هنا

[مـصطفى]

طبعا القصة تنفع تصير سيناريو اخ سيف مع احترامي الك يعني انت واعي وتفتهم وتعرف لكل قاعدة شواذ شلون تعمم ع الكل

المرجعيه ليش مخلي تسقيطها من اولوياتك
تره ما توصل لشي بعد 1000 سنه اتمنى يوم من الايام اشوفك منصف وما تتأثر بكلام الغير من سواق التكسي واستاذك على الفيس الي متابعه حاول تتجرد منهم واكتب ما يملي ضميرك الطعن والتشكيك بالمرجعية نهايته باب مسدود لذلك جاي تعب نفسك وتصنعلك اعداء ومعارضين من اخوتك فيا سيف المرجعية مو جهه تنفيذيه حاول تستوعب هاي الكلمه

[المستشار القانوني]

سلام عليكم..
للأسف نرى في هذا المقال محاولة للإساءة والتسقيط للمرجعية... نتمنى النأي عن هذا المنحى مع التقدير.

[أبن ألأشتر]

اكيد تصبح قصتي ملفقة واكيد اصبح كذابا رجيما وكيف لا وقد اتيت بذكر المرجع والقيت المسؤليات والتبعات عليه
لو لم اذكر المرجع لكانت القصة صادقة مئة بالمئة

خوية سيف
راح اكَلك اشلون انفكر وأشلون قصتك كذب .؟
..............
اولا .اتفق معك على انك لولم تذكر المرجعية بسوء لكانت القصة عبرت
والسبب .انها قصة عادية وأن فكرنا بالخلل .ومن الملام على هذة الطركَاعة .
فلايلام غير المرأة نفسها على اعتبار (ثولة جبانه)ومن حق (ضعفاء النفوس يستغلوها)
ولودخلت على منتدى الغرائب والجرائم لقريت اكبر منها جرما وبشاعة .
...........
هسة تعال انفكر معاً.؟
يعني تقصد لما راحت تراجع على راتبها .
فهل تجمع كل الموظفين وساوموها على نفسها .
وهل المدير والمعاون معهم .وهل مكافحة الاجرام ايضا يساوموها اذا اشتكت
وهل البرلماني المسؤول عن منطقتها ايضا يساومها .
واشترك معهم الشيخ ايضاً .
ويمكن حتى الوزير هم يساومها .؟
شنو القصة .اذا هيج هذا رجلها غشيم الله يرحمه .اشلون عافها وراح للحشد ماادري .؟
..............
نجي نحلل .
انت تقول سائق التكسي .مايشتغل يوم الجمعة .ولكن عندما رأى المرأة مطاردة من الشعب
والحكومة وشيوخ الجوامع .
فقرر ان يكرس يوم الجمعه خاص بها .(يعني يطلع من الصبح للعصر ) ولما يهلك ويصرف بانزين
يرجع بخراج اليوم الى فلقة القمر واولادها المساكين .؟
..........
زين .العقل يقول .
اذا كان هكذا شهم ومؤمن .خو ليش ما(يحطها بالسدر والتكسي ملكه .يعني مايستأجر تكسي )
ويروح يخلص شغلتها .احسن مايصدّق عليها .
لوكان ابوتكسي تكلم لك بحق . فنستنتج ان هناك علاقة سرية الى ابوالتكسي معها واذا
استلمت حقوقها فأكيد تنتهي علاقتها به.والافضل ان يبقى معها وعلى هذة الطريقة .
السبب .
لان الشهامة والنخوة لاتعرف حد الا ان يعينك للاخيرويضعك على بر الامان ثم لاينتظر منك حمداً ولاشكراً.؟
فلاتظلم الغيرة مابين سطورك .
الغيرة حاله اوغريزة اذا اشتغلت فلايتحكم المرء بنفسه اوبها واسال امجرب ولاتسال حكيم .؟
...........
حبكة القصة حزينه ومن الممكن للساذج مثلي عندما ينسجم معها يصدق بأن البلد برمته خربان والسبب الاب
الروحي .ملتهي بنفسه وقصورة وسياراته ومهتم بلقط شعر وجهه خوفاً من لقائاته المتكرره على الشاشة .
وبالاخير انسى الاطفال اليتامى والمرأة الضعيفة واكره المرجع .على اعتبار التقصير منه .
............
استاذ سيف حتى لو جايب كامره معك ومصور الحدث من اول صعودك التكسي الى تصوير بطانية اليتامى .
هم كذب .؟
ليش كذب .؟
............
معقولة ام تنظر الى صغارها ينامون في خربه ويملكون بطانية وحده هي غطى وهي فراش وعندها حقوق
ولم تجد طريقة لكسب حقوقها .
(نعرف على الواقع حتى الدجاجة ماتقبل على صغارها)
معقولة ماعدها اقارب ماكو جيران تاركه حقوقها ومنتظره (علاكَة ابوالتكسي )
القصة من اي جهه نأخذها نجد ان المرأة تستاهل الاستغلال (ويضربه الف حمس)
ويجوز اذا مراسلني على الخاص يمكن اكلك انطيني عنوانها فهذة حلال استغلالها ..؟
لان انا مواحسن من الشيخ ولااحسن من ابوالتكسي .
..............
اخوي سيف .
كل القصة يراد منها شرعنة المساس للمرجع من قبلك فكانت قصة (المغبوكَه)الخيالية هي المدخل
انت ليش ماتفتح موضوع وتحكي به مصائب المرجعية التي آذتك
واذا ماتفتح انا اعينك افتح موضوع .
لانتكلم به .عن النجاسات ولا عن فرك الاصابع ولافاتح رجيلك وطابكَها .
نتكلم عن مضرتها ونفعها وترتاح وتريحنا .
لعل وان الحق معك .عاد انصف وياك ونشكرك على التنبيه .
تحياتي
لاتهتم خيرها ابغيرها .















............

[انسان ثاني]

مرحباََ صديقي سيف سعيد جداََ برجعتك

تدري شگد صاعد تكاسي ، ولا اصدگ بكلامهم ، ياهو اصعد وياه يگلي هستوها الزبونة الي قبلك جانت اية من الجمال و موتت نفسها عليه بس رادت رقمي وما نطيتها لو يگلي عرضت عليه الجنس مقابل الاجرة ، و غيرها من الكلاوات ، اني عبالي بس ربعنه هيج يحمون طلعت السالفة منتشرة وين ما اسافر ، بيوم من الايام جنه بدولة ما اذكر اسمها ، ابو التكسي سمع بيه عراقي نجفي گعد يحجيلي بالدين وتريد اوديك فلان مكان هذا صرح اسلامي و صار مرشد ديني ويحجيلي عن صلاته و حبه لـ آل البيت ، تشاقنه وياه اني وصديقي گناله نريد بنات و حشيش گال وصلت ، هاك رقمي و بليل اني اضبطلك كلشي واجيك للفندق


القصد يا صديقي ابو التكسي يساير زبائنه والا شون سمع صوتهم يبجون ! هسه ع فرض كلامه صح بس غلط التعميم الي تستخدمه بمواضيعك ، لازم نميز بين رجل الدين و السياسي المعمم او الحرامي المعمم ، ثنينهم نفس الزي الديني صح بس مو نفس النوايا

ما اريد اطيل بردي لان شفت الاخوة كاتبين خوش حجي وما ازيد عليهم بشي

تحياتي الك ياوردة

[انسان ثاني]

طبعاََ شفت الردود يگولون اكو اساءة للمرجعية بس ما شفت هذا النص اتوقع سوزان معدلته وحاذفة التجاوز ، اهدء سيوفي لا تنفعل زايد هههه

[أبن ألأشتر]

انسان راقي
هو الموضوع كله على بعضه اساءة للمرجعية
والقصة عرضية على الموضوع
مجرد تشريع للدخول بالاساءة
...............
هاك اقرأ الزبدة من القصة
فاين حامي الاعراض من هذا كله
اين المرجعية
واين النخوة
واين الشهامة
صفر في مجتمعنا

[Suzana]

سيف مايرد على كل السطور ومن يرد ..يرد بما يناسب توجهاته وافكاره وباقي سطورنا مايرد عليها ..هذا مو حوار ياسيف

[فتاة الهدئ]

خل احجيلكم قصة و بعدها احجيلكم نذاله بعض اصحاب التكاسي مع جل احترامنا الهم
و ما ازيد غير هذني الاثنين عن كلام الاخوة لان ما مقصرين و الحق يقال

القصة لاحد اقاربنا
يوم من الايام قبل كم سنة بايام داعش التحق قريبي للحشد الشعبي و مرت الايام
و اجت ايام و بعد سنين نزل هو و اصحابه المجاهدين و هو يداوم بسامراء بعجلتهم لزيارة الامامين
هنالك داعش غدرت عجتلهم بضرب صاروخي و انقلبت العجلة و بين شهداء و جرحئ و الجرحئ حالتهم يرثئ عليهم قريبي طبعاً استشهد ما عدا واحد سبحانه الخالق يرون جماعتنه و كانوا رب العالمين خرجة من الحادث سالم مسلم ليروي الحادثة
الحمدلله و ربنا اله الرجعة راح قريبي شهيد لربة
اهناا بالفاتحة اصحاب الخيريات و المرجعية انطتهم حقوق لعائلته الي متكونة من ست اطفال و زوجته
و طبعاً كانوا عايشين ابيت مع اخو الشهيد بس استشهد عم الاطفال تقاسم البيت
ما كملت الفاتحة الا و المرجعية رادت تاجرلهم بيت طبعاً هالبيت بمدينة الصدر و كلها تعرف شنو المدينه و عقاراتها
لكن زوجة الشهيد اصرت و رادت منزل ملك و المرجعية ما قصرت انطتهم بيت ملك و راتب الهم شهري و قطاعهم كله اهلنا يكولون هو اهداء من المرجعية لعوائل الشهداء
و هالقطاع بالمدينة يعني البيت الواحد اكثر من 60 مليون و غير الرواتب
و هاي كلها من المرجعية
و غيرها من الكفالات
و هاي سنين و الحمدلله زوجة الشهيد و أطفالها عايشين و لله الحمد
و ما سمعنا موظف تعرضلها أثناء المعاملة و لا معمم طلب يتزوجها بالمتعة
يعني شنو الفرق بين قريبتي زوجة الشهيد
و هاذي الي يدفعلها ابو التكسي؟
انا اسال شنو الفرق

كلهن نساء
و نعرف كلنا نظرة الرجل للمراة هي وحدة و لكل النساء
متساوية

المرجعية ما تقصر بالاخير بيت المال عدها
و كل هاي تدفعها
و كلنا ندري المرجعية بيتها ايجار
صحيح لو مو صحيح ؟؟
بالرغم تكدر تشتري ارقئ منزل بارقئ المناطق و هذا حقة لان متكفل عالمال

يا اخي العزيز
انا ما اقف لجهة دون اخرئ
لكن هالقصة صارت وياية
و الحق يقال
و الشمس ما يغطيها غربيل

[فتاة الهدئ]

بالنسبة لبارتي الثاني الذكرته و هو نذالة بعض اصحاب التكاسي
بمجتمعنا اثنين
نوع الاول يشتغل علئ حب الله و ساتر شغلتة و كلشيء بالكتمان يكمل
و الثاني نذل يتكلم بالي يحبه و ينافق
اتكلم بالثاني
يوم من الايام كان احد معارفي طالبة تقديم كليه و معاملة و كذا والدها متشدد و ما يحب سوالف البنات يدرسن
هالبنت تتكلم و تكول صعدنا من تعاسة حظنا وية ابو تكسي
و ضل يسولف و جابها سوالف و كاله انا اعرف الطلاب الجامعين و بدا يسقط بيهم و يساوي تسع اصابع من يده و يستثني اصبع و هو بنته
يكوله ؛؛؛
اهل الجامعات مو زينين و تصير صداقات بين الولد و البنات و حفلات و تعارف و بعدين علاقات و ممكن غير شرعيه
و طلع كل الاشياء السئية بالطلاب و استثنئ بنته الجامعيه

المهم رباط سالفتنا هما اهل التكاسي اغلبهم هيج
يتماشون وية الموجة

و يطلعون نفسهم ماكو منهم
هسه انت لو يمة متكلم بانك احد انصار المرجعية كان قلب الموضوع بالعكس
...للاسف

تحياتي الك اخ سيف و تحياتي لكل الاخوة

[علي الاسدي**]

قبل ايام وانا ذاهب الى عملي في التكسي فتحت مواضيع كعادتي عن سلبيات المجتمع
ومع ان الجو بارد والساعة السادسة فجرا ومع ان السائق يبدوا منزعجا ومتألما
الا انه كان مستمعا جيدا وهو صامت فقلت في نفسي ربما انزعج من ذكري للمراجع واهل الدين
فقلت الافضل ان اسكت لاني توقعت انه سيهجم علي بدفرة يرميني من السيارة
وبعد صمت بيننا نطق وقال
والله يا اخي انا لا اعمل في يوم الجمعة ولكن البارحة لم انم ابدا واخذت عهدا اني اعمل كل يوم جمعة

فقلت خير ماذا حصل البارحة

فقال جارتي بنت شابة زوجها شهيد بالحشد ولديها طفلتين وحالتها ماساوية

سمعنا بكائها وبكاء اطفالها في الليل فارسلت زوجتي تطمئن عليها فرجعت مذهولة وقالت طفلتها تبكي من الجوع وليس عندهم حليب اطفال ومطبخها فارغ وهم نائمين على بطانية عسكرية

قال تحدثت الجارة لزوجتي معاناتها وانها ذهبت لاكماال معاملة الراتب فساوموها على شرفها وتركت المراجعة وتركت الراتب
تقول فالتجات الى جامع وحسينية في المنطقة فاعطاها الشيخ بعض المال وقال عندما ينفذ تعالي واعطيك
وفي المرة الثانية قال لي تزوجيني متعة وانا اتكفل بمصاريفك
فتركته ولم اذهب مرة اخرى

يقول فطلبت اسم الحليب وذهبت اشتريت علبتين وبعض الفواكه والطعام ونذرت اني اشتغل الجمعة واخصص لها شغلي بالجمعة

استوقفتني قصة السائق ونذالة بعض الموظفين ونذالة البعض من المعممين المترفين

كم ارملة مات زوجها بالحشد وغير الحشد اصبحت فريسة لبعض رجال الدين وللمراجعات للراتب
هل هذا اكرام الشهيد
فاين حامي الاعراض من هذا كله
اين المرجعية
واين النخوة
واين الشهامة
صفر في مجتمعنا



ارائكم

خاف ارد وانحضر بس يله ميخالف