يبدو ان الاخ تحدث عن احد محرمات الدين او اركانه حتى هكذا تتم مجاهلة الرأي
ف الكل معرض للنقد يا احبتي
يبدو ان الاخ تحدث عن احد محرمات الدين او اركانه حتى هكذا تتم مجاهلة الرأي
ف الكل معرض للنقد يا احبتي
ماكو مشكلة بالانتقاد لكن من تصبح كل المواضيع بنفس الوتيره وبنفس الهدف وبصورة يومية تصير مملة جدا وكون اليطرح موضوع نقاشي يطرح "وجهة نظره" ومعاها محاور النقاش ..هسه الينتقد الردود وشاف شي يستحق النقاش مايناقش شنو المانعه؟
هم صدگ ما يناقش عودالمشاركة الأصلية كتبت بواسطة Suzana
يعني ما عاجبك طاري الامام الصادق والرضا عليهما السلام
هم الاصل وهم حياض الدين واركانه وليس المراجع
الا اذا تقدس المرجع اقوى من تقديسك للائمة
مساء الخير سيوفي الورد
حبيبي انتَ مدا تميز بين المواضيع النقاشية وبين مواضيع ابداء الرأي ، كذلك لاحظتك بـ اكثر من موضوع انك ما ترد ع كل الاراء و تنتقي كم رد وترد عليهم ، هذا ينطي ايحاء للقارئ انك مبرمج وما تريد تدخل بنقاشات عميقة لانك ماتملك فكرة حقيقية لذلك تحاول ترد بـ اختصار و سطحية ، و كأن كاتب الموضوع ليس نفسه هو من يرد على الاخوة ، لذلك اقترح طرح هل مواضيع بالقسم السياسي افضل الك و لا تنسى تكتب منقول ، و اما اذا تگول هسه محد ناقشني تعال راح اطول خلگ و هم اناقشك هههه
١_ محور روتشيلد بحد ذاته يبينلك انه الكاتب اصلاََ ما يتكلم ع شيء منطقي ، ماخذ فكرة من اليوتيوب ان عائلة روتشيلد منتشرة بالعالم كله وهي اغنى عائلة بالعالم و تدير كل الحكومات وهذا شيء خيالي نشرته مواقع النت و المضحك بـ الأمر من نشروا التصحيح محد اقتنع بي و بقت عقولهم مُصرة ع كذبة
٢_ ما فهمت شنو وجه الشبه بين اسرائيل و السيستاني ؟ اصلا ما فهمت شنو هل نقطة من الاساس بس اعتقد ما لگه مكان يخلي بي اسم السيستاني فشمره هنا بطريقة عشوائية
٣_ الكاتب افترض انه امريكا و برطانيا بالضد و امريكا مراح تگدر تحصل مبتغياتها بسبب هيمنة برطانيا دينياََ و اقتصادياََ ، هاي منيلك هل كلاوات هههه ، اولاََ هم حلفاء و حاربوا بجانب بعض ثانياََ برطانيا ماعدها نفوذ ديني اذا تقصد ع فاتيكان فهو بـ روما ، اما نفوذ اقتصادي تره برطانيا ما بقالها شي و تگوم تجدي اقتصادها كلش متضرر
اما بقية الكلام الي اجه وره هذه النقطة اني اتفق بي مع الاستاذ
تعليق بسيط ع الجماعة الي انتفضوا لمجرد ذكر المرجعية
مو شرط كل الاعضاء يقلدون المرجعية او شيعة من الاساس
اكو سنة ومسيح انواع الاديان
ولهم نظرة خاصة بيهم ونتحاور ونتناقش مابيها شي
اما عن موضوع الاخ سيف هو مقال اكثر من انه موضوع للحوار
شوف صديقي
الموضوع اذا كان بعيد عن المرجعية ليش يدخلوهه بالنص الغايه من هذا كله تسقيط وتهجم واضح اتمنى تعيد قراءة المقال من جديد وتفهم قصدي
استاذ سيف
انت بالمرة الماضية هددتنا .
واشرت على انك اذا فقدت صبرك تستخدم لغة
(سوق مريدي)
وعندما استرسلنا بالرد اخذت منه سطر وقلبت معناه
بطريقة لغة سوق مريدي
ومن هذا المفهوم السابق .
فلايعجبني ان يضع اسماء اهل البيت ع في مكان غير مناسب
ولاتعاطف مع من يلبد ورائهم ويروح يسوّف المواضيع باسمهم
فلاتعتقد كل من يقرأ لايفهم .
وعلى اساس تستخدم اسلوب ابن العاص عندما يحصرك الحق
بزاوية ضيقة .
فتذكر سادتي اهل البيت ع والمرجع متصل بهم
اذا كرهت احدهم كرهتهم كلهم واذا عاديت احدهم عاديت الاخر
كذلك اهل البيت ع يعجبوني
ولكن لايعجبني المتبجح بهم
تحياتي
عزيزي مصطفى
قصدي ليش ننتفظ ونتعصب لمجرد ذكر المرجعية لو كان هذا الموضوع او غيره مو الكل تايد المرجعية حسب ديانتهم ...
اذا يسمح للنقاش نتناقش مانتهجم لمجرد ذكر المرجعية احجي بصورة عامة مو ع هذا الموضوع
رد مع اقتباس
