هنا

[sawsanmahmoud]

سوالف حلوه ومعبرة
عاشت ايدك

[Joo]

سوالف حلوه ومعبرة
عاشت ايدك

ممتن للحضور

[Joo]

سالفتنه

يسولفون اهلنا يكولون كان أحد الشيوخ ذكي جداً وكان لايغزوا أي قبيلة حتى يستخبر عنها جيداً ويجري مقدما لها إختبار بسيط وهي بأرسال مرسال من جانبه إلى العشيرة التي يريد غزوها والسيطرة عليها واخضاعها لإمارتة وهذا المرسال فقط يكتفي بكلمتين وهي أن الشيخ فلان سوف يغزوكم عن قريب ويسكت وعندما يرجع هذا المرسال إلى الشيخ فيقول له ماذا رأيت وسمعت ففي مرة من المرات قال المرسال للشيخ أن جواب العشيرة الفلانية هو أنهم سيصدونك فقال له الشيخ هل سمعت هذا من شيخهم أو من الكل فقال له المرسال محفوظ تريد الصدك أشو شبجت عليه كلها تتكلم وهذا يكول كذا وهذا يكول كذا وتخالفوا وين يحاربون وماعرفت منو شيخهم
فقال له الشيخ إذا هيج هانت وهاي العشيرة سهل السيطرة عليها لأن كلهم شيوخ وماعدهم شيخ واحد وماعدهم قيادة واحدة وقام بغزوهم واخذ حلالهم وفي أحد الأيام أرسل الشيخ مرسال إلى شيخ أخر من الشيوخ وهم كله محفوظ ترى الشيخ الفلاني راح يغزيكم عن قريب فالشيخ كان عنده فراسة وشجاع وعرف هذا الشخص بأنه مرسال وجاي يجس النبض فسكت الشيخ فترة طويلة والديوان كله ساكت وياه ومحد يحجي وبعد فترة أخرج أفعى أحنا نسميها بالعامية العربيد كان خالها بقارورة فطلع العربيد من القاروة وذبه وسط الديوان والديوان والرجال ولا أحد منهم تحرم لو تنفس لوصرخ ومحدخاف فرجع المرسال وكل للشيخ بهل السالفة
كله ولك شنو هذا الكلام معقولة ؟
كله مثل ماسمعت محفوظ
أولا ولا واحد من الديوان تكلم كلمة واحدة والشيخ ساكت
وثانياً الشيخ طلع العربيد وذبه بنصف المظيف ولا شفت واحد منهم طفر أو تكلم كلمة واحدة
فكال الشيخ هؤلاء يصعب غزوهم لأن طاعتهم لقيادة واحدة وماكو راي غير رأي واحد الشيخهم وهذوله يصعب غزوهم

شاهد سالفتنه ورباطها :

إحنا اليوم كلها صارت محللين و سياسيين وكلها صارت قادة ويأمرون وينهون وماتعرف ياهو جبيرهم مع احترامي مثل بعض العشاير كلها صارت شيوخ وميسمعون كلام أحد وبهيج حاله تغرق وتتحطم وتضيع وتشتت ويسهل أصطيادها من قبل الأعداء بكل سهولة
وجاي تشوفون الزعل بالمناسبات وخاصتا بالفواتح كل واحد يطلع سوالف ظامهن مال جده الزعلان على بيت فلان قبل ١٠٠ سنه وتشوفها مشتته والعشيره الواحده صايره عشرين عشيره وكلمن يكول اني الكباره الي والباقين مايدرون وملتهين بالتكنيك بثواب الميت
والتكتلك انوب ياخذون صور بالفاتحه وينشرونها تكول جانو بسفره
بلوه
الله يرحم ايام قبل

بروح ابوك احجي الصدك مو هيج الحجي يو
لا

اسأل الله ان يلم شملكم اخواني الطيبين

[أبن ألأشتر]

..... عمت عين الدولة اللي تقودهة الكاولية

سالفة العبارة هاي

عندي صديق بالتسعينات يسكن بأحد احياء بغداد الراقية و المعروف عن هذي الاحياء الهدوء و السكينة و الجار مالة علاقة بجارة، المهم رحت على صديقي بشغلة، و من وصلت البيت لفت انتباهي بيت جيرانهم، لأن كان البيت عبارة عن خلية نحل، ناس طابة و ناس طالعة، ناس محملة و ناس مفرغة، كبار و زعاطيط، نسوان و حديثات، و الحبايب غير شكل، كلة ترتيب، لكن الزلم مبهذلة، المهم صديقي فتح الباب، و دخلنا بالاستقبال، بس الفضول ما خلاني اسكت، گتلة شنو الفلم مال جيرانكم، گال اسكت و خليهة، هذا بيت فنانة كاولية، جت و اشترت يمنة، والله يستر عليهم خوش جيران، بس دگ و رگص للصبح، و نخاف نحچي وياهة، گتلة ليش، گلي حسولفلك سالفة، مرة واحد من اهل البصرة، الأمن العام ماخذين ابنة، و المسكين ما يعرف شيسوي، المهم واحد خير امدلي على هاي الفنانة جيرانة، البصراوي ما چذب خبر لأن الغرگان يچلب ابگشاية ، تعال من البصرة ال بغداد، و طب على المستورة بچي و عياط و شاگ زيجة و ذب غترتة و عگالة عليهة، گلتلة والله إبشر باللي جيت بي، و الا ترجع بيه، سولفلهة القصة، گلتلة انطيني اسمه الثلاثي و انت روح، ان شاء الله تلگاه گدامك بالبيت، صاحبنة البصراوي بين مچذب بين مصدگ راح للبيت، فعلا من وصل البيت لگة ابنة واصل گبلة.... فگال مقولته المشهور:
...... عمت عين الدولة اللي تقودهة الكاولية.....
رباط سالفتنة، النظام البائد كان تقودة الكاولية، زين هسة منو يقودنة؟!!!!!!

اتركها لكم

دمتم سالمين

انا استشعر بأنك ثاقب النظر
فكيف تفوتك .
بأن النظام مسمّى على مذهب
والذي يقوده نفسهم الكاولية
فقط انطلى بالظاهر عمامة ومن نسل عريق .
الكاولية شغلوا العمايم معهم
هذا الفرق بس .

[Joo]

اكو واحد اشترى مطي (اجلكم الله) .....
فرحان بي حيل فحب يصعده لسطح بيتهم!!
هم يونسه و هم يشوفه منطقتهم من فوك السطح حته يندل ومايضيع من يرجع وحده!!
صار المغرب راد ينزله .. ما رضى ينزل المطي!!
توسل .. راد .. يمعود ابو صابر .. ما نزل چلب فوگ .. گام يركض ويزاگط !!
البيت كله گام يهتز هو سگفه خشب وبواري!!
صاحبنا نزل يركض اخذ مرته وجهاله و طلع بره البيت !!
والله دقايق ولن البيت يوگع وصار طشار !!
مات المطي و اتفلش البيت !!
وگف على راسه.. اخذله صفنه .. دخن جگاره !!
گاله والله مو صوجك يابو صابر .. مكانك بالچولة هنااااااااااااااااااااااا ااك بچعب البيت .. صوچي اني الصعدتك و شوفتك مكان چنت تحلم بي !!


رباط سالفتنه هالمطايا احنه الي صعدناهم بمكان يحلمون بيه ولاتلومون اي واحد اذا تهدم العراق… الوجوه نفس الوجوه... والجماعة مايقبلون ينزلووووووون من السطح

بس خوش كمامه لابس

[شذى الأرجوان]

ههههه الله يرحم .. ابو صابر وجماعته.... قصف مبدع... شكرا لك أخي جو... استمر ياطيب

[Joo]

ههههه الله يرحم .. ابو صابر وجماعته.... قصف مبدع... شكرا لك أخي جو... استمر ياطيب

الأخوة أحمد وحمامة
ممتن لكم

[Joo]

سالفة ورباط

سالفتنه

سالفة الحق والباطل

يسولفون اهلنا يكولون قبل جان اكو رجال زلمه خير ومعدل بحجيه وماياكل حرام ويشتري الستر بفلوس بس اكو بعض الناس تضوج منه لأنه انسان الكل يريد خاطره ويحترمه وهايه الناس الباطله الي تكهرها كامو يحوكون ضده سوالف حتى يشوهون سمعته وكل ما يرتبون امر ضده ما ينجحون يبقى هوه ذاك الانسان الي بعيون الناس اله احترامه و معزته تكبر اكثر يوم من الأيام قنعوا واحد حشه السامع رخيص اشتروه بالمال مقابل انوا يتلكه هذا الزلمه الخير بنص السوك ويكله اني اطلبك فلوس حته يوصلون غايتهم ويفشلون هذا الزلمه كدام الناس وهذا الانسان الي اشتروا بالمال ما جذب خبر تلكه الزلمه الخير جان يمشي هو وصدقائه بنص السوك وصاح بصوت عالي ابو فلان موعيب عليك انت ابن حموله وقبل جم شهر اداينت مني خمس دنانير ليش ما رجعتهن الناس التمت و نتبهت بس جان رد الزلمه الخير بمكانه
كله خويه اعذرني جنت مشغول واني اسف منك لان تاخرت وهسه تدلل هاي الخمس دنانير واني جدا اعتذر منك على هذا التاخير الناس الي جانت وياه تفاجئوا
سألوا كلوله ابو فلان
هذا صدك يطلبك فلوس كللهم لا مايطلبني
كالوله جا ليش انطيته اذا هو جذاب ومايطلبك
كلهم هذا انسان افتره عليه واراد يلوث سمعتي وسمعت اهلي وعشيرتي وراد يسويله مشكله وياي بالسوك واني من اجل الستر انطيته حته اشتري سمعتي وسمعت اهلي وستر اخوتي وستر عشيرتي
لان ذني عندي يسون الدنيا يخوتي

شاهد سالفتنه ورباطها
هواي ناس اليوم تفتري وتتحيل وتسوي مشاكل باطله على جيرنها وعلى اصدقائها وتأخذ منها مال مو من حقها وتتخيل نفسها هيه غلبت بس الواقع همه ناس باعوا كرامتهم واسمهم واسم عشيرتهم وباعو سمعتهم من اجل الحصول على المال بالكذب وبالباطل ومن اجل تشويه سمعت الاخرين
والي يمشي بهذا الطريق هذوله ناس ماشي بدمهم الحرام ويجي يوم الله سبحانه وتعالى يعثره بواحد انكس منه ويزوع الاول والتالي
لكن الي مثل صاحب السالفه تلكاه بكل مكان كلها تقدره وتحترمه حتى لوكانت عنده طلابه وتشوف مشكلته تنحل وتكون سهله بسبب النقاط الي ذكرتهن واخيرا اكول

من يجبل المطلوب قاصد يراظيك..
اتسامح انته وياه.... خافن تمر بيك

[Joo]

عن الأخلاق اتحدث........


فد يوم من الايام رجع خادم اهل البيت ع
#الشاعر_المرحوم_عبود_غفله من الشغل كان يشتغل جصاص يوميته دينارين
رجع للبيت أيده خشنه دشداشته وشماغة مليئه بالجص
. كال لابنه هاك بويه ذني الدينارين وروح جيبنا بيهن مسواك ناكل
راح الإبن ورجع لا الدينارين ولا الأكل
عبود غفله كال ها بويه أشو راجع بدون مسواك
كال بويه طاحن مني
وما أعرف وين طايحات
. كال أمشي بويه ندورهن طلعوا دورو دورو مالكوهن حجي عبود أنهضم
لأن ماعندهم شيء بالبيت ياكلوا
راح لضريح أمير المؤمنين علي (ع) وكف أكبال الضريح شكال للامام
أذا على يرضاهه لولادة عبود يرضاهه لأولادة
. طلع من الضريح أثناء ماهو راجع التقى بيه أحد المؤمنين سلام وعليكم السلام كال حجي عبود ذاك اليوم قريت النا شعر والقصيدة نالت اعجاب الجميع
وحملوني الك أمانة 8 دنانير هدية الأمام❗

. شسوه عبود غفلة رجع لضريح الأمام علي وخله 6 دنانير بالضريح وكله مولاي عبود كافيات عليه الدينارين هوه و أولاده❗

يا ناس يا عالم
عبود ما سرق ولا نهب، ولا كفر، ولانزع ثوب الإيمان،
. وبقى صامد ولديه أيمان بأن الإجابة ستكون سريعه وقد كانت كذلك
.....
تتوقع لو بإمكانه هذا صايره مو جان الكرفان والسبه تفول للسكف
والاعتراضات ع رب الخلائق تطال سابع سموات


الف رحمة ع روحه المرحوم خادم ال محمد

[KRMANi]

جميل والله بارك الله فيكم