هنا

[هـآئِـم ۦٰ]

هسه بحثت بگوگل والي فهمته انه الارگيلة مابيها قطران

لكن ضررها يجي من ثاني اوكسيد الكاربون المكثف بسبب احتراق الفحم

يعني هاي تصحيح لردي السابق اعتذر توقعت الارگيلة مثل الجگاير لان اني اصلاََ ما اتقربلها والله يبعدنا عنها


عمرك خسارة ، متشوف حيدر النهار كله يضحك حتى من الحكومة اخرت الراتب عبالك هل شي اجه صدفة ؟ لا يا حبيبي هذا تأثير الاعشاب

ههههه صدك قويه هاي لا يا الله بس لا يدخن ماستر مضاد للكئابه تحياتنه لك

[هـآئِـم ۦٰ]

زين اگلك نصيحة بس يحتاحلها هواي فلوس ^__^

هو شنو الي يضرك بالجگارة او الارگيلة ؟ القطران مو النيكوتين ، القطران هو احتراق الورق ، اما النيكوتين هو اصلاََ موجود بالجو و نتنفسه كلنه لكن بنسبة قليلة ، فـ ازدياد هل نسبة ما تنطي ضرر كبير لكن اكثر ضررها هو مظهري يعني تصفر اسنانك و لسانك و تزرگ شفتك و مرورة بحلگك

الحل وين ؟ تدخن سيگار او في رواية آخرى (نسميها الجروت)

السيگار ما يصير بي احتراق مثل الجگارة و خالي تماماََ من القطران ، لكن طعمه مو طيب لان يكون النيكوتين مركز بي او بعبارة اصح هو ما بي غير النيكوتين ، يسوي عندك مرورة بحلگك

بس شنو كون تشتري سيگار اصلي مو تاخذ من ذني الموجودات ب اسواق لان هذني كلاوات اصلا مو سيگار كلهن صناعيات

افضل الانواع هو الكوبي و الارجنتيني (امريكا الجنوبية عموماََ)

ومن الانواع الجيدة و مو كلش غالية هي الكوهيبا يوصل سعر السيگار الواحد من ٥_١٠ $ ، و غالباََ تجي سادة لان بقية الانواع تكون مطعمة بالواين او ببقية انواع الخمور

بس تطول وياك هواي لان تاخذلك نفس لو نفسين وتنطفي كون تورثها بعد

و هذني تلگاهن ببغداد بشارع ثنين و ستين متوفرات عد محلات الخمور الفخمة


ها شونه الشرح الوافي خو ما قصرت وياك

والله يا رامي جنك ناويلي ع شر ع فكره كلامك كله صح الي يدخن صخام حشه ما اكوله بوجهك اتسبب ضحك والشخص ميكدر ينام صديق مقرب جدا لي سولفلي عليهن
عنده اصدقاء بروسيا يدخنون هل الاشياء الي مو بس اضر الصحه ادمر النفسيه وتهدد حياة الشخص
ويكلك مو غاليه بس 105 مدري الف دولار ههههه الله يبعدنه عنهن تره ضالات بروسيا وسعرهن مناسب اذا حاب اجيبلك وياي بالحدمه
تحيه حب واحترام اخوي رامي صدك ضحكتني يا ذهب ممتن لك

[راشـيـل يـعـقـوب ✡︎]

في الواقع، يتعرض مدخنو الشيشة إلى المزيد من أول أكسيد الكربون والدخان أكثر من مدخني السجائر. وكما هو الحال مع تدخين السجائر، يرتبط تدخين الشيشة بسرطانات الرئة والفم وأمراض القلب وأمراض أخرى خطيرة. يحتوي دخان الشيشة على نفس كمية النيكوتين تقريبًا الموجودة في دخان السجائر، وهو ما يمكن أن يؤدي إلى إدمان التبغ، والمهم انهم كلياتهم مضرات .

[هـآئِـم ۦٰ]

في الواقع، يتعرض مدخنو الشيشة إلى المزيد من أول أكسيد الكربون والدخان أكثر من مدخني السجائر. وكما هو الحال مع تدخين السجائر، يرتبط تدخين الشيشة بسرطانات الرئة والفم وأمراض القلب وأمراض أخرى خطيرة. يحتوي دخان الشيشة على نفس كمية النيكوتين تقريبًا الموجودة في دخان السجائر، وهو ما يمكن أن يؤدي إلى إدمان التبغ، والمهم انهم كلياتهم مضرات .

بالفعل صحيح راشيل اتفق معك
ممتن جدا ع المعلومات القيمه
يا ورده