قصيده ماي العيون بمناسبه عيد الحب
الك بس انته يرخص ماي العيون
وغيرك مايصح للگلب احباب
تمر بيه عشگ وطيب الجروح
ويحني تراب جدمك عتبة الباب
يل بطبعك سلس وبمعشرك ماي
اذا اعطش دلالك جبته سچاب
واذا عني غبت كلي اشتعل نار
مثل حال الولدها بليل غياب
ازعلك ماتخلي فراگنه يطول
عليه تخاف مني وتحسب حساب
تعاتبني بهمس ويه ابتسامات
واصيرن كلي اذن واسمعلك اعتاب
احبك موت ياأغلى من العيون
يل حبك فلك دولبني دولاب
ماهمك شماته ولايم يلوم
ولاطبعك يغيره الينغط غراب
طبعك مثل لهفة فارگ سنين
عذر كلمن يحبه بدون اسباب
تعال ابين ادي وشما يگولون
خلها بعيد تنبح عنه الكلاب
وردك انته
انه البيدي زرعته_ وردك انته
واصب دموع عيني_ وردك انته
اعوف الناس كلها_ وردك انته
ولاريدن شخص غيرك اليه
رد مع اقتباس
المشاركة الأصلية كتبت بواسطة كبريائي قاهرهم
