لـيش تــريد تنهي عشــرتي ويــاك ... وشــنو ذنــب الجنــيته ويـــاك اني
انــة الحبــيتك وســلمتك الـــــروح ... وابــد ماشفــــــت حبــك يا انــاني
غــطاني الفــرح مــن شفتك اليوم ... اثــاري جــاي وتكلـــي انســانــي
تـــريد تخلــي حبـي ذكرى وتروح ... وانــا المــنطيك كــل حبي وحناني
مــاضنــيت منــك بيــه راح تخــون ... ولا حسبتك تحـــب شــخص ثاني
شــفتك صــافن انــت بعيني للغير ... بـــس مــاصدكت مـدري شـجاني
مــاريدك تــرد مــودع الله ويـــــاك ... ولتـــضن بعــد انتـظــرك واتـــاني
منقول
التعديل الأخير تم بواسطة Civil Engineera ; 23/April/2014 الساعة 11:44 pm
موكلمن فتحلك بابه يهواك
ولا كلمن يكرهك بابه ينسد
اكو مسدود بابه وكلبه مفتوح
واكو مفتوح بابه أو كلبه اسود
اذا طشيت صحبانك على الماي
اثكلهم وفه جواك يركد
واخففهم يضل طافح على راي
يروح ويه الجزر ورجعه المد
اذا تحتار سافر تعرف الناس
منو ايهد القطار او يوكف ازيد
اكو اشده ابحبل ويكطعه ويروح
وكو بكل الشرف علسجه ينشد
وكو امشيه قطارك عينه تحتار
اوبالحظه الاخيره اوياك يصعد
واكو ايشيل المحطه ويه القطارات
ويدكه على كلبه اوصدره ينسد
فرق بين اليعبدك ب المحطات
او فرق بين البناك ابكلبه معبد
لاتامن بشر من طينه مخلوق
بس اربع طعش طينه محمد
موكلمن ضحكلك منه ترتاح
تره ناب الضبع كل ضحكه تنحد
ولا تحقد على كلمن يبجيك
اذا دمعك طفح صدكني تبرد
البشر دله اويفور ابداخله الضيم
وذايطفح دمع نيرانه تخمد
ولا تحقد على الصعدو بالجناح
معروف الصكر لوجنحه ينشد
او موكلمن نزل يسمى مذلول
ولا كلمن صعد يسمى امجد
اكو صاعد رغم ماهو عالكاع
وكو نازل يضل لوقمه يصعد
راسك منتصب اعلى من الدين
بس من السهل تتناوشه اليد
وذا عندك جبل خلهم يصعدون
فرق بين الصعد وراد يصعد
اكو ايهده الجبل لو هد الجفوف
وكو ايهد الجبل لو جفه ينهد
اوعلل مبرد كفر تنغر السيوف
لان سيف اعلى سيف بكلبه ينحد
وذا عنهم رحل كلهم يخصرون
شنو ذبح السيوف ابليه مبرد
مايرحل جذب موخاف يعمون
ويضل السيف تالي ابكصبه ينصد
وذا تعزف لحن ويهمك انسان
لاتكطع كمانك صعبه ينشد
مرات اللحن ما يطرب انسان
او مرات البشر اذاناته تنسد
او مرات اللحن يطربه طرشان
بس طبع اليسمعه زور يشهد
على البلبل يكلك منكر الصوت
وذا ينهك حماره ايصيح غرد
وذا حجيك حكم وتخاطب الناس
كل راس على كده وياك ينشد
لان روس البشر عكس الفراغات
وكل ماتنترس تستوعب ازيد
وذا تحجي اويرد صوتك كما كان
يعني اليستمع فارغ مجرد
صوتك مايرد للراسه متروس
لان بس بالفراغ الصوت يرتد
وذا ضيمك كبر لاتحجي بالعين
اوتشف الدينه كله ابلون اسود
منو بهذا الوكت ماغيره الضيم
حتى ابيوم الاحد ماكو احد
لاكن لا تضل تحسب توابيت
انى كبلك علي صب اسود العد
ارفعت راسي اوكمت احسب بالعراس
وعلى خشمي سواد البيض انكد
ولو اذاني الطفل من شفته بالعيد
يشد بجروح ثوبه اودمعه عل الخد
بس اني افرحت جه جته الطفل
مسح كل الدموع اوراح عيد
علمنه الطفل نصبر على الضيم
او طلع منه الطفل ايمانه ازيد
صاغك الهي ذهب من كل غلط عدلك
وخلا الوفا ياترف من دون الخلك عاد الك
لواشبهك بالكمر مااظن الكمر عادلك
حيث ان القمر قدم عرضة وطلب
يريد من عندك حسن من نور وجهك طلب
لوردت روحي تجي غالي ورخيص الطلبلوردت شنهي الروح افديها برخص عادي لك
حلوين رغم الحزن رغم الحزن حلوين
نظحك ولو بالدمع يادينه غركانين
رغم الي بينه صارنصبر صبر اشجار
حلوين احنه ولو على الاه متعودين
-----
طيبته من طيب النهر حلوينبعيونه يغفه السهر حلوين
ياحسره ماصرنه دمع ياضلمه ماصرنه شمع
ماكلنه تعبانين حلوين
______
مهما يعذبنه الزمن حلوين ودموعنه هي الثمن حلوين
نصبر ولا يهمنه الالم مانعيش في اه وندم وماكلنه خسرانين
انتــه بالنســـــــــبه الي معنى الحيـاة
والفـــــــراك وداعتـــــــــــــك ياذيني
وانه مـــــــــاعندي أبــــد غيرك بديل
والــوكت صـــدك فـــــــــــــلا يغريني
وانــــه من غيـرك احس مالي وجود
يعني مـن غيــــــــرك نقص تكويني
انــــه وي روحي أختلف من أشـتهيك
من حنـــــانك ليــــــــــــش ما تنطيني
لاتصير ويــاي بــاطبــــــــــاعك بخيل
هـــــــــواي أطلبك ليش مـــا توفيني
ونقد طبعي وياك أبـد ما أخلي دين
وانــــه محتـاجك تســــــــدد ديني
لاتخليني بوضع مــــابيه مجـــــال
ســـــــهل كلشي البينك ومــــا بيني
عــدي بيك أعفـاء من كل الدروس
ومـــن درس شــوكك يجب تعفيني
لان كلش صــــــعب مـــا أكدر عليه
بهيـج مــــوقف صـعب لتخليني
راجعت كل صفحة مــن دفتـر هواك
من أجل حبـك راح أضحي اسنيني
سر وجـودي وانه أفكر عمري بيك
لان انتــه الهــــــــــوى اللي يحييني
وانــه عود من الصـبر عايش عليك
وجـف حنــانك من يمـــــــر يرويني
وراح أظــل صابـر علي بس لاتغيب
مرني مـــــــــره بطيف سـكت عيني
هذا حـــدي وي الصبر والظل عليك
ابـــــــــــــــــد ماردلك طلب حاجيني
وأنه ســميتك حبيبي بــلا جــــــــدال
وانتـه حــــر شـــــــــــرايد أتسميني
اذا الشمس تطلع كارثة تصير
ولك هذا الجمال منين جبته
اتفق وي الشمس لاتحير الناس
لو تطلع الشمس لو تطلع انته
حبيبتي
حبيبتي اشهر عناقها دهراً
والدهر ياصحبتي معها قصير
كلما راودتني نفسي اليها
عشت باناملي وغداً نظري فريد
مابي جنون لكني اخشان تمزق عواصفي قطعة الحرير!!!
ولأنك تسوه عندي وعاتبيتك
أنتضر ماكول غلطه تعرفت بيك
ولا ألعن اليوم البي هويتك
... كلبي بيت مغلق بس لليوافون... وخذت رخصه لحضرتك وطببيتك
على درب الشمس طلعتك وياي
وعلى درب الظلام شكد لكيتك
لكيتك لكمه سهله بحلك الذياب
وتحديت الذياب وطلعيتك
كالو هذا هيجي وكلت لا نوط
ومكانك فوق صدري وعلكيتك
نعم وكفات ألك،أني أشهد بهاي
أخاف تكول ناكر مانسيتك
بس اليبني طيب يكمل بطيب
وطيبي وياك زايد من بنيتك
ولك فشله من اكول تبيعني شلون
وأنا كلها بعتها وشتريتك
اليوم انا معكم
وغداً قد ارحل عنكم فان بقيت
فلا تهجروني وان رحلت فلا تنسوني
فانا بينكم وان غبت
(اذا ذكرتموني)فادعوالي
فقد اكون في امس الحاجه لدعواتكم
وان اخطأت في حقكم فسامحوني
فاني احبكم في الله
لـيــس مـن الــعــــدل .. أن تــقــول بــأنـــك تــحــبـنــي عــنـــدمــا أردتـــك صــديــقـــاً . وكــم غـــريــب أن تــقـــول بــأنـنـــا أصـــدقــاء بــعـــد أن أحــبـبـتـــك بــصـــدق ... والأغــــرب مـن هـــذا كــلـــه أن لا أجـــدك الــيـــوم لا صــديــقـــاً أحــبـبـتــه ..... ولا حــبـيـبـا
رد مع اقتباس