توكع الوركًه
,,,,,,,,,,,,,,
بديت اشتاكلك من اول ايام,,
محتاجك نفس
وبغيبتك خنكًه,,
كمت ارسم خيالك يقضه واحلام,,
اكبال العين حته
اعل الرمش تبكًه
يافرحة دليلي بدونك انظام,,
وبلايه الفرح
تدري الكلب يشكًه,,
واهس بيه ظال بليلي مانام,,
والعاشك طفل
ومسودن بعشكًه,,
عشك تالي العمر راعيٌه ينلام,,؟
صعب كله مرار
وحسرته بحركًه,,
ولأن كلبي رطب من شافكم هام,
شلومن بي
واحس وي النبض شهكًَه,,
بخريف العمراني وهم جزيت اعوام,,
بس الكرز يابس
بي ثمرتلكًه,,
اذا طوٌل غيابك ابقه محتام,,
وتشب نيران بيه
اعصابي محتركًه
طوابير الهموم اتصير والام,,
يذبل غصن روحي
وتوكع الوركًه,,
كل لحظه بغيابك تنحسب عام,,
احس جمره بمهجتي
بنار محتركًه
اظل بين الضنون وبين الاوهام,,
الكلب كبل الجدم
يتعنه للملكًه
يطر ظلعه ويشبكك كبل الاجدام,,
ويكلك حبيبي
ليش هالفركه,,
,,,,,,,,,,,,,,,,,,,,,,,,,,,,,,,,
بقلم الدغاري
رد مع اقتباس