يافشلة الماتنگال...
اجوا من صوبك معرسين
گالولي بغيابك تضحك عيونه
ولا مهتم !
ولا يذكر !
ولك لو بالچذب ناشدهم شلونه؟..
(ميثاق الهلالي)
يافشلة الماتنگال...
اجوا من صوبك معرسين
گالولي بغيابك تضحك عيونه
ولا مهتم !
ولا يذكر !
ولك لو بالچذب ناشدهم شلونه؟..
(ميثاق الهلالي)
نويت انساك ونويت الگاك
وتراكمن نيه اعله نيه وشيبت
وافتهمتَك ..
مِن سگيت آخِر رسالة بِـ عتَّب بارد
شباقّي مني ؟ وأنت كُلشي الـ بيه أخذته
منين ما اباوعّلي أنت
تذكرها آخر شوفه ألك ..؟
من گتلك : شمالك علي ..!؟
ماجاوبت : چنّك ولا سامعني
من عدها فز گلبي : و خفت..!
سديت عيني : و فتحت : نفس الوجه
وجهك وجه بايعني..!!
والله وكت
أندارلك من كل درب وعيونك تضيعني..!
(زيد الهاجري)
حگّك إتعاين و تضحك
ذنّي بالريش الشفتهن
والله لو دلّيك
بجروح الغميجه
چا بچيت بگد غمجهن
(عبد الكريم القصاب)
يالجبت بيدك ورد
مات الهوه
بريتي
شيفيد ثوب الثلج
وضلوعي محترگة
(باسم الخاقاني)
ايامك التمطر الوادم
باجر اتصحي وتضل وحدك غريب
ومن يشح نهر الاعذار
يتعب الناعور والكيعان تتنطر دمعتك
حيل تتعب حيل تتعب
من ينشدك صبرك وما تلكه جلمه
من تواعد جفنك وما يمر حلمه
هنا بنادم ينجبر يحرك هويته ويكره اسمه
(عقيل العرد)
كلهم ما مدنگ كمت مثل النار
من تلهب ومحد يعرف أشبيها ؟
رجعت بهيبتي بس انه من جواي مكسور
ودمعّتي گوه خافيها
مثل احساس الأسره الجايه من أبعيد
من ترجع وما تلگى المتانيها
(أحمد عاشور)
مسودنين
صاحت الوادم مايستحون
وصاحت إعلينه الشوارع لا تجون
لا حجينه بألف شفه
ولا لبسنه وجوه ترفه
ولا گدرنه نعيش يوم ملونين
وباعنه الما يشترينه
وصاحت الوادم علينه مسودنين ..
(محمد الغريب)