السلام على جبل الصبر زينب ع
زينب من يمر ذكرچ على بالي
ما ادري شيصير نبض دلالي
ومن الهج حروف أسمچ يهزني الشوك
وزيارة مقامچ تصفه أمالي
أهيم بعالم الأفكار ليل انهار
وضمد كل جرح بالفرگه چتالي
شوگي ما يشابه شوك هاي الناس
هلال الدنيا أنتي الأخره اهلالي
بعد عاشور بيه ما طفت ناره
وبعدها كربله يازينب گبالي
احاچيها وتحاچيني عليچ أهواي
وسوالفها جمر تتعبه بسلالي
بعيوني صور ترسم تهد أجبال
أقراها بدمعتي الموت يبرالي
نفس يصعد نفس نزل أصيح بصوت
مولاتي نخيتچ وصي شيالي
يم گبرچ يمر بيه ويدفنوني
حتى اگعد وخبرچ جمرة أحوالي
بقلمي
رد مع اقتباس