تنشدني احبك....نص غنائي
....................................
نعم اني احبك بس الي عتاب.
..ولك كلب المحب عنده دليله
عاشرتك نفس من اولةايام..
شتنشد بعد هلعشره الطويله
شجه ابالك تسولف هاي الافكار
مظلمه اخلاف عينك موحشه الدار
لان انته اعل بعضك كلك اهواك...
وهاي حجايتك كلش ثجيله
............................. ...
اغار اعليك هلبت تفهم الحال..
اليبيع احبابه هم الله قبيله
والزين التعرفه ايريح البال..
صعبه اليوم ماتلكي بديله
واللي بخاطرك لايظل مظموم
ولابد ياحبيبي اتشيل ال هموم
يوردة رازقي وبروض دنياي..
يازهرة عمر بجمل خميله
مشيت وياك كل هذي المسافات..
ماجلت ابد روحي الاصيله
ومن حبك خذت يفلان عادات..
اني وياك سر خل وخليله
جا كلي المحنه شلونهه اتصير
الطير بلا جنح مايكدر يطير
لاتنشد بعد الله يخليك..
تظل اعيوني من دونك ذليله
هاي احجايتك كلش ثجيله
................................
بقلم الدغاري
رد مع اقتباس
المشاركة الأصلية كتبت بواسطة المتوكل علي
