خسرنه هواي واليخسر ضوه عيونه
بعد للناس ما يهتم
انه اول ابنادم عازته ابنادم
(حازم_كريم)
خسرنه هواي واليخسر ضوه عيونه
بعد للناس ما يهتم
انه اول ابنادم عازته ابنادم
(حازم_كريم)
اخويط شمعة صرت
ما ادري ليش انچوي
وما ادري ليش اچوي ،،
هسه اني ادري انعفتً
كون ادري شمسوي ،،
(باهر_الجنديل)
يا ضــواي
سنيني خلصن
شاتل بروحي هــواك
وانتظر منك تجـي ،
وتتبده مـاي
وانتظرتك غيمه ، غيمه
ونجـمه ، نجـمه
وحـرگـه ، حـرگـه
ولا انتَ الگايلي اجيك
ولا انتَ البصدفه جـاي
خـل أروح
خـل أروح شعندي وي الماله راي
خـل أروح وهاي آخـر انه احبك
آنـه احبك ،
و اليحبني يگلي احبك
لايوديها وراي •
(سعـود الخـفاجـي)
أنه الخــواف يا دنــيا
أنه الخـــواف من ڪلشي..
إذا أحلــم حلــم مو زيـن
گلبــي يفــز گبــل رمــشي..
أفــز باليــل ألــف فــزة ..
وأخــط بالبــاب ألــف رزة.
وأڰـــل للخــوف
ظــل بالبــيت وآني أمــشي..
لأن مشــغول يا دنــيا
وأنـتِ معذّبــة أحــوالي..
أعبــر على النهر عطــشان
والمــي مو عــلى بالي !..
(سماعيل الگاطع)
افتتاح موفقالمشاركة الأصلية كتبت بواسطة كريمے بنزيمے
گلبک يدري لمن گتلي هاهيـه
تغربلتٍ وصفيت بعينک شويـه
مني ابلا وعي اتبده النضر علـ گاع ْ
طشرني الحچي ولميت روحي بساع
گتلي شبيک
گتلک كلشي مابيه
(باهر الجنديل )
عيش لعشته واشبع اخ بنص الليل من تشتاك للعافك
إنته من دگّيت بابي
جبت ويّاك الحزن خطّار ماين
والفرح طلّعته برّه
آنه من شگّيت زيجي إحترگت إيدي
وإنته من شگيت زيجك شفنه گمره
(كاظم إسماعيل الگاطع)
ما مشتاگلك
بس ودّي أشوفك
حتّى تشوفني وتبچي
وأعوفك
(عبد الكريم القصاب)