ضعف حيلي ورجعتك ضعفت ويــاه
بحيث وداعتك ضل جــسمي وخرته
يهد دمعي وســمارك هدت المــكتول
اخــوه وحــيد عـــنده وكوه جتفــته
بخشب تــابوتي كتبو موتــه جفاك
المــيت من ولـــف نــتبرك بجثتــه
نطش شبكه اعله كبره الكاتله الشوك
مــاترهم لحد كون الحضن حصتــه
وعلي المجيبه ذاتـه لشوفت اهواه
تــمر وحشــة مسه من ياختـه اتعته
الـهوه بزلفك عرفتـه شــعندي وياه
المــامرجح كذلتك ما تنفســته
يهز راســه لونيــني الفــاكد وليَف
المــيت من زمان لـــونتي فــززته
التــعب بيـه منهد ما بين اكــفاك
بثكل فكرت وداعك بالي حدبتـه
انفتكـَ عمري اعله دربك طاحن سنين
المهن وايدي ترجف ما مـــوصيها
شعجب خلص خضارك وانته ما طاك
عليك بعِز لهــفتي الـــماتحس بيها
عرك مــاي انتظارك خضر اجــفاك
يــبوك الســاعه ميلي المايتانيها
نكعت بـ ذله بعدك مو بـ الدموع
انه منعصر ارداني الفــشله ابديها
شرف بت شيخ نيتي الجانت وياك
وضـــنونك شباب كــبال طـــاريها
انه بعـازت شبابي شطلعت ويــاك
منو ال كلك سبيل ايامي مطيها
خنتني ويه الوكت لمن مشيت وياه
مو وي شــاب حته الطعنه اعديها
تجيني بنص صلاتي استغفر اجــفاك
مجتف للهجر مو قــصدي اسويها
تفز بيه الــمدارس والجرس نــام
اشتهت طلابها بيا فــرصه ارضيها
انه بشاب انتظرتك عمره عشــرين
صفه نكتك شــماته وما خضع ليها
يهز ايده اليمر من يمي ويشوف
كبل لتروح جيتك جــنت اتــانيها
رد مع اقتباس
المشاركة الأصلية كتبت بواسطة كبريائي قاهرهم
