هنا

[Joo]

سالفة ورباط

سالفتنه

سالفه فريق العشيرة وبرشلونه

يگلك وره السقوط فد شيخ عشيرة گال لربعه أريد أطور العشيرة وأخلي سمعتها تصير عالمية.. شنو تقترحون نسوّي ؟
گلوله محفوظ.. أحسن شي الطوبة.. نسوي فريق كرة قدم ونتحدى بي برشلونة اللي خابصينا بيها ونفوز عليهم ونصير أشهر فريق بالعالم وهچي عشيرتنا تصير أشهر عشيرة بالعالم !!
گلهم خوش توكلوا على الله..
الجماعة بيومين سوّوا الفريق ودزوا فاكس للإتحاد الاسباني وگللولهم إحنا أحسن منكم وإذا متصدگون الملعب بيناتنا ونشوف منو الأحسن ؟!
الإتحاد الاسباني فكر بالشغلة وفروها بروسهم وقرروا قبول التحدي وگالوا خلي نلعب وياهم ونسحگهم زين حتى لحد يتجرأ ويفكر هچي بعد..
المهم إتفقوا وصار يوم المباراة.. مدرب فريق العشيرة ( جاسم السمين ) گعد ينطيهم المحاضرة قبل المباراة وگلهم شوفوا.. تره هذوله بوخه بس عدهم واحد سريع إسمه ميسي.. هذا كلش خطر وأريد المدافعين وخصوصا إنت ( كويظم ) تگطعون عنه الهوه والماي وهسه تشوفون شراح نسوي بيهم.. خوش ولدي ؟!
خوش إستاد..
بلّشت المباراة.. أول ربع ساعة داني الفيش دگ أوڤر على راس ميسي فصعد وياه كويظم يريد يگطعها.. چان يلزگها بالتسعين على فريقه..
تقدمت برشلونة واحد صفر بخطأ كويظم.. وقبل نهاية الشوط الأول بدقيقتين انيستا دز أوڤر ثاني لميسي وهم صعد وياه كويظم وچان يلزگها بالتسعين ردود هدف ثاني للبرشا !!!
إنتهى الشوط الأول ثنين صفر للبرشا.. طبعا النتيجة جيدة ومشجعة لحد الآن وممكن التعويض نظريا على الأقل.. فگعد جاسم السمين يشد أزرهم ويطلب منهم يشدون حيلهم أكثر بالشوط الثاني وگلهم الله يعوض إن شاء الله.. بس عدنا تغيير بسيط بالخطة..
كلوله شنو أستاذ ؟
گلهم بويه.. إنتوا المدافعين أريدكم بدل ما تلزمون ميسي.. ولكم إلزموا كويظم
دهرنه دهيره
هههههههههههههههههههههههاي
=========================

هسّه ولا سالفتنه
بوية هسه بطلّو وعوفوا الإصلاحات والفساد ولزمونا وزير الماليه وكلوله ... ترة طلع بينا گول والأسعار علگت وين نولي ياالله

وسلامتكم

[basher4]

‏ الهزيمة الحقيقية التى يتعرض لها الإنسان تبدأ من الداخل فكلما تقوَّى داخل الإنسان وصمد استطاع أن يحقق النجاح والانتصار فى حياته
مهما صادفته آلام وصعاب شديدة.

‎

[mr.rona]

اللهم إني أسألك
باسمك الأعظم الذي
إذا أدركته الجبال سجدت..
و إذا أدركته القلوب خشعت..
و إذا أدركته العيون بكت..
أن تغفر.. وترزق. وتكرم..
وتحفظ أعزتي وتحفظني
بعينك التي لا تغفل ولا تنام
اللهم صل على محمد وال محمد

صباح الخير

[تشيللو]

أفتح اللهم لنا مصاريع الصباح بمفاتيح الرحمة والفلاح

[Joo]

سالفة ورباط

سالفتنه
اليوم

سالفة المتقاعد


أبو خضير ، موظف وبعد انتهاء الخدمه طلعوه تقاعد وگعد بالبيت وشاف أمور عجيبة غريبة بالبيت ، يومية يغسلون الحوش ، غاسلين الدرجات ومطلعين الصونده يرشون الدرب والگلوبات مشعولة بكل الغرف ....
طفوا الگلوبات يمعودين ؟؟؟
ليش التبذير بالماي ؟؟؟؟ وچ ليش اتدیرون الماي على الحيطان ؟؟؟؟
ـ يابه مو تراب وعجاج ؟؟؟
ـ ليش البراميل هيچي مشمورة بالسطح ؟؟؟؟
ـ لعد وين انخليهن ؟؟؟ أووووي اشگد ايدردم أبو خضير .
ـ الله. لاينطي الحكومة طلعوه تقاعد من وگت ....
ساعة السودة من طلع تقاعد ....
طلع أبو خضير من البيت مهموم وظل يسولف ويه نفسه گال بلكي اغير حياتي والتهي بغير أشياء ....
بالسوك شافته ست ماجده كانت موظفة وياه ...
ـ أبو خضير اشلونك اخبارك ؟؟؟
شتسوي متسوي ؟؟؟
ـ والله القصة كيت وكيت وراح اسولفلج إياها من البداية والاهل ضاجوا مني وضاك خلگهم مني ، منا الكهرباء ، شاعلين كل الگلوبات والماي فاتحين البوري من الصبح لليل . اشگد اگوللهم ميفيد . زهگت وطلعت من البيت .
ـ تعرف شكسبير شيگول ؟؟؟
ـ شيگول ؟؟؟
ـ أحضان المرأة وحنانها يزيل هموم الدنيا وضغوطها والرجل الذي يعامل المرأة كملكة فهو تربى على يد ملكة ...!!
ـ تدرين حميد الكهربائي أبو المولدة شيگول ؟؟؟
ـ المرأة مثل الكهرباء اذا احسنت استخدامها تضى لك الدنيا ...
ـ الله الله عيني أبو خضير ...!!
ـ خلي اكمل ، واذا اسئت استخدامها تنفضك بنتلة تحرگك وتحرگ اللي خلفوك ...!!
ـ عوفنا من هالحچي هسه خلی ایولی شکسبیر وأبو المولده حمادي ،،،، أبو خضير عيني تعال انخلي دبساتك على طحيني وآني وحدانية بالبيت واللي تعرفه احسن من اللي متعرفه مو ؟؟؟
ـ ونعم الراي ست ماجدة . خلي نتوكل ما طول قريبين من المحكمة الشرعيه ونتزوج ...!!
صبح الصبح و رجع أبو خضير للبيت وقلقوا عليه الاهل بس لا ضاع بالدرب لو ركب سيارة بالغلط و راح لغير ولاية .

ـ هاي وين چنت أبو خضير ؟؟؟
ظل بالي عليك ؟؟؟
ـ والله شگولچ ؟
ـ گول عيني ؟
ـ اتعينت .
ـ وين ؟
ـ وظيفة جديدة
ـ ئي الحمد لله والشكر يرادلها هلهوله . شنهي الوظيفة ؟
ـ حارس امن ليلي .
ـ والله ما قصرت بعدك شباب والناس ما امصدكه انت متقاعد وبعدين ترا التقاعد مو مقیاس الكبر !؟ واذا اشتغلت تكون شغلت نفسك بشي يفيدك وينفعنا ومثل ما ايگول أبو المثل بالحركه بركه . حارس مال شنو أبو خضير ؟؟؟
ـ حارس امن ليلي بالوزاره بقسم التخطيط ، اهم قسم بالوزارة .
ـ ماشاء الله عساها فاتحة خير عليك وساعة المباركه وعسى الله يقويك ويعافيك و يرزقك من خيره . والله زين سويت يا ابو خضير .
المهم صار ابو خضير ما يجي للبيت الا الصبح منهك خلصان وتعبان من الوظيفه الجديدة .
و صارت ام خضير كل يوم الصبح آول ما يجي اتحضرله الريوك الگيمر وصمون حار ومربى تين ( اضرب خالي ) . وتحضرله الحمام .
ـ ايبين تعبان ؟ گوم انزع ملابسك و روح نام وآني اگعدك من النوم الظهر وعلى ماتصلي امحضرتلك الغدا حتى تروح مرتاح و حيلك قوي .
نوبات أبو خضير يتريك يم الزوجه الجديدة .
ـ ترا اليوم مگدرت ارجع استلمت الدوام من صديقي خطيه عنده مرته تطلك اتريد اتجيب فگللي بلكت تأخذ مكاني راح للبيت مستعجل .
ـ شهم والله أبو خضير من يوم يومك وانت سباق للخير وفعل الحسنات روح الله يسجلها بميزان حسناتك . متقصر والله .
وتودعه مثل ما تستقبله بالحفاوة والتكريم .
رجعت هيبة أبو خضير للبيت وصار الكل يحترموه من جد وجديد و رجع لعائلته معزز مكرم وفاد المجتمع بشي .
نتمنى من كل شخص يعني مثل أبو خضير يستفاد من هالتجربة خدمة للمجتمع واجرنا على الله


فاعل خير

[Haidar Iraq]

سالفة ورباط

سالفتنه

سالفه فريق العشيرة وبرشلونه

يگلك وره السقوط فد شيخ عشيرة گال لربعه أريد أطور العشيرة وأخلي سمعتها تصير عالمية.. شنو تقترحون نسوّي ؟
گلوله محفوظ.. أحسن شي الطوبة.. نسوي فريق كرة قدم ونتحدى بي برشلونة اللي خابصينا بيها ونفوز عليهم ونصير أشهر فريق بالعالم وهچي عشيرتنا تصير أشهر عشيرة بالعالم !!
گلهم خوش توكلوا على الله..
الجماعة بيومين سوّوا الفريق ودزوا فاكس للإتحاد الاسباني وگللولهم إحنا أحسن منكم وإذا متصدگون الملعب بيناتنا ونشوف منو الأحسن ؟!
الإتحاد الاسباني فكر بالشغلة وفروها بروسهم وقرروا قبول التحدي وگالوا خلي نلعب وياهم ونسحگهم زين حتى لحد يتجرأ ويفكر هچي بعد..
المهم إتفقوا وصار يوم المباراة.. مدرب فريق العشيرة ( جاسم السمين ) گعد ينطيهم المحاضرة قبل المباراة وگلهم شوفوا.. تره هذوله بوخه بس عدهم واحد سريع إسمه ميسي.. هذا كلش خطر وأريد المدافعين وخصوصا إنت ( كويظم ) تگطعون عنه الهوه والماي وهسه تشوفون شراح نسوي بيهم.. خوش ولدي ؟!
خوش إستاد..
بلّشت المباراة.. أول ربع ساعة داني الفيش دگ أوڤر على راس ميسي فصعد وياه كويظم يريد يگطعها.. چان يلزگها بالتسعين على فريقه..
تقدمت برشلونة واحد صفر بخطأ كويظم.. وقبل نهاية الشوط الأول بدقيقتين انيستا دز أوڤر ثاني لميسي وهم صعد وياه كويظم وچان يلزگها بالتسعين ردود هدف ثاني للبرشا !!!
إنتهى الشوط الأول ثنين صفر للبرشا.. طبعا النتيجة جيدة ومشجعة لحد الآن وممكن التعويض نظريا على الأقل.. فگعد جاسم السمين يشد أزرهم ويطلب منهم يشدون حيلهم أكثر بالشوط الثاني وگلهم الله يعوض إن شاء الله.. بس عدنا تغيير بسيط بالخطة..
كلوله شنو أستاذ ؟
گلهم بويه.. إنتوا المدافعين أريدكم بدل ما تلزمون ميسي.. ولكم إلزموا كويظم
دهرنه دهيره
هههههههههههههههههههههههاي
=========================

هسّه ولا سالفتنه
بوية هسه بطلّو وعوفوا الإصلاحات والفساد ولزمونا وزير الماليه وكلوله ... ترة طلع بينا گول والأسعار علگت وين نولي ياالله

وسلامتكم

منك لله يكويظم ..
وطبعاً جاسم السمين ، صار ضعيف من وره كويظم ، همزين الزلمه ما انشَحَط ومات ..

[شذى الأرجوان]

سلام عليكم

[نائل الكناني]

توكلت على الله الحي القيوم
تسجيل دخول

[علي الواسطي]

يتكفل الله بمداواة أرواحنا دائمًا

[نائل الكناني]

الى ذوي العلاقة من اداريين اكو ايقونات بمنتدى الدرر ماجاي تعمل يعني بالستايل اكو ايقونات صور صغيرة انتهت فترة استضافتها على السيرفر ومنها ايقونة الذهاب لاول مشاركة جديدة فأءمل من المختصين اصلاح هذا العطب او الخلل