هنا

[فقار الكرخي]

وهنه جلمات الشفايف هل يريدنك تجيهن

يا حبيبي الدنيا خوف
الجرح من ينلچم ما اظن يروف

وحقها من تحزن شگلها؟ هي روح

اي لا تروح....

ضحكة عيونك خذت گلبي هديه
وانا اجيك بيه ما بيه اجيك وكون تتنطر الجيه

وكون دربك مستچن ما مملي ناس

ويا فراغي شما كبر ما اترسه ناس

ويا عطر ذيج السوالف

رازقي انرش اعله ياس

يا ضحكتك‘ .

يا ذاك البرود بگلبي نار

خلي گلبك مثل سچة ريل

اندفنت بگلب التراب

وما نست عشگ القطار

انا بعدك اثگل بريش الحمام

علگ ضايع ما حظه بشباچ امام

وانا ما ادري شگلتلي...

تاهت وياي شحجيت؟

وهي يا جلمة الخذتني

وليش من عدهه بجيت

وليش من كتلي انتهينا

استعجل بعيني الدمع

وماتت بروحي سوالف

خيط معلوگ بشمع

انا عاتبتك لان خلگي غميج

ويا غيابك صار للحسره رفيج









الجميله بيلسان امين

[صفاء العامري]

شكرا فقار

[شذى الأرجوان]

جميله الكلمات التي تنبض من القلب الى القلب شكرا