هنا

[المستشار القانوني]

ضوگتنه امن الزغز طعم المحبة
وشربتنه الماي وانهارك زلال
علمتنه الغيره تولد بينه فطره
وكل عزمنه البينه من رب الجلال
وعلمتنه الگاع صلبه ومثل اهلها
چفوف خشنه وماتحب طبع الدلال
وينه خيرك فارغه سلالك وطنه
گمنه نحوي الموت واتظل السلال
احنه نهواك بكبر همنه وصبرنه
وكل نبضنه يصيح يمعود تعال
وينك انت بياحلگ صارت حلاتك
وكلشي بيك انباگ للغربه حلال
شلعوا النخله الزغيره اليمها نگعد
وشعلوا النار على جذعان الطوال
گاعك بكل صوب صارت للمقابر
وماتت ورود المحبة بكل مجال
كلشي ضاع بغفله والقادم متاهه
من طحت ياحيف بيدين الجهال
صار حتى الدين منبوذ بغيابك
من اجتنه أعراب تحكم بالضلال
شينفع الصوم النصومه ونستثاب
واليأذن داعشي بهيئة بلال
(توفيق الصكبان)

[ســـــجـــــودي ﹩ʝ☹]

صح لسانك يعمري

[فتاة الهدئ]

جميل جدا شكرا لك