مليت من دنيتي،،،،، زاعلت حته الصبح
اضحك وسولف جذب بس بيه ميت جرح
ماريد اعيشاً بعد،،،،،، ياوكتي لا لا تلح
هوا اليفارك محب،،،شيسوي شايل كلب
شايل كلب اي نعم،،،بس كلب شابع ذبح
مليت من دنيتي،،،،، زاعلت حته الصبح
اضحك وسولف جذب بس بيه ميت جرح
ماريد اعيشاً بعد،،،،،، ياوكتي لا لا تلح
هوا اليفارك محب،،،شيسوي شايل كلب
شايل كلب اي نعم،،،بس كلب شابع ذبح
وأذا أشتاكَـيتله وبعدين
شنهو الرايده من الما تجي باله
عيش بواهسك
وأشتاك لليشتاكَ
والناسيك خلك حالك بحاله
(زيد الهاجري)
ما أدري وغفل تنباگ
و اشوفك ما بعد تشتاگ
من ماتت لهفتك و السلام الحار
بعد ما ضل طعم ينضاگ
أبرد من ضحگتك چلمة إشلونك
و اذكر من گلتّلك
بوسة إعيوني تجيب فراگ
و إنته إتگلّي أموت ابوسة إعيونك
(سعد الزبيدي)
منينلي الواهس و أجيك؟
منينلي الواهس مشت بيّه السنين بلايه عرفه
وين أباوع ؟
فاتحه بروحي و تدور براسي زفّه
و لاهي ترچيّة فقيره و بالعمر تنشاف صدفه
و لاهي صحوة موت و تفكني وتفض
و لانه كافي النار شرّي وگايم إمصلّي فرض
شما أطب حايوز بين هموم ليلي
تردني فشله
من الگه بيها السالفه إطلابة عرض
(حسين الحبتري)
لا تحط شمعة افراك اعله المخده
احنه شدة
احنه گطرة ماي
وگطرة ليل تتلاگه اعله ورده
احنه غصة تين
وشهگة عطش تتلاگه بموده
وننعگد كوّن الله بينه
من المدينة للمدينة
(مظفر النواب)
زغيره ولايتي
وكبرت عله رسومك
بعيده السما
ومن حطيت يم روحي
تدنت يم ضوه نجومك
الحلات البيه ما تنلام
ليش الوادم تلومك
(صابرين الكعبي)
روعه
دورت كل الشجر
بعيني مات اشكم نهر
وادري طيفك يرسم بروحي الربيع
يا ضوه .. والضوه ما يطعن الظلمه
وانه ادري
الظلمه تسمع لو حچه وياها الضوه
تّفز مثل فزة خضار ابگاع حمره
وانه منتظرك حبيبي
تحچي
وتذل عطش روحي وتكسر الخوف العبر
(علي حسن الشمري)
ابقى يمي ..
وصير أي شيء حتى لو دمعه اعله رمشي
عبد الكريم القصآب