هنا

[سيف حسين]

انت ماطرحت الموضوع باسلوب علمي وبيه براهين حتى اتدور منا براهين علمية على حد تعبيرك انت جاي اتسقط بالمرجعية مثل كل مرة بواسطة قصة وجاي نواجهك بالحقائق وتكتبلنا ردود عصبية .. مااعرف استاذك يقبل بهيج ردود هجومية او لا!
جاي نتكلم معك بكل ادب وانكولك لا تعمم ولاتخلط الزين بالشين ولاتطعن بالناس واتضيع تعبهم ولاتصدق كل مايقال لك من القصص ومجاي يفيد ..
تره كل هذن الحجيناهن " العدل والانصاف والامانة " من اخلاق المسلمين ياسيف ..
فلذلك راح ابقي ردك الاخير حتى يشوف الاعضاء واستاذك اي مرحلة من الحوار وصلت

لم اقصد هكذا
فموضوعي هو مجرد قصة وليس قضية برهانية انما قصدت مطالبة الاخوة بردود علمية وبرهانية في الدفاع عن المرجع وليس فقط دفاع انشائي

اني ما عممت
اني خصصت
وطالبت المخصص بمسؤليته وهو فرد واحد اسمه المرجع
الا اذا كان المرجع هو كل الناس فنعم اكون عممت

[انسان ثاني]

حجيك كلش حلو ومنطقي و لكن انت ناقضت نفسك

اشدت بدور المرجعية باصدار الفتوى لان طلع ممثل المرجع وگال المرجع يگول هيج يعني شي مثبت بدليل قطعي ، بس وراها گلت المرجع اخل بـ التزاماته هنا رجعت للتعميم وما گلت شنو الغلط الي سواه ، جان لازم مثل ما اشرت للصواب بنص صريح لازم تشير للخطأ كذلك

محد گال المرجع معصوم و اني بنفسي لو ترجع لتعليقي گلت نص حجاه المرجع بالسانه و گلت اتفق ويا جزء واختلف مع جزء يعني جبت دليل ، بس انت وين دليلك ؟ جيبلي دليل انه المرجع گال بنفسه لو عن طريق وكلائه (الصافي او الكربلائي) انه الارملة لازم يغتصبوها ويجبروها ع زواج المتعة ولازم يخلوها تموت من الجوع

جيبلي نص حتى اگلك رحمة الله والديك ، لا تعمم و تگلي هذا واجب المرجع ، بعدين تعال گلي شيسوي المرجع مو گال يا امة الاسلام المجرب لا يجرب ، شنو الفائدة ؟ المالكي الي جاب ٧٠٠ الف صوت بـ ٢٠١٠ جاب ٩٠٠ الف بـ ٢٠١٤

يعني شيسوي المرجع بعد ؟ تره احنه مو ولاية فقيه حتى المرجع يأخذ قرار دون ما يرجعلك ، مرجعية النجف من اسمها مرجعية يعني نرجعلها من نريد نستشيرها من نشوف حلولنه مو مقنعة نروح ناخذ رأيهم ، بس رأيهم مو ملزم ابداََ ، دورها توجيهي مو تنفيذي يا صديقي

ارجوك حاول تفهم هل نقطة

واذا عندك دليل ع قصتك اتمنى تجيبه و اني وياك نگعد ونقشب بالمرجعية سوه ^_*

[انسان ثاني]

سيف بشرفك لتصير عصبي ما نريد موضوعك ينغلق خلينه مستمتعين بالنقاش ، و اخذ ريست لا ترد بعصبية بين ما تخلص لعبة ليفربول و توتنهام



شوف حتى ابو مكة محمد صلاح جاب الهدف الاول
يعني صراع الصدارة مشتعل خليني اركز ويا اللعبة بالخوة هههه

[سيف حسين]

لا يخلو مجتمعنا واي مجتمع في اي دولة من دول العالم من مواقف شاذه والتي تكون مواقفها مخجلة وليس لها ارتباط اخلاقي وقيم مبدئية حتى قبل الاسلام لان ذلك الوقت لا يخلو من الاخلاق والقيم النبيلة. وهذا لا يعني ان الرشوة والفساد والرذيلة والمساومة على العرض غير موجود ولكنه لا يتحمل التعميم فلا شرف ولا قيم تامه ولا الفساد ينال الاغلبية .مع التنويه بان ليس كل من جلس بظل جامع او حسينية واسترزق منهما متعبد ويحذو حذو الملائكة.. دمت بخير صديقنا

اكيد ومتفق معك

شكرا لردك فلو خليت قلبت
والامل موجود
والناس النظيفة اكثر من غيرهم ان شاء الله
ولكن نأمل في القضاء على السلبيات وافظل من يقوم بهذا الدور هو الزعيم الديني المسموع الكلمة

[مـصطفى]

اخي العزيز

لا خلاف على طريقتك في انصاف المقابل فحتى ابليس عنده حسنات

فالمرجع عنده جهة الفتوى الكفائية انقذت العراق ومع ان مؤسساته واتباعه اذلوا الشعب بحامي الاعراض الا انه لا ينكر احد اهمية الفتوى
ولكن هل نخرس السنتنا في باقي سلبيات المرجع؟
هل نتغاضى عن تحميله المسؤلية
اليس هو الزعيم الروحي وكلمته نافذة
لا نريده بنفس جهود الائمة ولا حتى اقل ولا ربعها ولا عشرها بل فقط تئدية واجباته وهو قادر عليها
فاذا اعتزل في بيته وتقاعس عن واجباته فلماذا يتربع على عرش منصبه الروحي والعقائدي ولماذا نقدسه

لا لا صحيح لماذا نقدسه

اين انتاجه اين جهوده اين واجباته

اذن هو ارتباط وتقديس غير موضوعي بل هو عاطفة ذاتية غير موضوعية وغير شرعية خارجة عن تعاليم الاسلام والعقلاء

الشعور باحترامه والغضب لنقده هو غضب لنفس التابع لان التابع يرى مصيره الاخروي مرتبط به فلو كان المتبوع الرمز باطلا واقعا فهو بالتالي بطلان التابع
فالقضية نفسانية وهاجس وخوف من مصير الدخول للنار باعتبار انه تابع لرجل باطل
ليس بالضرورة اقصد المراجع ولكنها قضية عامة تفسر دفاع التابع عن المتبوع
خذ مثلا استماتة الطوائف الدينية في الدفاع عن مسلكها وعقيدتها
فلو اعترفت طائفة معينة ولو نفسيا بخطئها فهو الاعتراف ضمنا انها مستحقة العقاب
اذن بدلا من الصراخ بالدفاع عن الرمز فالاولى اعطاء الادلة الناقضة للمستشكل فبالادلة راحة نفسية للتابع وللمستشكل بل بها النجاة يوم القيامة
فاين الادلة ولماذا هي دوما مفقودة في النقاش

من بعد امرك اخويه انسان ثاني
بسنه واحده
الفتوى
معمل ادويه ينتج 200 نوع علاج
افتتاح مزرعه 100 الف دونم لانتاج الخضروات وفقط للداخل وليس للتصدير
هذا بعض انتاجه واذا تريد تتاكد اليوتيوب موجود
اما عن ما يقال حامي اعراض
والدليل هو طلع بأربعة فصائل تابعه له
ما ذكرت هو اسقاطات فرديه وليس خلاف شعب او مجتمع
كم معمل تابع للعبتات
كم شخص حصل على فرصه عمل
كم بيت مفتوح بسبب تلك المعامل والمصانع
بعض الانتاجات الي محيتها من الوجود

ببركة (إل البيت عليهم السلام) تواصل العتبة الحسينية انجاز عدد كبير من المشاريع الخدمية . نداء الرافدين قامت برصد هذه المشاريع وأهميتها للمواطن العراقي وماتقدمه من خدمات كبيرة وبالرغم من ان العتبة الحسينية لاتملك سوى موارد محدودة الا انها وبشهادة الجميع استطاعت ان تثبت ان العمل الصحيح والخالي من الفساد تكون ثماره كبيرة وهو البداية الحقيقية لاعمار العراق . هذا النجاح الكبير للعتبة دفع المواطن العراقي للتساول عن الفشل الحكومي طوال سنوات في انجاز اي مشروع مهم وجعل المواطن يقوم بمقارنة بسيطة بين ما حققته العتبة وبين ماحققته عدة حكومات على مدار السنوات الماضية والمقارنة بكل تأكيد في صالح العتبة التي نضع بين يدي القارئ الكريم المشاريع التي أنجزتها :
1 . جزء من إنجازات ومشاريع العتبة الحسينية المقدسة
قيام مركز الوارث للطباعة والنشر بطباعة خمسة ملايين كتاب لسنة ٢٠١٩ لتوزيعها على المدارس في مختلف المحافظات لمرحلتي الإبتدائية والمتوسطة بعناوين مختلفة وبتقنية حديثة
المشروع الضخم بناء (مطار كربلاء الدولي) وفق أحدث المواصفات العالمية
مشروع المنشآت الصحية المتنقلة المتطورة عدد (١٠٩) لخدمة الزائرين في الزيارات المليونية
سيارات نقل الزائرين مجانا على مدار السنة وتكثيف جهودها في الزيارات المليونية
مزرعة فدك للنخيل ٧٠ ألف فسيلة من بينها أصناف نادرة والعمل يسير بتقدم ملحوظ
مشروع مجمع ريحانة المصطفى الذي يعد من المشاريع النوعية المتطورة ويضم ٢١ طابق
أكثر من 240 مليون دينار أنفقتها العتبة الحسينية لمعالجة ازمة الكهرباء في كربلاء
مشروع تغليف وإكساء نهر الهندية
بناء عدة مدن للزائرين على طرق كربلاء مع النجف وبابل وبغداد وغيرها
مشروع مركز معالجة أطفال التوحد
تنصيب اجزاء من الشباك القديم في سرداب الإمام الحجة (عليه السلام) في الصحن الحسيني الشريف
مشروع إسناد القبة الشريفة وتوسعة الجدران من الداخل
مشاريع السراديب تحت الصحن الشريف لتوفير مساحة أكبر للزائرين
مشروع ضخم لتوسعة وتسقيف المخيم الحسيني
مستشفى خاتم الأنبياء (ص) للأمراض القلبية والأوعية الدموية في كربلاء المقدسة بتقنيات عالمية
مشروع مجمع مدارس الايتام النموذجية والتي تعد الأولى من نوعها في العراق
إستملاك أراضي قرب المرقد المطهر لإنشاء مدينة كاملة تستوعب الزائرين
مشروع مدرسة ومكتبة الإمام الحسين (عليه السلام) بقضاء الصويرة في محافظة واسط
مشروع عالمي يقدم خدماته للمواطنين على مدار العام ويواكب التطور العالمي بشكل سريع يتمثل بمعرض للمواد الإنشائية
افتتاح مستشفى في كربلاء بإسم سفير الإمام الحسين (عليه السلام) حيث تعد حديثة ومتطورة وتدار من قبل شركة طبية عالمية
مدينة زراعية خُصِصَت لإنتاج المحاصيل الزراعية والمنتوجات الحيوانية وفق أحدث التقنيات
مشروع قراني عده المختصون تحفة فنية فريدة من نوعها على مستوى العراق بقطعة أرض مساحتها (٢٥٠٠٠) خمسة وعشرين ألف متر مربع بثلاث طوابق
مشروع إستخدام الطاقة الشمسية في سقي مدينة الإمام الحسين (ع) الزراعية الواقعة على طريق كربلاء _ نجف
تحقيق نسبة 90% في مشروع الحائر المحيط بمرقد الامام الحسين ع وتجهيزه بأدوات تستخدم لأول مرة في عتبات العراق
مدرسة وشقق سكنية خصصت لطلبتها وفق الطراز الحديث تشيدها العتبة الحسينية في كربلاء
إفتتاح مخازن السيد اسماعيل الواقعة بين كربلاء والحلة ومخازن أخرى
تزجيج الرواق الشرقي للحرم الحسيني المطهر
إنجاز مجموعة من الأعمال الخاصة بمشتل العتبة الحسينية المقدسة
ديكورات خشبيه لتغطية الدعامات الحديدية لشرفة باب القبلة في العتبة الحسينية المقدسة
مشروع محطَّة الحرمين الكهربائية الأولى ونجاحه المتقدم
مشروع مركز الوارث للطباعة والنشر يستورد أحدث الأجهزة والمكائن الطباعية ذات النوعية الجيدة والطاقة الإنتاجية العالية
مشروع المركز الثقافي والفكري للإمام الحسين (ع) في بابل
تصاميم وبنايات ومراكز مهمة في محافظة كربلاء المقدسة
مشروع مُستشفى الإمام الحُسين ع التخصُّصي للأمراض السرطانية
تطوير منطقة مابين الحرمين الشريفين
مجمع الامام الحسن المجتبى (عليه السلام) الثقافي
مرأب العتبة الحسينية العصري
نصب محطّة تصفية وتحلية وبراد ماء في شارع الشهداء
مشاريع الدورات القرآنية الصيفية
عدة مشاريع داخل العتبة المقدسة من بناء وترميم وغيرها
عدة مشاريع أخرى متضمنة بناء وتوسعة وتهيئة الأماكن للزائرين الكرام
معهد الإمام الحسين (عليه السلام) لرعاية المكفوفين وضِعاف البصر ، جهة رائدة في كربلاء لرعاية هذه الشريحة المحرومة من التوعية والتعليم والتسلّح بالمعرفة.
مشروع مركز الحوراء زينب (عليها السلام) والذي بدوره يوفر عدة مشاريع لشريحة النساء
مشروع مجمع الفردوس السكني
مشروع (وعد الله الطبي) الإنساني التخصصي لعوائل شهداء الحشد الشعبي والقوات الامنية مجانا
مشروع ثانوية أولاد مسلم للأيتام في كربلاء
مدرسة الامام الحسين (عليه السلام) الدينية في قضاء القاسم
مشروع محلي بمواصفات عالمية لمخازن المنتجات الحيوانية والزراعية المبردة والمجمدة والواقع على الطريق الرابط بين محافظتي كربلاء المقدسة و النجف الاشرف
مستشفى الشيخ احمد الوائلي التخصصي الجراحي
مشروع تبنته العتبة الحسينية لإيواء عوائل شهداء الحشد الشعبي
المشروع الزراعي للحنطة
مجموعة مدارس الوارث النموذجية
مجموعة بيوت متكاملة لإيواء العوائل المتعففة
مشروع المراقبة الإلكترونية للمرقد الشريف
عدة مشاريع زراعية وحيوانية ترفد الأسواق
مشاريع زراعة الحنطة والشلب
مشروع أحواض تربية الأسماك
مشاريع تنموية عديدة
مشروع الحزام الأخضر حول كربلاء المقدسة بالتعاون مع العتبة العباسية المقدسة
مشروع تحلية الماء في كربلاء المقدسة
مدرسة علي الأصغر للأيتام
مشروع تربية الدواجن
مشاريع عديدة متواصلة لتطوير الواقع الخدمي
مشروع لمكافحة التصحر
مختبر السبطين الهندسي الإنشائي في الديوانية
2 . جزء من مشاريع العتبة العباسية المقدسة
تصميم وصناعة شبّاك مرقد أبي الفضل العبّاس(عليه السلام).
صناعة وتذهيب بلاطات مأذنتي العتبة العبّاسية المقدّسة.

واذا عندك اي تشكيك تعال كل ما ذكرت موجود وبالادله تسكت اي احد يحجي حتى استاذك

[علي الامير]

موضوع النقاش كان استغلال ارامل الشهداء من قبل ذوي النفوس الضعيفه
سواء موظفين او رجال دين . لكن المرحلة الي وصلها النقاش وركز عليها سيف
هي المرجع وكأنما المرجع سلطة تشريعية وتنفيذية بنفس . والحقيقة المرجع مو اكثر من صاحب فتوى لا يملك سيف مسلط على رقابنا سوى ان الاخذ برأيه راجع لمقلديه فقط ولهم حرية الالتزام من عدمه بفتواه كل حسب ايمانه .

[مـصطفى]

بعد انطيك بعض المعلومات الي اني متاكد انت تجهلها

مثلا
اهم انجازات المرجعية
هم من حرم سب الصحابه
هم من وقف مع المتضاهرين العزل
هم من اصدر بيان ضد اغتيالات الناس
البيانات البروتوكوليه الخاصة
هو من منع امتلاك العقارات للاجانب في العراق
سنة 2003

بيانه ضد فرنسا بخلع الحجاب والذي بسببه تراجعت فرنسا

بعد تحب اضيف شي لان انت تجهل كل شي

[غَياهِب]

حصل والله حصل
وهمين سمعت باذني وشفت بعيني
لاترحون للبعيد
اني من ردت اخذ بطاقه اخوي بدل عنه
لان كان مسافر
قال والله ماقدر انطيها الج لان مسؤوليه ولازم اخوج يجي ياخذها بنفسه
او نگظي يوم اني وياج يقصد علاقة محرمه وانطيها الج واتحمل كل المسؤوليه
يعني بكل وقاحه ولا كانما يخاف
عبالك الي اعلى منه هم موصينه هيج يتعامل وي المراجعين

المشكله اول مرة اتعرض لهيج موقف
خابرت اخوي وغلطت عليه وكتله خل يسجنوك بالغربه طبك طوب

[سيف حسين]

من بعد امرك اخريه انسان ثاني
بسنه واحده
الفتوى
معمل ادويه ينتج 200 نوع علاج
افتتاح مزرعه 100 الف دونم لانتاج الخضروات وفقط للداخل وليس للتصدير
هذا بعض انتاجه واذا تريد تتاكد اليوتيوب موجود
اما عن ما يقال حامي اعراض
والدليل هو طلع بأربعة فصائل تابعه له
ما ذكرت هو اسقاطات فرديه وليس خلاف شعب او مجتمع
كم معمل تابع للعبتات
كم شخص حصل على فرصه عمل
كم بيت مفتوح بسبب تلك المعامل والمصانع
بعض الانتاجات الي محيتها من الوجود

واذا عندك اي تشكيك تعال كل ما ذكرت موجود وبالادله تسكت اي احد يحجي حتى استاذك

اخي اذا انت مخدوع فلا تطالبني بان انخدع ايضا

هذه المشاريع تعتبرها انجاز للشعب ؟
اين تذهب مواردها اليس بجيوب الصافي والكربلائي؟
هل اعطوا تمرة واحدة من مزارع النخيل لانسان عراقي
هل حقول الحنطة يوزعوها للناس لكي تعتبرها انجاز
هل معامل الكفيل واللحوم يوزعوها مجانا ام بيع
هل مصانع التعليب يوزعون منتجاتها للفقراء ام بيع مباشر
هل تذهب انت لمستشفياتهم الحديثة مجانا ؟
هل مجمعاتهم السكنية لعوائل الشهداء ام للمنتسبين للعتبة والشيوخ وبتسديد مبالغ معينة
ثم هل تعلم ان اضعاف مشاريعهم بالعراق موجودة بايران ومجانا
هل هذا دليلك لاحقيتهم ام دليلا على تجارتهم وبطلانهم
هل هؤلاء اهل دين ام تجار ومقاولين

[سيف حسين]

حصل والله حصل
وهمين سمعت باذني وشفت بعيني
لاترحون للبعيد
اني من ردت اخذ بطاقه اخوي بدل عنه
لان كان مسافر
قال والله ماقدر انطيها الج لان مسؤوليه ولازم اخوج يجي ياخذها بنفسه
او نگظي يوم اني وياج يقصد علاقة محرمه وانطيها الج واتحمل كل المسؤوليه
يعني بكل وقاحه ولا كانما يخاف
عبالك الي اعلى منه هم موصينه هيج يتعامل وي المراجعين

المشكله اول مرة اتعرض لهيج موقف
خابرت اخوي وغلطت عليه وكتله خل يسجنوك بالغربه طبك طوب

صادقة اختي
خل يسمعون الاخوة