عمي اصحه
,,,,,,,,,,,,,
اسولف ويه روحي ابنادم اشبيه,,
ليش اعيونه صلفه
اهوايه وكحه,,
موطبعي الشماته بكل الاحوال,,
ولا زوٌد الالم
عليدي جرحه,,
عن درب العدل يشمر جدم ليش,,؟
ويلوم الناس
يوم الي تنصحه,,
شيفيد الندم مايرجع الراح,,
شيٌلم الماي
لو ينكسر جدحه,,
مو تدري الليالي تبات داغوش,,
والليل شيعسعس
يطر صبحه,,
الجذب حبله كصير ايجزر ابساع,,
من تصدف كلافه
اتصير شحه,,
مر بيه خيالك شايل اهموم,,
حيل وياك
كتلك عمي اصحه,,
وجٌد لو خطيت بسجة الليل,,
وفعلك مو غتي
الوادم تلمحه,,
,,,,,,,,,,,,,,,,,,,
بقلم الدغاري
دامت حروفك
ممتن جدا.. لتواجدك العطر..المشاركة الأصلية كتبت بواسطة رحيق العطر
ابداع متواصل
شكرا لك
الإبداع... هو حضورك الكريم.. لما انشره... تحياتي
شيفيد الندم مايرجع الراح
شيٌلم الماي
لو ينكسر جدحه
انتقاء رائع
شكراً استاذ عماد
شكرا للاختيار الرائع
رد مع اقتباس