عفتني بلا سبـــب مالي ذنب وياك
ودعني العمر من كبلــــك مودعه
حنين اول ايامك, هسه لا موذاك
محنتــك موطبـــع ثاريك مــتطبعه
شكد طيوف اجت مامحت ذاك الطيف
بقه.. بس انته طيفك من يجي يدفعه
جنت فوك السطح اربي وعليه تفوت
وأنزلك .. مثل ما تنزل الدمعه
تمشي بريتي خطوه نفس بهداي
تجيني وكل نفس ماجابك تطلعه
ترجع انه اكلك من يعوفك ذاك
ومن خدك تروح وتنطفي اللمعه
وتجي مكسور خاطر والذنب وياك
وارجعك وانته ماتستاهل الرجعه
تعبره ومايهم شكد حركني جفاك
المهم حيفك تطلعه بروس المفرعه
الصبح وكته يجي وياخذ مكان الليل
مايخلص الليل الخاطر الشمعه
رد مع اقتباس
