حردان عنده بغل (اجلكم الله) وهذا البغل موخوش بغل لإن دائماً مزاجه سيء ويريد أكثر من حقه (يعني يريد شعير زايد) ليش مايوم من الأيام رجع تعبان وجابتله زوجة حردان شعيرات وحشيشات بس قليلات .. من شافهن قليلات رفس (وزگط) مرت حردان وكتلها بمكانها ..
حزن حردان وبعد فترة تزوج مرة ثانيه وهم نفس الحاله البغل رفسها وكتلها !!
اجت الناس تعزيه وتاخذ من خاطره .. واحد من الحاضرين أسمه مله (لگو) چان يراقبه من بعيد من تجي النسوان تعزيه وتسأله وحدتهن مشاور يهز راسه ويگول اي ؟! ومن يعزوه الزلم ويسألوه يجاوب يهزة راسه ويگول لا ..
فصاحبنه المله صار عنده فضول ويريد يعرف شنو الشغله؟؟
فراح عليه وسأله : گله حردان بروح المرحومه شسألتك النسوان وش سئلوك الزلم ؟؟؟
گاله النسوان تسألني : راح تتزوج بعد فجاوبتهن اي !!
والزلم سألوني تبيع البغل فجاوبتهم لا
اشلون ابيعه وهذا ابو الخير والخبزة
!!رباط السالفه،،،
اكو وادم ما تبدّل الحرامية لأن مستفادين منهم و يعتبروهم اهل نعمتهم وخبزتهم وواجب شرعي يدافعون عنهم.. ومن تسالهم هم تنتخبوهم لو لا يكَولون لا ومن يسئلهم المسؤول انتو تنتخبونا يگولون اي ننتخبك
والك الله يالفقير...
تحياتي للطيبين....
.
