يمته الاكيك
..................
من شفتك احس عقلي انشغل بيك...
ومن اكتب قصيده اتصير مطلعهه
كل حروفهه اتشير المعانيك...
وماملن اظل كل لحظه اراجعهه
وي روحي اسولف يمته الاكيك
بشارعكم اظل يوميه اتانيك
تعنيتك براءه وكتلك اشبيك
هاي عيوني لجلك خلص مدمعهه
من اكتب قصيده اتصير مطلعهه
..................................
كتلك لو تجي بنص روحي اخليك..
حته بعشرتك للروح اطبعهه
كون الكلب ينفك حته اراويك
ولو تنشلع عيني والك اشلعهه
همت بيك وكمت كل لحظه احن ليك
تزعل وانته عايل واني اراضيك
جاو ين الوفه مو كتلي اوافيك
ترد روحي حزينه الهم يكبعهه
من اكتب قصيده اتصير مطلعهه
.................................
واذا انت بعذابي تريد اسليك
شرايين الكلب لجلك اكطعهه
بحلامي اظل يوميه اناديك..
وبروحي الصورتك كل لحظه اباوعهه
يازهرة حياتي بدمعي ارويك
وتظل عطري المفضل دوم اشم بيك
بايعني عجب بس اني شاريك
هروشك ويه روحي شلون اشلعهه
من اكتب قصيده اتصير مطلعهه
....... ...........................
بقلم الدغاري
رد مع اقتباس
المشاركة الأصلية كتبت بواسطة فتاة الهدئ
