الحمدلله الگلوب سواجي يا خويهالمشاركة الأصلية كتبت بواسطة سيف حسين
نعم على شاكلتك لكن اختلف مرة ثانية وياك بكلمة ناقد لان اني مدا اشوف اي نقد بكلامك و كنت صريح وياك بتسميته هجوم بتعليقي الاول
اما عن الجواب اني جاوبتك والله ، گتلك اخذ كلامك و اقارنه مع افعال المرجع واحكم
خلي نبسط القضية للقاريء لان انت عندك مشكلة مع تقديس المرجع او خل نگول مع التقديس بشكل عام
ليش تضوج من كلمة التقديس ؟ خل اشرح وجهة نظري بمفهوم القدسية و اشوف وجهة نظرك تتفق ويايه لو لا و نخلي الحكم للقاريء شنو رأيك ؟
التقديس هي فطرة انسانية اول شخص نقدسه هو الاب ، لان نعرف انه يريد مصلحتنه و يحاول يسوي كل شي يطلع بيده حتى يوفرلنه حياة كريمة ، طبعا هذا الاب الطبيعي ، لان نعرف اكو اباء ما عدهم روح الابوة و حتى توصل بيهم مراحل لقتل الابناء بس احنه دنحجي عن القاعدة الفطرية
فـ هنا اني لاشعورياََ اقدس والدي ، شوكت اسقط عنه القدسية ؟ لمن اشوفه ما يريد مصلحتي و المهم عنده مصلحته الشخصية ، تعال نسقط هل مثال على المرجع ، احنه قدسناه لأن هو يقوم بدور الاب للمجتمع ما قدسناه لان هو معصوم او مُنزه ، تقسط قدسيته من نشوفه ما يهتم لأمر الشعب ، زين اذا قارنه هل كلام بالسيستاني شنو راح يظهرلنه ؟ بوجهة نظري هو دا يقوم بدور الاب ، حتى وان اخفق في بعض المواقف (كحماية مقتدى الصدر من الامريكان) لكن نگول هو انسان و يخطأ ، ما شفناه تسبب بخطأ جسيم او سرق من اموال الشعب وبنفس الوقت احنه نعرف انه الامر مو بيده وانما هو مرجع نرجعله من نحتاجه فقط يعني مابيده شيء
هذا مفهومي لتقديس المرجع ياريت لو تشرحلي مفهومك لان اعتقد من خلال كلامك انك تشوف تقديس المرجع مثل العبودية لذلك ما اريد اقولك ما لم تقله و احب اسمع منك حتى اعرف شنو مشكلتك ويا المرجعية
رد مع اقتباس
