هنا

[زيد المدريدي]

ردت اكتب احبك لكن شلون
شو يابيت اكتبه ارجع اعيده
حته اخيوط فكري امخربطه اتصير
مدري اشلون اكملك قصيده
من كلمت احبك والله مليت
... ......اريد اكتب الك كلمه جديده
مامطروقه ماسامعه انسان
ولا مذكوره بكتاب وجريده

[زيد المدريدي]

يرضــــيك الشماتة تصد بالعيـــون
وكلام شكثــــر عنك يسمعـــوني
وطاريَك أسمعــــه مــــن يمـــرون
غايتهـــم بذكــــــرك يبجــــــــوني
يعرفوهه عليك تــــــرف العيــــــون
وعَلي باسمك حبيبي يصيحــوني

على جروحي ملـــح عمده يصبون
ولان سجين هجرك بيهه ذبحوني
بايامك كظيت العمـــر مسجـــــون
وبسواط العتب عذالي جلدونــــي
رادو بس يموت العشــــك وتهـــون
بنــص لوعة وعتـــاب عليك خلوني
شتلوني اعلــــه دربك صبر مجنون
ولان بعروكـــي انت مــــا يموتوني
قصص شوك بمحبتك خـــل يكتبون
وشهيدك لو متت خلهـــم يكتبوني
واذا مالـــي كبـــر لمـــن يدفنـــون
علــى دروبـــك نثـــر اقبــل ينثروني
وذا شح الجفن لمـــن يغسلــــــون
بمكاتيب العشــك لــــهواي لــفوني
ومرخوص الاهل لو متــت يبجــــــون
وما ابري اعيــــونك ذمـــة يبجـــوني
تمنيــــتك تسكـــــت هاليشمتـــون

[زيد المدريدي]

تنازلت و بعتني ليش وشلون؟!
كلبك ما انكسر لمن بعتني؟
شلت سنين حزنك بين الغيوم
وانته بكم شهر ما شلت حزني
صبرت اني و كلت دمعاتي تهون
و من اجيتك لكيتك فاركتني

لا تكول الزمن غدار و يخون
زمانك ما غدر وانته غدرتني
امسح كلشي بالماضي ظل مسجون
وامسح ذكرياتي الصبرتني
و اوعدك راح امسحك من الجفون
مثل ما بأيدك الوكحه امسحتني
مو كلت الامان بجنبك يكون
بأمانك ليش غفله و ضيعتني
لاجلك حابت كل اهلي و الكون
و كلت ما اريد غيرك يالعفتني
ما يحتاج اعاتب و اطلب العون
منك وانته بأيدك و عذبتني
حبيتك صدك حب طفل مجنون
و انطيتك حياتي و موتتني
و دروس هوايه اشكرك علمتني
دروس هوايه اشكرك علمتني

[زيد المدريدي]

عراقي وافتخر يا ناس
يا محلى الاسم لمن ينادونــــــــي
انا تراب الوطن زادي وغيره لا تطعمونــــــــي
شرابي عسل من ميه يا محلى العسل لمن ترووني
كاعك يا وطــــــن امي وترابـــــــــك ابوي وهم الي ربونـــي
يا مهد الحضارة ومرقد الوليان يا روض الجنان وبيه ادفـــنوني
يا نبع العلم يا شمعة التاريخ يا بيت الاهــل يا قرة عــــــــــــيوني
تبقى انت العراق واني احبك دوم ما انـــكر افضالك لو يذبـــــــــحوني

[زيد المدريدي]

افوز اعليك بالحب لو يصير زماط
وعلي متفوز صدك لو تموتني
اذا انته تحبني بكد نجوم اليل
احسب بالبحر جم قطره وخبرني
انا ابكدهن احبك ويه نهر النيل
كل هذا وتريد انوب تغلبني.....

[زيد المدريدي]

خطـــــيه امنه شـــكثر حــــملت مـــــعانات
ونغــــمه مــــن الحزن جانـــت حجــــــــيهه
تعـــبــت والســـــهر يكــــــــتب يــــــدلـــــلو
وعلـــــى خـــدود الكـــــمر رسمت نـــعيهه
يبــــجي اللــــيل كــــله الـــــونت الصـــوت
والســــابــــع سمـــــه يــــــو صل بجــــيهه
نــــنام بحضـــن امنـــــه وتغــــفه الطـــيوف
الله شـــــكـــــــبر لـــــــمست اديــــــــــــهه
علـــــى واحــــت عــــ

ـطرهه تـــنام الــورود
وفراشــــــات الحـــــنان اصــــــلي بـــــــــيه
ومـــــن ماتــــت بــــــجه البــــيت حـــيطان
وذكــــرى بكـــــــل ركن جـــــانت تجيــــــهه
الله ويــــــــــاج يـــــــــمه مـــــــودع بــــــروح
ومسيت الــــــــــعافيه التسمع شـــــجيهه

[زيد المدريدي]

يبو شفايف عنب وسط البساتين
وغير شفايفي ماراد سله
مثل شارع الروضه وحلة اطفال
شعرك على متونك من تحله
عينك حمورابي ورمشك اشور
أذن عينك مسله بنص مسله
ويلطولك سواتر بالهجومات
وعلى زنودك تشيل الجيش كله

[زيد المدريدي]

دايني فرح بلكي الحزن انساه
يالعايش افراح او دوم متهني
احسبني يتيم اوجاي يوم العيد
ونه ابعازة الفرحة من زغر سني
دفك جيس المحبة ونطي للمعتاز
اجيتك ماد ايد ابكلب متعني
اروح المن بعد عيناك يابو الشوك
ونته اول الناس بشوكي تفهمني
اغنيلك غنه المجروح تالي الليل
ونته ابفركتي مرتاح وتغني
دوهني هواك او حيرتني سنين
واكتم مااكل للناس دوهني
خاويت الحزن لجلك اوكلت ايهون
او على مودك اطب للنار متعني
تجويني ابجمرهه وانه اكول افيش
ونته امصدك ابنارك تجملني
وتسالني اعله حالي ولك يابطران
تدري ابحالتي معقولة تسالني
سكته وياك خلهه او لاتهيض اجروح
اجروحك سكتتهن ليش تلجمني
عاشرت الصبر وتجرع الكاسات
او ركضت اوياك ياما او خيبت ظني
رسيني اعله حاله او كلي شنهي الراي
لو ترجع حبيبي لو تودعني

[زيد المدريدي]

راح اكتب قصيدة علل ترافه البيك
ولو حسنك بحر ما توصِفه اشعاري
ولكن راح احاول بلكي اوصفك زين
جبت صحوت خيالي وعينت افكاري
وجبتلك ورق عمري الراح والجاي
وقلم صبري ودموعي وشيشة احباري
وجبتلك كل شي عندي وما بخلت عليك
نجم ليلي وطيوفي وطرّت انهاري
أنه بداري الظلام مخيّم إمن جفاك

يمن نورك يشع من توصل الداري
ساكن بالگلب لا تظن بس بالدار
وناحتلك بعيني رســم تذكاري
وعلى ناري بثلج گلبك لَوَن مريت
ياخذها البرد لمّن تمر ناري
تعال وشوفني شباقيلي من فرگاك
تغار عليك روحي شما گلت غاري

[زيد المدريدي]

يمنه واحد مات كلنه انمر نشوفه بيه شصار شوفوا المهزله
كمت صحت بحيل اقروا الفاتحه
ولا واحد قرا منهم وستحه
واحد بصفي يهز بالمسبحه
ثاري هاي الناس كلهه مكبسله
شفت كل الجادر مطفي ويلوب
كلت تعبانين اجو من الجنوب
ثاري ياهو اليجي يدكوله حبوب
ذوله اهل الجاي سووا بلبله
انه ما ادري الخبر جابولي جاي
النوب جابولي جكاره وكلاص ماي
ورا نص ساعه ابد ماظلي راي
دخت حسبالي انركعت بقنبله
ثكل عندي لساني ميطلع جمل
كمت ارجف كلي حسبالي شلل
واحد ابصفي رجل شايب تفل
كتله شني القصه كال اسكت حلل
كمت انه ما سولف صحيح
ردت اكومن خفت لا اوكع وطيح
والمعزب كال انته مو مريح
كتله افلت قابل انته مندله

والحقيقه انه خفت ما كمت اشوف
كرسي فارغ يمي حسبالي خروف
ربع ساعه وكامت تهز الجتوف
والزلم عالكاع كلهه مجطله
شايب كبالي نهض لكن وكع
ذب شفقته وكام يركصلي هجع
كتله عيب استحي كلالي وجع
لا تتدخل عابت الخلقه وبله
واجه واحد شربو قوري وربع
ربع ساعه واختلف عنده الوضع
كال اهدي اغنيه حلوه للربع
واطلب اغنية هلا ومية هله
كلها بس اتباوع امطفيه الزلم
ويمي حجي يكول شغلولي فلم
كتله عيب استحي كلي انته انلصم
موتتنه يبو الكذله القاتله