رائع كالعاده استمر حبيبي
رائع كالعاده استمر حبيبي
صراحه أمر محير فعلا... وقمة السخف والحقاره
سالفة اجت بوكتها ويه الوضع الحالي بالبلدالمشاركة الأصلية كتبت بواسطة Joo
سالفة ورباط
سالفتنه
سالفة مواطن عراقي
هذا المواطن أنتهى من صبغ بيته وبقيت آثار الصبغ بين أظافره
وفي اليوم الثاني راجع أحدى الدوائر الحكومية لأنجاز معاملة له
كاتب العرائض كاله اخويه معاملتك مو يمي يم فلان وهذا مايخلصها إلا بطابع أحمر كاله المواطن وشنهي هذا الطابع الأحمر كاله الموظف يعني أبو الخمسة وعشرين شنهي انت من ياديره و تسوي نفسك غشيم
كاله المواطن الله يسهل بلكي مياخذمني ويطلع خوش ادمي ويستحرم
ذهب المواطن للموظف الثاني وقدمها للموظف الثاني وبعد مافحصها الموظف كاله : هاي معاملتك بيها نقص هواي روح كملها وتعال بعد هذا شيسوي وعرف شغلته ماتمشي فاخرج المواطن خمسه وعشرين ووضعها بالفايل فكاله الموظف أي من الاول وسويها و هسه اعتبر معاملتك كملت وجان يوقعها
وبعدها شوفو النزاهة شلون مثل بليس يعلم اولاده على الصلاة وهو مايصلي
المهم من كملت معاملة المواطن
نظر الموظف الى أصابع المواطن فكاله شنو هاي الأصباغ
فكاله المواطن نعم هذا صبغ
فكال الموظف للمواطن هل تعلم أن هذا الصبغ يبطل الوضوء
ابتسم المواطن من كلام الموظف وتشكر منه على هذه النصيحه وهذه المعلومه
اخي القارىء هل تعلم الصبغ يبطل الوضوء
جا بويه والطابع الاحمر وين وله
بلوه
مدري عليمن جبناها
وفعلا هكذا أصبح التعامل بدوائرنا مع الأسف
عاشت ايدك على هالسوالف الحلوة والمعبرة
ممنون
راقت لي
طيارة تعطلت وسقطت بوسط قارة افريقيا بالادغال
كل الركاب والطيارين ماتو فورا ونجا 3 ركاب فقط
تعرفو على بعضهم
1.جون من اميركا
2. لويس من فرنسا
3. جبار من العراق
تناقشو وتفقو يمشو حتى يوصلون لشي قرية او مدينه ويطلبو المساعدة
بعد مسيرة يومين هجمت عليهم قبيلة من اكلي لحوم البشر وكضبوهم واخذوهم للقريه مربطين
اجتمعوا قادة القبيله بالخيمة وطلعو گالو نحن قررنا نسويكم تكه وكباب
صارو يترجوهم ويطلبون منهم يعرفون السبب
گاللهم واحد من الزعماء
انتو معشر البشر البيض اغبياء وشايفين حالكم اعلى مرتبه واذكى من عدنه
تشجع الاميركي وگاللهم
طيب اذا سآلتكم سؤال وماعرفتوا جوابه تعوفونه اجتمعوا الزعماء وقرروا كل واحد من ذولي يسآل سؤال واحد اذا عرفوا الجواب يهفونه بوري على راسه
واذا ماعرفوا السوال يعوفونه يمشي .
الاميركي سألهم شنو هيه ناطحات السحاب ؟
دخلو الزعماء بالخيمة وبعد 3 ساعات طلعو ..
گالو واضحة .
هيي كتل مبنية فوق بعضها بارتفاعات كبيرة توصل
ل حدود الغيم لهيج سموها ناطحات السحاب ...
اخذو الامريكي وهفوه بوري معدل على يافوخه
اجو للفرنسي ...
گاللهم شنو هوه برج ايفل ؟
دخلو الزعماء الخيمة وطلعو بعد 5 ساعات .
گالوله من اسمه مبين برج عالي
وموجود بمدينه ضخمه وعصرية .
انجلط الفرنسي ..
اخذوه وأخذ المقسوم من البواري الزينه
اجى دور العراقي جبار ..
سألهم شنو هوه البرلمان العراقي ؟
راحواجتمعو 24 ساعة
طلعو گالوله ممكن تعيد السؤال .
گاللهم شنو هوه البرلمان العراقي ؟ ؟
فاتو اجتمعو 3 تيام بلياليهن طلعو گالوله
سؤالك ماعرفنا جوابه
هسه انته حر واذا تريد تروح اتوكل
بس بالآول انريد تگلنه شنو هوه البرلمان العراقي ؟؟ !
گاللهم سوال بسيط هوه
شله مال عفطيه مثلكم ..
يروحون يجتمعون ويطلعون قرارات طايح حظها
وبعدين يضربون الناس بواري
ابد مو يم ربعنا السالفة
سالفتنه
سالفة المطلوب
جنت اعرف واحد مطلوب فلوس للوادم ومن مات اجيت الى ابنه الجبير
وگتله عمي مزهر تره ابوك الله يرحمه جان مطلوب فلوس للوادم گبل مايموت
ولك وهاي ذمه وانت ابنه الچبير ..
گال ..لا والله عمي ابو اسامة ابوي ما مطلوب للوادم ولافلس ..وانه سددتهن كلهن
گتله.. اي عفيه بعد عمك .. بس اريدك تكلي شلون سددتهن وانته ما عدك فلس احَمَر !!
گال ..لا والله كلهن سددتهن وماظل واحد يطلبنه كلتله ولك فهمني شلون سددتهن كالي اني اكلك شلون شي نكرته ..وشي حلفت علي چذب ..والحمد لله
الله سهلهه ومابقى احد بعد يطلب ابوي
ههههههه
شاهد سالفتنه ورباطها
بعد عمكم تره فليساتنه النباكت كلهن سددوهن الجماعه مثل ماسدد مزيهر فلوس الوادم ..
چا بويه بعد انتم طالبين الوادم بطلابه !!!
( كل واحد ياخذ طبع أهله )
يگلك أكو واحد .. مسافر وتاه بالطريق .. فشافله مضيف .. فگال خل احول يم أهل هاذا المضيف .. فطلعتله مره..گالتله منين الغريب؟ ... گلها .. ضيف
گلتله .. أهلا..وسهلا .. وياكل المراحب بيك تفضل .. قدمتله الشراب والاكل ..
فجأة اجه رجلها ..ماسلم طب على مرته گبل ... گلها منو هذا ... گلتله .. ضيف
گلها .. لا أهلا ولا مرحبا بيه .. مالنا والضيف ! فهذا من سمع رجلها خله وطلع
لهناك شافله مضيف ثاني .. فراح الة ...تلگاه صاحب المضيف .. گله منين الغريب .؟. گله ضيف .. گله أهلا وسهلا ..وياكل المراحب بيك تفضل ..فقدمله الماي والزاد .. فزوجة هذا الرجال گالت الرجلها منو هذا .. گلها ضيف ..گلتله لا اهلا ولا مرحبا بيه مالنا والضيف ! فهذا تعجب وظل يضحك .. گله ابو المضيف ليش تضحك فسولفله گله مريت بناس المره رحبت بيّه والرجال تضايك ومريت بيكم الشغلة بالعكس
گله لاتتعجب .. ذيج المرة تصير اختي .. ومرتي تصير اخت ذاك الرجال التضايك منك
وكل واحد ياخذ ب طبع أهله يخوي
اكل زادك هيه دنيا وخلاصنه
انتم شتكولون بيها رباط لو لا
الامر متروك الكم
سالفه وبيها رباط .
صبرية أزوجت عليوي ، وهي مراه معدله وحلوه كلش !
وعليوي خوش زلمه بس طاكه العوز ولا فلس عنده ..
يسولف الصبرية يكللها والله من تصير عندي فلوس الا أترس ركبتج وايدج ذهب واشتريلج بيت بالولاية ، يصفط عليها ويخطط لمشاريع مستقبليه بعيده المنال .. مثل ( حكومتنه المصونه ) .. ذاك اليوم عليوي طلع يحش الحشيش ، جان تكرصه الحية ويموت ( الله يرحمه ) .
ظلت صبرية تبيع مخضر وتجمع فلوس وتشتري كل عيد أضحيه ( طلي ) وتذبحة بثواب المرحوم ..
ولدهه يسألوها المن هذا الطلي يمه ؟ .
تكللهم لبوكم عشرته ماتنسي يابعد روحتي ، ومن تذكره تبجي وتنوح .. !!
من كانت بالسوق تبيع المخضر شافه واحد فايخ والله رازقه ومنعم عليه نعجب بيهه اجاها وتقدم الها وصارت زوجته .
صارت صبرية بأحسن حال وكامت تصعد كله سيارات (جكسارات .. وتاهو ) ومن اجه عيد الأضحى هم اشترت طلي وذبحته ..
وهم سألوها ولدها يمه هذا المن تذبحين الطلي ؟ ..
كالت : هذا الطلي بثواب الحية الكرصت أبوكم !! ..
رباط سالفتنه :
المفروض الحكومه كل سنه تذبح طلي لبوش لأنه خلاهم يشبعون من قوت الشعب بعد ما جانو دايحين .. خرب بقسمتنه السوده الجابكم علينه
لابو كلمن ماعنده غيره على الناس الفقره ..
الله يرحم عليوي ويدخل الحيه الجنه السوت براس صبريه حظ . قصه درس بيه كل عبر شكرا لكل ماتنشر من قصص جميله
رد مع اقتباس
