من قال انه ليس هم نفسهمالمشاركة الأصلية كتبت بواسطة أبن ألأشتر
فقط الملابس اختلفت
قبل بلا حجاب والان تنقبو ليعثو في الأرض فسادا بحريه
الحالين من أتى بهم هو من أتى بالي سبقهم
الهدف واحد ولهم أسباير
كل مافي الأمر أن الناس من تكلمهم اما يقولون عنك مجنون أو يرمونك ب بهتان آخر متين
تجملت صفحات بمرورك
سالفة كصيرة ومعبرة....
دخل طفل صغير محلا تجاريا وطلب من صاحب المحل السماح له باستخدام الهاتف...ودفع له اجرة المكالمة.
وافق صاحب المحل.. وسحب الطفل صندوقا وصعد عليه كي يتمكن من الوصول إلى الهاتف..والرجل يراقب الطفل..
ادخل الطفل الرقم وبدأ المكالمة :
مرحبا سيدتي..
هل أنت بحاجة إلى شخص ليعمل عندك ؟
قالت السيدة: لا . .
قال لها: أستطيع أن أجز لك الأعشاب من الحديقة..
فقالت السيدة : لدي عامل يقوم بهذا العمل .
فقال لها: أنا أفعله لك بنصف الأجر .
فأجابت السيدة بالرفض.
فقال لها: سأجعل حديقتك أجمل حديقة في الحي .
فرفضت السيدة . .وأغلق الطفل الخط..
التفت إليه الرجل صاحب المحل وقد أُعجب بإصراره واسلوبه للحصول على الوظيفة
فقال له: أنا لدي عمل لك هنا بالمحل ..
فقال له الطفل : شكراً لك يا سيدي .. فأنا أعمل عند السيدة التي كنت اكلمها قبل قليل..
فسأله الرجل بدهشه : لماذا إذن سألتها عن عمل وانت تعمل لديها..؟
فأجاب الطفل بإبتسامة فرح :كنت أريد أنا عرف إن كانت راضية عن عملي، وباني أقوم به على أكمل وجه أم لا..!!!!
وتأكدت من ذلك بهذه المكالمة٫ لأنها رفضت تعيين عامل آخر مكاني.
(صغير . . بضمير كبير )
سالفة ورباط
سالفتنه
سالفة هافي
اكو واحد خير ضافله شيخ عرب بالباديه والشيخ ذاك اليوم مسوي عزيمة صلح لاخوان اثنين بالعرب مالته صاير خلاف بيناتهم والخلاف صارله سنين شيوخ العرب والاجاويد سولفو وياهم وكلما يتناقشون بسالفة الصلح اكو واحد اسمه هافي ، وهافي اسم على مسمى وهذا هم اسمه هافي وهم هافي بخت اجلكم الله ومربيله لحيه واصله لصدره وسبحته ١٠١ ويحجي دائما بالباطل وصاير سجينة خاصره بالمجالس وهذا كلما يحجيله حجايه يرجع الامور للمربع الاول ويخرب الحجي كله لاهي مره لاهي مرتين لاهي ثلاثه،
فالخطار حاجه الشيخ گله شيخنه اريدك ترخصني بالحجي گله تفضل گله ياهافي عندي الك مهره اصيله گله شنو المناسبه
گله اني عندي فرس والفرس كلش اصيله وردت ابزرهه وگالو ماتصير الها جاره وماتبزر لان بيهه عله كلش قويه واخر شي وصفولي حكيم وهذا الحكيم من وصلتله گالي انطيك العلاج بس اني اشرط عليك شرط گتله شنو شرطك گال اذا بزرت اثنين واحد منهن تطيه للشيطان خذيت العلاج وانطيته للفرس والفرس بزرت مهرتين واحتاريت وين الگه الشيطان فرجعت للحكيم لان قبل اذا حجو حجايه يحترمون حجايتهم ويموتون عليهه ومن رجعت وسألته گتله وين الگه الشيطان گلي اذا شفتلك اثنين يريدون يصالحون ويتناقشون بالحجي اواحد يخرب الامور ويرجعهه مثل ماكانت گول هو هذا الشيطان واني اعاين بالمجلس يهافي مااشوف واحد يستاهل هاي المهره غيرك واتفضل هاي المهره واني اريد اوصيك وصيه گله گول
گله دير بالك يوم من الايام تلعن الشيطان انت المفروض الشيطان يلعنك ...
شاهد سالفتنه ورباطها
اكو ناس خل تخلي الله بين عيونهه اذا گعدت بديوان وتحجي باللي يرضي الله والناس الخيره دائما تلكاها تسعى في حل المشاكل من اجل الاصلاح مثل خطار سالفتنه اين مايذهب هو ذهب واهل الخير موجودين ان شاء الله
بس مع الاسف من البعض بالباطل مجلبين
⇣ ❥ ⁽❁₎ .. ⁽❁₎ ❥ ⇣ ..
بالباطل مچلبيـن
بالغش مشينه
چا رحمة الله
شلون تنزل علينه
افتتاح موفق
وقصص جميلة معبرة
سلمت يداك
شكرا لك كثيرا
اكو رجال فقير عالسته الدنيا علس اسمه سعدون راح يدور ع عيشته ب قرية قريبة ع قريتهم ،، اهل القرية الي نزل بيهه سعدون يتصدقون عليه بلگمة الخبز وثوب الي يلبسه… حتى حن عليه واحد منهم وشغلة راعي بالغنم ،،، هنا سعدون جر عدل فترة ووراهه گام يبوگ الحليب والطليان الزغار ويصدرهن لغير ديرة اهل القرية ضاجو كلش وما عرفو منو الي يبوگ بيهم ،،،منا لما نص حلالهم خلص وهم دايخين ومايعرفون الحرامي … النوب گام يكتل بيهم .. فتره وفتره وكتل واحد منهم ،، المهم القرية صارت حال الظيم من الفگر لاحلال ظل بيهه ولا ثروات وفترة وينكتل واحد من ازلامهه "وهنا سعدون قرر يدخل ربعه وياه بالقرية وربعه شلة مال حرامية وقفاصة وسلابة… جابهم للقرية وگال للناس هذولة ربعي حالتهم المادية توب ( ومتدينين ) واصحاب مال وحلال وكلهم ( تكنوقراط ) وجبتهم حتى ينقذون القرية من الفقر والقتل اجتمعت كل القرية وصاروا يهوسون لسعدون. " علي وياك علي "
هو گام يجيب الحلال البايكة منهم كام يذبح يومية
ويوكلهم ويوزعلهم ابلاش (من لحم ثوره وطعمة)
صارت القرية كلهه تعبد سعدون ويباوعون لحلگه شيحچي ويسولف …
وطبعا بالاخير سعدون صار خط احمر وزعيم كتلة وانتخبوه شيخ للقرية وعين جماعتة الحرامية واحد مسؤول على الزراعة واخر على النقل والمواصلات ووو
#سالفتنة احنه حالنا حال اهل هاي القرية الي اجه من خارج اجه حسره عليه لگمة الخبز باگ حلالنه ومالنه وكتل ازلامنه وهسه يتصدق علينه من مالاتنه !! وفوكاهه وين مانشوفه نهوسله ونصيح علي وياك علي !!!
خايبين كافي خرب شرف كلمن ماعنده شرف
والله ميستاهلون ومحد يفكر بيكم شوكت تصحون !!! …
سالفة الثور
( اكو شايب وعجوز عدهم ثور مربوط بالمراح ، ليش ما بليلة من الليالي انهد هذا الثور وصار يفتر بالحوش والرجال يگول للمره گومي اربطيه وهيه تگلله لا انا مابيه حيل ، انت گوم اربطه ، گال الشايب لا اليحچي من عدنه هو الي يربط الثور ، بين ماهمه على هذا الحال تبين اكو حرامي ساطي عليهم يريد يبوگ الثور ويسمعهم يتجادلون ، فات ولزم الحبل وگاد الثور وطلع بيه يجره وهمه يشوفونه وهمه ساكتين بعد اليحچي هو يربط الثور ، المهم من شافته العجوز ابعد عنهم ، گالت المرة للرجال ولك شمالك ساكت الحرامي باگ الثور ماتشوفه ؟ گاللها ، خلي يولي چبير طايحات اضروسه !!!
ههههههههههههه
شاهد سالفتنه ورباطها
هسه عاد ولاسالفتنه ثوركم ياهو الي يربطه انتم هم اسكتوا صارلكم سنين والحرامي يبوك بيكم و گايد ثوركم وانتم تشوفون بعيونكم وساكتين
جا هسه لمن ابعد عليكم يالا حچيتوا
الحچي بعد مايفيد ولايرد ثوركم .
انتم شتكولون حجيي صدك لوصكد
اخواني الطيبين من اسولف ترى اتكشمر وياكم مو تزعلون من اخوكم
اوضحلكم اكثر على رباط سالفتنه في برهان
مثلا مثلا
البعض منكم
راح يعوف المنشور والثور ويباوع على صاحبة الثور الي بالصورة
صدك لو صكد
جا غير اعرفكم يابعد بيتي
هههههههههه
يسولف واحد
يگول:
قبل جنت اخمط جكاير من باكيت ابويه ف الوالد ماخذ فكرة عني اني الملاك الطاهر
ويحس انو الباكيت كاعد ينقص ف يروح لاخوية ويبدي بي رزايل وكتل واني من بعيد واتفرج واكول شنو ذنبة هلمسكين علمود ينكتل كل هالكتل
المهم ظلينا فترة طويله ع هال موال لحد ما الوالد قرر يسوي كمين ف ابوية حط باكيتة وراح سوة نفسة ع اساس نايم واني كالعادة اروح اخمط منه جكاير واول ما فتحت الباكيت لكفني ابويه وكلي لززمتتتتتك
اخوك كاعد يدزك علمود تخمط مني مووووو
وراح ع اخوية وكعدة من النوم وبدة بي دك رزايل وكتل ومسح بي الكاع ...
رباط السالفه ...
السياسين مثل ابويه م̷ـــِْن يعرفون منو السارق يخمط بالفلوس كبل يرحون ع الفقير يكصون راتبه
لاتحرك اسنون مهاوي
من سوالف اهلنا .......
اكو طفل اسمه مهاوي جان وكح حيل ويتعارك ويه الجهال وعنده اخوه شقي فمحد يحجي وياه كلها تتكفى شره وشر اخوه فد يوم مهاوي تعارك ويا واحد وصل الصايح لاخوه فركض ايشوف شنهي السالفه لگى مهاوي عاضله واحد جان يوكف على راسه ويكله ولك دير بالك تتحرك وتأذي سنون مهاوي ..وصار مثل
للناس المتعافيه اللي تهوس ورى جهالها بالباطل
رد مع اقتباس
