديجكم عندة رجلين وهذا ما عندة..المهم ما اطول عليكم السالفه امه عرفت سالفة ابنه كتلته ما فاد سجنته ما فاد..اخر حل وصفولهه سيد يقرأ عليه ويبطل من هاي السالفه ..اخذته ومشت للسيد وكعدت اتباوع عليه والسيد يقرأ على راسه شويه وكالهه هذا بعد من أيشوف اكنوز الدنيا ما يمد ايدهه...طلعت عود فرحانه واسولف على ابنه التفتت ما لكته صاحتله ولك وينك.. كالهه يمه اجيتج مو نعال السيد جبير وما اعرف أمشي بي ( طلع بايك نعال السيد)
شاهد سالفتنه
الجماعه مشيطنين وراظعين وي بليس وبيهم سوله مال بوك ومايبطلون لو مو يقره عليهم سيد
سالفة ورباط...
-ام حيدر شعرهة بيه رطوبة شافنهة صاحباتها ام صالح وام سليم :
ها خير اليوم شعرچ رطب ووجهچ متفح? .
- البارحة لبست ملابس خفيفة وخليت عطر واتلگيت ابو حيدر بابتسامة ونمت بحضنة وحضنة دافي ومااگدر اكمل السالفة ...
ثاني يوم ام صالح شعرهة رطب :
ها ام صالح ?
- والله سويت مثل ام حيدر ولبست خفيف وخليت عطر واجة ابو صالح وگتلة حضنك دافي ومااگدر اكمل .
ثالث يوم ام سليم عيونهة مزورگة وخلقتهة مخربطة وخشمهة بيه گطن لوقف النزيف :
ها خايبة شبيچ ??
- والله سويت مثلچن ولبست خفيف وخليت عطر واجة ابو سليم ونمت بحضنة بس حضنة بارد گتلة ليش حضنك مو دافي مثل حضن ابو حيدر مثل حضن ابو صالح ? وبعد مااگدر اكمل...
رباط السالفه :
ياحكومه تجي عبالنه حظنهة دافي مثل حظن ابو حيدر وابو صالح تاليته يطلع حظنهم بارد مثل حظن ابو سليم وعيونة تزورگت
وبعد مااكدر اكمل.....
رد مع اقتباس
