هنا

[Joo]

"محاكم الغربان"
يقوم الغربان بمحاكمة أي غراب يخرج على نظام العدالة الفطرية :
1⃣جريمة اغتصاب طعام الأفراخ الصغار:
يقوم الغربان بنتف ريش الغراب المعتدي حتى يصبح عاجزاً عن الطيران كالأفراخ الصغيرة
2⃣جريمة اغتصاب العش أو هدمه: تكتفي محكمة الغربان بإلزام المعتدي ببناء عش جديد
3⃣جريمة الاعتداء على أنثى غراب أخر : يتم قتل الغراب المعتدي ضربا بالمناقير الحادة حتى الموت.
تنعقد المحكمة عادة في حقل من الحقول الزراعية أو في أرض واسعة ،
تتجمع فيه هيئة المحكمة في الوقت المحدد، ويجلب الغراب المتهم تحت حراسة مشددة ،
وتبدأ محاكمته فينكس رأسه ، ويخفض جناحيه ، ويمسك عن النعيق اعترافا بذنبه.فإذا صدر الحكم بالإعدام ، قفزت جماعة من الغربان على المذنب توسعه تمزيقا بمناقيرها الحادة حتى يموت ، وحينئذ يحمله أحد الغربان بمنقاره ليحفر له قبرا يتناسب مع حجم جسده ، و يضع فيه جسد الغراب القتيل ثم يهيل عليه التراب احتراما لحرمة الموت ..
هنيئاً للغربان بالحياة العادلة ..!!
...
رباط سالفتنة
...
هل توجد محكمة حقيقية لغربان الفساد و الخيانة ومحكمة لكل من ينعق معهم بنعيق يبرر فسادهم وكل شيء أضر بشعب العراق و مكانته بين دول العالم ؟؟!!

[Joo]

قصة المثل القائل: صاير شريف روما !!!
عندما نتحدث عن قصة هذا المثل الكل يتوقع أنها حدثت
في( روما عاصمة إيطاليا )ولكن تتفاجىء ان أصل هذا المثل بغدادي وحدث تحديدا في فترة الثلاثينات من
القرن الماضي في بغداد؟؟؟؟
قصة المثل ( صاير شريف رومــا ) تقول ان في الثلاثينيات من القرن الماضي يومها ما كان ببغداد مسارح او حركة مسرحية مثل اللي في مــصـر وكان من أكبر رواد المسرح المصري آنذاك الفنان ( جورج ابيض) .. اللي قرر أن يأتي بفرقته لبغــداد حتى يعرض مسرحيته الناجحة جداً في وقتها ( يوليـوس قـيصر) !!!
طبعاً من جاء احضر معه فقط الممثلين الأساسيين ولم
يحضر معه الكومبارس حتى يوفر نفقات السفر وتكاليف الاقامة ؟!؟!
وبما انه لاتوجد مسارح ببغدادفي ذلك الوقت؟! اختار اكبر قهوة بمنطقة المـــيدان وعمل فيها مـسـرح !! ... بقت مشكلة من اين يحضر الكومبارس العراقيين ... وما في احد يقبل يقوم بالدور .؟!؟
جماعة نصحوه انه منطقة الميدان وهي مشهورة عند البغداديين تعج بحثالة المجتمع من السكارى ( مدمني الخمور) والنشالة والحرامية والمطيرجية والشاذين وجميع فئات السرسرية !!!!
وهولاء ما عدهم عيب ولاشيء.... انطيه( 5 فلوس) يقوم لك بأي دور مسرحي ؟! ... وفعلاً احضرهم ولبسهم دشاديس الرومان البيضاء وخلى على روسهم اطواق الياس على أساس اطواق الغار ودربهم على الأدوار ؟؟؟

ويوم العرض المسرحي مشت الأمور على ما يرام والقهوة اللي سووها مسرح كانت مليانة بالجمهور الى ان وصلت للمشهد اللي بيه ينادي حاجب الملك بأعلى صوته: والآن يتقدم أشراف روما للسلام على جلالة القيصر. !!

طبعاً الجمهور قاعد يتفرج على المسرحية الى ان ظهر الاشراف .... وبدأ الهرج والضحك والعفاط وكل ما يخطر على البال: لك هذا منو؟
هذا عــبــود النشال .... ههههه لأ لأ دشوف هذا؟ رزوقي أبن شكرية هللللو ياااب وهذا فلان وذاك فلان السكير ولك انزل صايرلي شريف_روما. ؟؟؟؟
ومن هذه الحادثة جاء المثل البغدادي المشهور( صاير
شريف_روما ) ؟!؟!

وهسه ولا جماعتنا كله نهب وسرقه المال العام والمشاريع الوهميه وبيع ممتلكات الدولة لهم وغيرها ،ومن يجي رمضان او محرم كله لطم وبكاء وتستر بالدين.....صدق المثل القائل
صاير شريف_روما !؟!؟!؟

[Joo]

سالفة حكمة الشيخ

اكو شيخ عشيره خير و معدل بنص عمامه
هذاك اليوم اجو جماعه من عشيرته
كالوله محفوظ ابن عمك افلان لملم غراضه وراح يشيل
كالهم خلوه يشيل براحته
وره اسبوع هم كالوله شيخنا ابن عمك الاخر افلان
يلملم بغراضه وراح يشيل
كالهم ولكم هذا الحكوله وعطلوه و لا تخلونه ايشيل
كول عطلوه عمامه وماخلوه يشيل
بس همه صار عدهم شك من كلام الشيخ
وظلو واحد يكل للثاني
اكلك تره شيخنا مو منصف
لأن واحد رضا بشيلته والآخر
ما رضا عود شني هاي احنه لابد نحجي ويه الشيخ
ونفتهم منه ومايصير نظل ساكتين
ذاك اليوم الشيخ سوه عزيمه ولم عمامه
تغدو وكملوا كال جن وجوهكم
تكول اكو بكلوبكم حجي
كالوله اي محفوظ
شو انت ما تنصف ويانه افلان شال كلت خلوه
وافلان من شال كلت عطلوه
شني جان قصدك انريدك تفهمنه
ضحك الشيخ وكالهم تدرون ليش سويت هيج
كالوله ليش محفوظ
كالهم ابن عمكم فلان خوش زلمه
وخير ومن يحط بديره ايبيض الوجه
و ما يجينه منه بس السمعه الطيبه
لذلك ما عطلته لأنه زين وماخاف عليه
بس هذا ابن عمكم الاخر افلان
اغم ومايدبرها ومن يحط يم وادم غريبه يفشلنه و يفضحنه ويدنك روسنه
ولهذا السبب عطلته حتى يضل يمنه و بنصنه احنه عمامه انلمه ونتحمله و نسد عنه ونغطيله

شاهد سالفتنه
********

شوفو شلون حكمه
وعقل عند الناس الخيره والمعدله ولي تخاف على سمعة عشيرتها
وتنظر وتحسب للبعيد في سبيل زرع سمعة عشيرتها
عند الناس الغربه
وهسه مع الاسف من البعض كلت من البعض
حتى محد يزعل علينه
وهسه الغربت والشركت محد يسأل عليك ومايدري بيك انت بيامجان

[Joo]

اكو واحد يكول چان عندي صديقي يشتغل في باب الشرجي
يگول كان يوم خميس و مستلم اسبوعية ٦ الاف دينار
و فرحان بيها و راجع للبيت
مريت من يم اهل الملابس ( اهل البسطيات قفاصة باب الشرجي )
يگول يصيحون بنطلون ب ٣ الاف ثوب نسائي ب ٣ الاف تيشيرت ب ٣ الاف
يگول اباوع كله جديد بالچيس
اختاريتلي ثوب حلو گلت ل امي خطية واخذت بنطلون كابوي اليه
يگول انطيتهن اله افتر للخلف وانطانياهن بعلاگه سودة
وانطيته الفلوس ٦ الاف دينار
يگول بعدني يمه فتحت العلاگه السودة لگيت بيها ملابس مشگگه
گتله عمي شو هاي ملابس مشگگه
يگول واحد واگف بصفي حط درنفيس بخاصرتي
گال اشششش و لا حچايه ..اتوكل بالله بسرعة وروح ولاتحجي احجايه
يگول اتقربت منه و لا زال الدرنفيس على خاصرتي
شاورته ..گتله خويه ابو الغيرة
ارجع ل اهلي واليوم خميس لا فلوس اسبوعيتي و علاگه بيها ملابس مشگگه ....!
يگول صفن عليه

گال ولك انت كسرت خاطري

صاح على صاحبه فلان رجعله الف دينار
هذا معميلنه يدلل علينه
يگول انطوني الالف
و اني طاير من الفرح اخذته و طفرت

بس امشي و افكر ب حچايته شنو يقصد ( هذا معميلنه)
يعني ارجعلهم بعد مرة و هم ينطوني علاگه سودة و بيها ملابس مشگگه و ياخذون فلوسي

شاهد سالفتنه
*******

هسه سالفتنه نفس سالفة ابو علاكه هم راح تجي الانتخابات وهم راح تنتخبوهم ونفس العلاكة والملابس المشككه جاغير معاميلنه يابويه

[Joo]

الطائر الوحيد الذي يستطيع ان يعلو النسر هو الغراب ، يعلو فوق ظهره وينقر رقبته لازعاجه لكن النسر لا يرد عليه ولا يهاجمه ولا يدخر جهدا لنزاله يفتح جيدا جناحيه ويرتفع الى السماء،كلما ارتفع النسر كلما صعب على الغراب التنفس ويبدا في الانسحاب والسقوط من على ظهره لنقص الاوكسجين في الجو وفقدانه الطاقة

ادخر جهدك لتعلو و لا تعطي لأي حاقد منافـــــق أكثر من قيمته فسيسقط لوحده

[Joo]

الحطاب والهارب

بينما كان حطاب يحطب ويجمع الحطب ويصنع منه أكواماً قبل نقله إلى بيته ، إذا بشاب يركض ويلهث من التعب ، فلما وصل إليه طلب منه أن يخبئه في أحد أكوام الحطب كي لا يراه أعداؤه الذين هم في أثره يريدون قتله ، فقال الحطاب : أدخل في ذلك الكوم الكبير ، فدخل وغطاه ببعض الحطب كي لا يرى منه شيء .

وأخذ الحطاب يحتطب ويجمع الحطب .

وبعد قليل أبصر الحطاب رجلين مسرعين نحوه ، فلما وصلا سألاه عن شاب مر به قبل قليل ووصفاه له ، وإذا به الشاب نفسه المختبئ عنده ، فقال لهم : نعم لقد رأيته وخبأته عنكما في ذلك الكوم ابحثوا عنه فأنكم ستجدونه ، والشاب في كوم الحطب يسمع الحديث ، فكاد قلبه يقف لشدة الخوف والهلع عندما سمع الحطاب يخبرهم بمكانه .

فقال أحدهما للآخر : إن هذا الحطاب الخبيث يريد أن يشغلنا في البحث عنه في كوم الحطب الكبير هذا ليعطيه فرصة للهرب ، لا تصدقه ، فليس من المعقول أن يخبئه ثم يدل عليه ، هيا نسرع للحاق به .

ومضيا في طريقهما مسرعين .

ولما ابتعدا واختفيا عن الأنظار خرج الشاب من كوم الحطب مذهولاً مستغرباً ، وقد بدت عليه آثار الاضطراب والخوف والغضب ، فقال معاتباً الحطاب : كيف تخبئني عندك وتخبرهم عني ، أليس لك قلب يشفق ؟ !

أليست عندك رحمة .. أليس .. أليس ... ؟

فقال الحطاب : يا بني إذا كان الكذب ينجي فالصدق أنجى ، و الله لو كذبت عليهم لبحثوا عنك ووجدوك ثم قتلوك . سر على بركة الله وإياك والكذب .
وأعلم أن الصدق طريق النجاة

[Joo]

سالفة الخيال والحرامي


يكولون أكو خيال مسافر بجزيرة
و بالطريق لكة واحد مطروح و حالتة واصلة للموت
نزل الخيال من حصانه
و انطاه شربة ماي و كسرة خبز لما ردت روحه
كلة انت شتسوي بهاي الجزيرة...
جاوبة كلة اني جنت رايح لهلي و طلعولي سلابة
اخذوا مركوبتي و تركوني لا زاد و لا ماي
وهل تشوف حالتي بعد
كلة كوم اصعد وراية و الله كريم
بالطريق اخونه اللي جان موات
سأل صاحبه
كلة: الله سبحانه و تعالى شكد يصبر عالبشر؟
كلة هواية.. كلة يعني شكد
كلة فد اربعين سنة... كلة خوش ...
الموات كام و دفع الخيال من الحصان
و اخذ حصانه و شلع بيه ...
ما ابتعد هواية و الحصان
كام يزاكط و الحرامي وكع و انكسر ظهرة...
صاحبنة اجة أخذ حصانة و ركبه و ما تكلم وية الحرامي
ولا كلمة...
الحرامي صاحة كلة انت كلت الله يصبر عالبشر اربعين سنة

شو اني اربعين خطوة و بينت بية....
الخيال جاوبة
و كلة: لا يابة هاي مو مال هالدكة الناقصة لكن القديمات العدك كامن يطلعن هسة....
و الله سبحانه وتعالى يمهل ولا يهمل

شاهد سالفتنه
********
مثل سالفة الجماعة
يومية كامت تطلع سالفة من سوالفهم
الي دمرو بيها البلد ونهبو ثرواته
الي تعادل بناء ١٥ دولة بدون حساب
بس يجي يوم وينكسر ظهرهم
لو دامت الغيرك ماوصلت الك
الله كريم

[Joo]

سالفة فارس بني مصران

اكو واحد وين مايذبها تطلع سوده ومصخمه واموره تدهورت كلش كل الزوجته احنا بعد مالنه خبزة بهاي الديره ومن عين باجر نشوفلنه غير ديره وانحط بيها ثاني يوم صاحبنا اخذ مريته وراح الديره بعيده والعالم رحبت بي وبذاك اليوم جان كاعد بديوان الشيخ والشيخ كاعدين يمه ربعه التفت الشيخ الهم واحد واحد كله فلان انت اشجم فارس كاتل كله محفوظ كاتل عشره التفت الواحد ثاني كله وانت كله محفوظ اني كاتل خمسه وصل السره الصاحبنا طبعا هو فقير وبحياته ما كاظله سجينه ولا رامي بتفكه كله وانت يلضيف اشكثر كاتل كله اهو شيخنا هوايه سجل يمك سنه من السنين غزينه عشيرة البكعان وكتلت منهم عشرين ومنها غزينا عشيرة الصفران وكتلت مهم اربعين الشيخ كله والله والنعم منم بس ياعمي احنه ما سامعين عن اسم هاي العشائر
كله محفوظ هاي العشائر يم سلفنه ودربها بعيد وذاك من ذاك اليوصلها المهم راحت ايام اجت ايام الشيخ وده على ربعه وعلى الضيف ومن جمعهم كلهم احنا باجر نطلع غزو وانت يلزلمه ماطولك كاتل هلكد وادم انريدك تطلع ويانه طبعا صاحبنا حتى الفرس مايعرف اشلون يركبها ومن تقابلت الفرسان ظل مجلب بالرسن مال الفرس هي جفلت ومن جفلت غارت بي ومن شافه الشيخ ظرب الفرس مالته وراح وراه ربع الشيخ شافوا شيخهم غار على القبيله وهم غاروا وياه ذيج الوادم من شافت الشيخ والفرسان اجوهم شردوا وعافو حلالهم وجوا الربع جايبين الحلال والمال وهمه يحجون باالضيف كالوا هو اول واحد غار على القبيله وصارله طك بالمنطقه والهداية كامت تمطر عليه من كل مجان ورى فترة الشيخ جمع ربعه وكللهم اكو اسد جاي يفتر على حلالنا ويوميه ياكله هايشه لو طلي واريدكم تلزمون خفاره عليه طبعا صاحبنا البطل هم انشمل بالخفاره
كال الزوجته خايبه خلينا نمشي اذا ذيج المره سلمت منها هاي المره اسد اشلون راح اسلم منه كلتله عوفها ورى ربك وهي تصفه ولمن اجا يوم خفارته صعد على شجره وبليل اجا الاسد وكعد جوه هاي الشجرة هذا ظل ايتراجف ومن الخوف طاح من الشجرة على الاسد الاسد جفل وكام يركض وصاحبنا مجلب بذيله طلع واحد شايل تفكه كوم وطك الاسد وكتله بمجانه صاحبنا كله خويه صدك جذب ليش كتلته عود اني اريد اجيبا الكم عدل
كلوله والنعم منك جا انت معروف بشجاعتك ياهو الينكر هاي الحقيقه المهم صاحبنا رد الزوجته وكللها ترى الثالثه كتاله مابيها مجال خلينا نمشي اجا على الشيخ وكله محفوظ اني اريدن ارد لهيلتي لان ربعي من طلعت منهم العالم ولتهم وما خلت على حالهم حال اهناه اتشكر منه الشيخ واكرمه ورد صاحبنا الديرته بس هلمره رد وهو شبعان والحلال مالته ماتنعد من كثرتها بس كبل مايرد ساله الشيخ وكله انت من ياعمام كله اني من بني مصران وطش اسمه بالسلف فارس بني مصران

شاهد سالفتنه ورباطها
اشجم واحد بواحد خدمته الظروف وصار رقم بمعادلة الحياة وهو حقيقته مثل فارس بني مصران

زماني حط الي عله يعله
ينصي الفوك والواطي يعله
أود هسه العمر يكضي يعله
ولا عيش المذله تمر عليه

[مشكات]

واخيرا لكيت بدرر سبب بيه 6000 حظ يخليني افوت هنا

[Joo]

واخيرا لكيت بدرر سبب بيه 6000 حظ يخليني افوت هنا

اكي اتشرف بحضرتك وبهذه الاطلاله البهيه

أكاليل ورد لسموك