..
الانسان الشكاك
يكون فاقد للثقة في نفسه قبل لا يكون فاقدها عند الاخرين
و على هذا الاساس يجب التعامل معاه
وراح احاول ارتكز على ثلاث محاور للتعامل :
من باب اولا - احسسه بقيمته بنفسه و الكَي فد طريقة
ارجع بيها ثقته لنفسه من خلال استيعابه بالكامل
و احتوائه بجميع حالاته ..
صح المسألة صعبة و يحتاجلهه وقت لكن مو مستحيلة
وخاصة اذا هالشخص عزيز عليكم و يهمكم امره
و محسبين انه الفترة اللي راح تعيشوها وياه هي فترة طويلة ..
و اهم شي هي المسايسة حتى تسير الامور طبيعية
و بدون تشنجات ..
لان أي تصرف غير محسوب حسابة راح يأخذه على محمل شخصي
جدا و الانسان الشكاك دائما ما ينظر للأمور على
انه تخصه و تمسه جدا .. مو بنظرة طبيعية للحياة
لذلك نوهت بصعوبة المسألة .
ثانيا- شلون اخلي يثق بيه و يطمن
مثل مكَالت زهراء قبلي حاولي أطمني و خلي على هواه
لكن ما أئيدج انه الخطأ ايضا على هواه
بس كطريقة تعامل كل شي ينحل بالهدوء والمسايرة
لان الشخص الشكاك وقت العصبية
يكون جارح جداً و ميفكر بطريقة منطقية ابد ..
و تفكيره الوحيد راح يكون نحو الخيانة و بس
نتيجة الصدمة اللي اتعرضلها سابقاً
لذلك راح يشوف اقرب الناس اله كلهم نفس الشاكله
فأي طلب راح يطلبه بصيغة طلب او امر او نهي عن موضوع ما
بوقت العصبية سايري و كوليله نعم و صار
و بعد ميهدء تكدرين تفتحين الموضوع وياه بطريقة سلسلة و سهلة
مو بصورة جافة .. لان هو متوتر اساسا من الموضوع مسبقا
لذلك سياق الكلام يعنيله هواي بداخله
و على اثرها راح تكدرين تزرعين الثقة بيناتكم ..
ثالثا - حاولي تقومين بالاشياء اللي يحبها
من ناحية منعج من شي او فد شغلة معينه تعرفين بي هو يحبها
حاولي تسويها اله قبل لا يطلبها منج ..
هالشي راح يخلي ثقته تزود و يشعر بالارتياح ..
و بالختام
صحيح العبء الاكبر راح يكون على كاهلج
لكن الشك بحد ذاته مرض
و ليس على المريض من حرج
لذلك خلي فكره بالج انه اللي دتتعاملين و ياه
عنده نوع من متلازمة الغيرة المشددة
و اكيد كل مرأة تعرف شلون تحتوي و تلين الرجل اللي بجانبها
والله يكون بالعون
و تعيشون بسعادة ابدية
مودتي مع التقدير
..
رد مع اقتباس
