قصيـــــده وطنيه رائعه لشاعر العراقي الشهيد / رحيم المالكي ..
رادونـــــــــه نتفرق يا عــراق الخير
حـدر جنح الظلام اتسللتـله اقـــــزام
القنابل والمعاول والذبـح والموت
كلها اتجمعت حكمت عليك اعدام
لانك جـزء طاهر في جسد معلول
وطن وحدك صحيح بخارطة جرذام
العرب رادت تجعلك بألاخيــــــــــــر اتصير
لكنك عراق بكل وكت كــــــــــدام
جابوا بس قميصك بيك تهموا ذيب
وبري منك الذيب بهاي ما يـلام
كفكف دمع عينك سيدي ياعراق
انته الذيب وحدك والبقيه غنام
غيرك روضوهم بهورش وبسوط
ونتــه تكون نار ومارهم له الجام
حيرت اليقصل واليخيط بيك
شما رايد يكدرك ترد قطعة خام
منو الكلك طحت يا غرت التاريخ
يا صفحة بياض بزمـن كله اصخام
اهلك ذولــه اهلك للصلح مشروع
كلهم جسد واحـد واليـزود اورام
كبل حرب البسوس الوكفوهـا اجواد
وجانوا جاهليه ويعبدون اصنــام
هسـه شلون والرب واحد المعبود
والقبله وحيده ودينـه الاسلام
معقوله انتفرق وحنـه فد قـرأن
ونبيع الوطن للابســين الثــام
لا والله نتصالح بخوه يا وطن نبنيــك
ومو طاهـر حليبــه المايشــد احـــــــزام
رد مع اقتباس
المشاركة الأصلية كتبت بواسطة هدوء الكون
