سلمت اناملك حكم وقصص رائعه ذات معاني جميله جدا استمر
سلمت اناملك حكم وقصص رائعه ذات معاني جميله جدا استمر
اليوم سالفتنه
سالفة
الحرامي الناطور
سالفه من سوالف اهلنه الطيبين و الراحو
الله يرحمهم
يگولون اكو سلف يومية ينباگ بيت من عدهم
ويريدون يعرفون اليبوگهم ماكو وظلو يحرسون السلف وماحصلو نتيجه
ذاك اليوم ملو وتعبوا من النطارة وما كضوا الحرامي؟ بعد شيسوون ظل عدهم راي واحد هو اتفقو يرحون للشيخ مال السلف اللي متكبر گوة شايخ عليهم، يشتكون عدة بلكي يلگالهم حل للحرامي؟
شيخ (مشتت) گالهم ولكم غم الله عماركم صدگ چذب يوميه تنباگون وانتم عرب شكبرها مابيكم زين مابيكم واحد بيه حظ ومابيكم واحد گدها ومن هذا الحچي المصفط
همه ظلو مدنگين وشيخ مشتت يرزل وينعل بيهم ؟
شيخ مشتت گالهم شوفو اريد منكم زلم كلفه من الزلام الزينين ويموتون حدر زمرها گلولي ما بيكم? طلعوا الزلم وگالوا عد عيناك محفوظ
گالهم اريدكم تحوطون السلف من كل مچان وحچالهم الخطه گاللهم اريد كل ثنين سوه ثنين من الشمال وثنين من الجنوب وثنين من الشرگ وثنين من الغرب وكون ما ينامون كلش للصبح والحرامي اذا كضيتوه اكتلوه بمچانة لا تجيبونه الي خوش؟
گول
نطروا الزلام صبح السلف هم مبيوگ ثاني يوم هم صبح السلف مبيوگ هذولي الزلم واحد يگل للاخر انت ولك هم نمت البارحه گاله لا والله ما نمت گالة جا منين انباگ السلف ولكم صدگ چذب چاهذا الفلك منين اجانه المهم اتفقوا ما يبقون بمكان واحد يفترون للصبح ذاك اليوم ولن يكضون الحرامي گالوله ولك اليوم انفگس عيونك مثل ماخليتنه الليل ما انامه قسم گالوا خلي نذبحه وقسم گالو خلي نشبگة ونشمرة بالشط واحد بيهم يفتهم گالهم لا ناخذة للشيخ والشيخ هو يتصرف وياه؟
هذا الحجي الحرامي بعده بنگابة ومشبگ يعني ملثم والدنيا ليل
جابوه للمضيف مال الشيخ بقوا گاعدين للصبح ينتظرون يجي الشيخ ماكو الشيخ
صاحوا على الگهوجي مال الشيخ الشيخ وين گالهم بعده نايم
صار عدهم راي النواطير گالو خلي نفك نگابة ونعرفة منين هذا الحرامي فكوا النگاب ولنه هذا شيخ مشتت مشبگ
وهو الحرامي؟خويه وطلع ناطور السلف هو الحرامي
وحاميها حراميها
سالفتنه
مادري عليمن جبناها على شيخ مشتت الحرامي ماادري على الشابعين نوم وبيوتهم منهوبة وخيرهم رايح لشيخ مشتت
وياغافلين الكم الله
وطابت اوقاتكم بكل خير
والقهر يعمي يابعد بيتي
ممنون ياطيبالمشاركة الأصلية كتبت بواسطة DARK
فقد ابنه الوحيد ضد كوكب الارض .
اصيبت عيناه اثناء القتال .
قتل بعد معارك ضارية من اجل قضيته .
رحل ولم يكن يملك شبرا واحدا في كوكب فيكا. ولافندق . ولاحساب مصرفي .
حتى زوجته واطفاله لم يحصلو على راتب تقاعدي من بعده .
لم يسرق . ولم يمد يده على المال العام.
كان مناظلا. شريفا . ذو عقيدة .
زوريل ........
وزير العلوم والتكنلوجيا في كوكب فيكا .
القيادي البارز . واول وزير تكنوقراط في التاريخ الحديث . غير منتمي لاي طائفة او حزب .
نعم . حتى الشر عندما يكون نزيها شريفا يكون محط احترام ....
قصه وحكمه تستحق القراءة والتقييم شكرا لك يا جو
الشكر للهقصه وحكمه تستحق القراءة والتقييم شكرا لك يا جو
ممنون
طبعا السالفة من التراث البدوي الاصيل, يعني اكتبهة بالجلفي ولو هو خطأ اكول ( جلفي) لان الخير كلة بحجايات اهلنة قبل.
جان اكو رجل حكيم عندة ولد ثنين, وهذول الولد مو اشقاء يعني مو من فرد ام, المهم واحد اسمة صالح وواحد مالح, صالح صحيح صالح بس مو زلمة, ومالح شهم ومتدين وحاويهن كلهن, تسارعت الايام وابوهم مات بس وصة لصالح بالتارثة مالتة وكلة انتة تزوجت وحدة من بنات عمك واني راضي عليك, مالح خل يتزوج بت عمة ( فتنة) هنا انصدم مالح فوك ما اخية رعيع وبيد النسوان اخذ كلشي وانوب يجبرة علة ( فتنة) !
فتنة بت السلف
فتنة جانت صدك فتنة, وهية وي مالح من الصغر, جميلة بس هية بذرة شيطان, بحيث انعجب بيهة صالح ورادهة وما قبلت كالت اني من الصغر مكتوبة لمالح, طبعا هية داهية تعرف مالح زلمة عدل, ويعرف سويلفاتهة كلهن جانت تغوي بالصغر وهو سبع متدين وما يند الناقصة, بس كلمن وبي لولة وهاي دنية, وجانت تغوي اخية هم بغضا بمالح, وهو دايما يعارك اخو ويكلة لا تلعب وياهة, بس العالم حسبالهة يغار منة, المهم مالح كال ما اخذهة ولا اريدهة اصلا هي مو بت عمي صدك لان البنية علة سر امهة والظاهر مالح يعرف شني السالفة, ما علينة....
المهم شبت النار بين الاخوة لان اخت فتنة مثل اختهة وزود وتحشي براس صالح, وتزوج مالح بنية من غير سلف خوش بنية من ناحية الدين والاخلاق, بس هية رعيعة شوية مو ماكرة, وخلف منهة ولد , وفتنة بعدهة فتنة تهيج الكوم عالكوم, ومالح صار جبير السلف الغريب, وصالح بعدة رعيع فتنة تجي وتغوي وتركسة بالخيس, وسيطرت علي ظل صالح يهيج العالم علة مالح, هذا غريب وتشيخ عليكم ومن هذا الحجي, وهاي الغمة مرت مالح دخلت الفتنة لبيتهة وما تعرف تسوي شي, لان من باب الحرام وصلة الرحم, وصار مالح مثل بلاع الموس كدام ولدة لا يكدر يكللهم ترة السالفة مو يمكم هاي نزوة شيطان, ومنو يفهم حجية يكلولة انتة مخرف, المهم ما اطول عليكم....
وصلت الفتنة بدين مرتة وعرضهة , وهاي فتنة سيطرت حتة علة الملة اللي بسلف صالح, بحيث الملة اجة يكل لمالح مرتك مو خوش مرة, فمالح كلة ملة استغفر الله بشهود لو هيج؟! كلة هاي السلاف ثنينهن يهرجن بهذا الهرج, كلة ملة ( فتنة) ضمتك لجيشهة؟! هذا الملة انهضم وضل يجيب كلام الله علة الباطل, طاحت بيهة مرية مالح, وتطلكت بسواد وجه وهي بت اجاويد, زين من طلكهة غير يفكونة ياخة! لا كوكو ولدة علي والملة يحديهم, ولازم تزوج حرام تظل هيج, يابة خل اتزوج علة مايي؟! لا .... لازم تصحح خطأك وتزوج بت عمك فتنة, عاد بملحة والملة طلع مالح من الكلجية, تزوج فتنة!!! وهنا فتنة لعبت لعب, بعد شيطان ودخل بين بني ادم, ولدة هججتهم, وانحرفوا, كام خيرهم ما يلكة غير ينتحر, السلف كلة تمرض وفتنة تفتن, الملة صار بين نارين لو يسكت ويكعد لو يحجي وبعد ياهو اليصدكة وهو بالاخير لازم ينكتل... وعلة هالرنة خليتهم واجيت.
هسة رباط سالفتنة( شلونهة فتنة اللي تعطف علة فروخ البط؟! وين الملة الطلع مالح من الكلجية؟! وشلونة صالح خوش دار السلف ؟! بشرونة بولد مالح جم واحد انتحر جم واحد تهجول جم واحد ركبتة فتنة وبعد ما يرد وجم واحد صابة المرض وحاير بي؟!!!)
وسلامتكم
((سالفه ورباط))
((واوي التبن))
یگولون اکو راعي عنده غنم بس ماشا‌‌‌‌‌ء الله خير من الله وعنده بنته تساعده باعمال الرعي وتربي وترضع الطليان وتسرح بالغنم هذاك الیوم باللیل سمعت البنیه حسحسه بالتبن طلعت بیدهه فانوس وتتفگد الصوت لکت واوي مفرخ بالتبن
صاحت علی ابوهه بویه بويه الحگ هذا واوي مفرخ بالتبن طلع الراعي یرکض وتفگته بيده ولنها نثیة مال واوي وفروخهه يلصلصن بعيونهن.. صوفر علی الچلب مالته اجاه یرکض چان یحط عالچلب ویطگه بچیله بالكصه ویکتله
صرخت بته وصاحت بویه انه صحتلك عالواوي ليش کتلت الچلب ؟
ضحك وگال لو ما الجلب فاسد ما فرخ الواوي بالتبن ...
هسه رباط سالفتنه الدواعش ألي فجرو نفسهم أول البارحه في ساحة الطيران وأستشهدوا بها شباب ورود ....لو مالهم محط رجل منين أجونا من الشيشان ...
السلام عليكم وطاب مساؤكم
------------------------
كان نوري سعيد يحلق عند حلاق آسمه جواد .... وكان عندما ينتهي من الحلاقة يجلب آبن الحلاق المنشفة لكي يمسح بها الباشا .... وكان الباشا يُكرم آبن الحلاق بعانة ( آربع فلوس ) وكبر آبن الحلاق الى أن تخرج من الخامس ثانوي ، جاء الباشا ليحلق كعادته .... فقال له الحلاق : آبشرك باشا آبني تخرج من الثانوية .... فهنئه الباشا نوري سعيد .... وعندها قال له الحلاق : آريد منك ياباشا آن تساعده في الدخول الى الكلية العسكرية ؟ فأطرق الباشا صامتا" وقال له :: آستطيع آساعده في الدخول الى كل الكليات بآستثناء الكلية العسكرية !!! فقال له الحلاق : لماذا باشا ؟ فرد الباشا بلهجه عراقيه : أنا لا آستطيع التدخل في قبول ضابط كان يمسك لي الخاولي ويأخذ مني الأكرامية قبل دخوله للكلية العسكرية !!! لآنه ببساطة سيأخذ رشوة وسيبيع البلد بأبخس الآثمان !!!
والان يا باشا انظر ماذا فعل ساسة البلاد باحوال العباد وباجزاء العراق وراح اضرب ألك فد مثال
احدئ الاحزاب العائده للبلد بعد السقوط منحت افراد من اعضائها رتبا عسكريه اقلها رتبة --مقدم--لكي يقوموا بحمايه مؤسسات الحزب والدوله وبعد مده سنتين احيلوا علئ التقاعد بمنصب اعلئ ولحد الان يستلمون راتبا تقاعديا وهم لا يعرفوا عن العسكريه شيئا ما !!!
ألك الله يا شعب العراق المقدام والله يرحمك يا نوري السعيد الذي تناثر جسده من السحل بالشوارع ولم يستطع اي احد ان يدفنه في قبر معين
الله يرحمه
الزكطة نفس الزكطة بس الغاط جديد
..
بالعشرينات چان اكو فلاح فطير و من اهل الله عنده زمال تكرمون يحمل عليه ويكرب عليه بقرية بعيدة ،،
الحكومة بدت تبني مدارس بالارياف ، وصاحبنا مر على العمال ، جاي يبنون بمدرسة ،
سألهم بوية شتبنون
گالوله عمي نبني مدرسة ،
گال وشنهي هاي المدرسة ،
گلوله هاي تسوي الزمال آدمي ،،
گاللهم هاااا ،
، گال هسه هذا ابو صابر المْطَيْ مالتي من أخليه يمكم يصير آدمي لان مدولبني يعض ويزگط وصعب فرد نوب ،،
ذولة نغولة واحد ندس الثاني ،
گاله ، ولك خلي يجيبة نحمل عليه ونگضي بيه شغل ،
گاله اي عمي خلي يمنه وانت روح ،
عافه يمهم وراح ،
ذوله خلصو شغل بابو صابر وكملت المدرسة وبعدين باعوه و أكلوا فلوسه وراحوا ،
وره خمس سنين ، ستة ، صاحبنه اتذكر الزمال ، گال خلي اروح اشوف ابو صابر صار آدمي بعده؟ ،
وصل للمدرسة لگه المدرسة بيها طلاب و معلمين و بالصدفة مترقي احد المعلمين صاير مدير للمدرسة اسمه استاد ابو صابر ،
كالهم عمي وين الزمال ابو صابر ،
گالوله المعلمين عمي احترم نفسك وابو صابر صار مدير المدرسة ،
گال هااا والنوب صاير مدير ، صيحولياه ،
إجه المدير لابس قاط ورباط ، گاله تفضل عمي ،
گاله ها ولك ابو صابر ما عرفتني نسيت شگد چنت أُحمِّل عليك ، واترسلك العليليجة شعير ،
كاله حجي احترم نفسك لاتتجاوز
گاله ولك ابو صويبر شنهي الغاط والرباط خلنّك تحچي وياي هيچ بعده يلالك عندي ،
المدير گاله عمي روح منا لا ابتلي بيك ،
گاله خايب كلش سويت روحك ما تعرفني ، ولك موش حتى رشمتك بعدني ضامها الك ،
المدير انحرج وضاج ، حط على صاحبنا وطگه بدفرة على صدرة ،
فقد الوعي ، اجوه المعلمين ذبوا عليه ماي و فرچوله ، گعد ،
گالهم والله هو صويحبي ، صحيح هندامه متبدل والغاط جديد، بس اعرفه من زگطته هيه هيه. .
ولا سالفةربعناال ١٨ سنة نفسهم وهسه جايين بغير اسماء تحالفاتهم يردون الناس تنتخبهم
رد مع اقتباس
