هنا

[احمدالبغدادي]

لاكلك تعال ,, ولااكلك روح


لاكلك تعال ,, ولااكلك روح
صفه ابكيفك امرهه الجيه والروحه
بس اعتب عليك اشغيرك وياي ؟؟

ومن فركاك هاي الروح مذبوحه
ادمنت انتظارك والصبر منشار
محدود ابجفاك وكلبي اللوحه

اطك سن اعله سن واشتبه بالناس
وعيوني اعله دربك تربي مشبوحه
الزمن سواهه بيه وضحك الشمات

ومرجحني اعله كيفه ابهمه مرجوحه
ياذنب الجنيته ايخون حتى الطيف ؟؟

وليل اجفاك بيه الونه مسموحه
كلت عني انتهه !!!
ومابعد افكر بيه !!

ذاك آنه الجبل والفوس متلوحه
وبقت بيضه الوشيعه وماحنيت الراس
وبقيت آنه الوفي الماذلته اجروحه

بقيت آنه الوفي الماذلته اجروحه

[بـاران]

جميل

[نوارس الياسري]

الله روووووووعه

[نصرت]

كلمات بيعجبني وجميلة احسنت اخي العزيز
والشاعر العزيز .

[احمدالبغدادي]

باااااران نواااارس نصرت
شكرااا على مروركم اااالعطر

[كبريائي قاهرهم]

عاشت الايادي
على روعة الانتقاء
يطيب لي المكوث بين طيات
متصفحكم التي تزهو
بالروعة والجمال
لا حرمنا جديدك الشيق
ودي وخالص احترامي

[Civil Engineera]

راااااااااااااائع