حلم
,,,,,
النفوس تغني كالو من تطيب,,
واني ماطابت
بقت نفسي تون,,
حتى حلم الفرح فاركني بهواك,,
وكظت كل ايامي
وياك بحزن,,
راح اشواكي تظل بس ذكريات,,
والف هنياله
بغرامه الي يجن,,
كمت اسأل روحي وتخيل جواب,,
الصفته تاخذني
واظلن ممتحن,,
مثل روج البحردولبني الغرام,,
مكالب وي الريح
وبعيده السفن,,
الموجه ناخذني واحسن بالضياع,,
تردني موجه
وكلت لاهسه يحن,,
لبن عشرتنه بحساسي صافي جان,,
بيا بخت
يفلان بي انته تشن,,
منين اجيت وخلفت بيه الهموم,,
واني عايش بالخطر
ماكو امن,,
حكمي بيدك تامر وتنهه شتريد,,
وانته سجاني
وصفيت اني بسجن,,
سلمت بيديك روحي وماجنيت,,
غير بس دموع
تجرح بلوجن,,
عاشرت حسباتي لن كلهه جروح,,
تبقه بين اظلوعي
مدفونه دفن,,
تظل كل حسبه تهل منهه الدموع,,
بقت بالونات
مسحونه سحن,,
يساعد الله مهجتي اشحلمت عذاب,,
وانته جلمة مرحبه
وبيهه تمن,,
امنيات العشره راحت من وراك,,
ضيعت حبك
مثل ابره بتبن,,
الف قيس من الهوى انصاب بجنون,,
والف ليله وليله
بالعشره تون,,,
,,,,,,,,,,,,,,,,,,,,,,,,,,,,,,,,,,,,,,
بقلم الدغاري
رد مع اقتباس
المشاركة الأصلية كتبت بواسطة فتاة الهدئ
