قصيدة دخيل أُم البنين مكتوبة
--------------------------------------------------
دخيــل أُم البنـــين
********
ادخـيل أُم الغـالـي أُم عبـاسـي
انــه ابـن بــدويـــة رافــع راســـي
هيه مدرسة الخدم و التضحيات
أُم خـدمتـي و هيـه كـل انفاســي
ام دمعـتي وأُم خدمتي ام البنين
هيــه باب الله و نجــاة الغـارقــين
ادخيل چفها الما خِلّه من العطاء
انـه لو مـا هيه مـا انعى الحسـين
*******
اتنـخـه بيهـا مــن تطيــح ابحــيرة
اتحلك اصعب ما تكون السيرة
چفها مـا رد اي بشر بيها يلوذ
هيه بـس شيلتـها تنكَـط غِـيرة
هايه بيها اتباهى حيدر بالنِسَه
مـن بـعـد زهـرة حيـاتـه اتونســه
هــايـه تنبــه الخَـدم ويـه الزغـــار
أتذكره بطف كـربلاء اشما نسـه
*******
انتـي يا چلـمــة هــلا العــربيــة
انتـي صــح بـدوية بـس علـويــة
مـرة حيدر و انتـي أُم شيـخ الزِلِـم
سيـدي ابنــچ كــافــل العلويــة
هيـه ســر الحافـظ اسرار البتـول
حيرة و اليرثيـچ مـا يـدري شيكَول
الضاع حـل عمره نجـاته بكلمتين
" مدد أُم عباس " تنطينه الحلول
*******
أول الخِــدام إلــه محـســوبـــة
شمعــة الخـدمــة التِـنَــور إدروبـه
بهـالعبـارة تهمـس بـأذن العـبيـد
أبــد مــا يضيــع الخـدم محبـوبــه
خـيمة الحـب واكَفـة بـنـص العـزاء
و مـاخــذه دور أبــو فــاضــل باللـواء
و جــربـة العبـاس بيــديهـا و تصيـح
انــه أُم ســاقــي عـطــاشـى كـربــلاء
*******
الـــراد دمــعـــات ابـعــزاء تنـطـينــه
ابــــــد مــــــا يـحـــتـار و تخـلـــينــة
تتـعــب إيـدة بالعـزه تـوكَـف وراه
تتـعـب ايده اتشيل چفـها يمينـه
الفضـائل هيـه مــا تِـنـعــد إهـــواي
يعطـش ابنـص العـزاء اتشـربه مـاي
تـوكَـف ابنـص الخدم وتصيح صوت
انــــه اوزع راي للمــاعِـنــــده راي
*******
كلمات / عباس اديب المالكي
--------------------------------------
E6CB22
رد مع اقتباس
