حبيت ما ظنـــــــــي احب
ثاري الهوى كلش صعب
حسبالي ضحكه وسالفه
**
اسأل وادور بالدرب
مو ضاع من عدي الكَلب
عيوني ترجف خايفه
حسبالي ضحكه وسالفه
**
اسهر وانطر للصبح
بس أبـﭽـي يوجعني الجرح
ثاريك تلـﭽـمني ملح
إشسويتلك ها يا الوكح
احلامي ظلت طايفه
حسبالي ضحكه وسالفه
**
بالك تدور عالعشـﮒ
دنيانا ما بيها صدﮒ
خلاني جمره واحترﮒ
اعصابي دوما تالفه
حسبالي ضحكه وسالفه
***
محتال عايش عالنصب
وبكَلبي ظل يلعب لعب
ثاري العشـﮒ ﭽذب بـﭽـذب
حسبالي ضحكه وسالفه
بركان اثور من الزعل
اصرخ بالحي لولا الخجل
مثلك حلو ماشايفه
حسبالي ضحكه وسالفه
الاديب الشاعر
علي ابراهيم
رد مع اقتباس
