الليله بس الساتر الله!الشاعر حسين الساعدي
امغيمه روحي!!
الليله بس الساتر الله ومدري شيجيب القدر!!!
إمن العصر رفت اعيوني وانعصر كلبي عصر
غيميت ابغيمه سوده وهل وضع ما مستقر!
والسمه البعيوني حمره ساعه وتنكط الجَمر!!
الليله من دون الليالي اختلفت ابهذا الأمر!
الليله أحس روحي حمامه ويفتر اعليهه الصكر
خالفت كل الليالي وصعبه هاليله اشكثر!
رَت أنوم عيني كوه وعيني ضلت تعتذر!!
اتكلي يانوم اليجيني وجني منكسره ابكسر!
شنهي صاير يعلم الله اشرايح اسمع يا خبر!
أحس روحي ابغابه وحشه وخاليه من البشر
اشراح نسئلمن يروحي وانكسف حتى الكُمر!
ابليلة الوحشه الكئيبه اشضاملي بيها الدهر!
الليله يا حيرة اظنوني دكت انذار الخطر!!!
كون احط كلبي ابجمرته هسه وبجاري النهر
حتى أخلصه من لهيبه ومن ونينه المستمر!
ليله مشئومه وتخوف اشلون من هاليله أفر!
وأنه بالكوات واكف وانتظر يمته انكسر!!
تسحل ابروحي الثواني هاثكل وكت اليمر!!
صنطه والهاتف اجاني هسه وبوقت الفجر!
الاحبه اتصل بيه بأول احجايه اعتذر
لأن مو وقت اتصاله ايسولف ابنبرة قهر!!
كتله سولف وانسه كلشي شنهي عندك يا خبر!
كال خايف ما أشوفك واهلي ناويين السفر!
ما بقت ساعه ونهاجر واعرف ايطول الهجر
أحس بيه اتقسميت وكل كتر طاح ابكتر!!!
وأحس ما اشوف انعميت وما بقه ابعيني النظر
يوم كال امودعك اني اشتاقلي وشوف الصور
كتله من ترجع أمانه ابسرعه مر لا تنتظر!
على قبري اهناك تقرأ اشلون كاتبلك شعر!!!
امودع ابالله حبيبي وبعد شلي ابهل عمر!!!
وبالسلامه اتزور قبري وبيدك اتكض القبر
وبيدك اتحني القبر
حسين االساعدي
منقول
رد مع اقتباس
المشاركة الأصلية كتبت بواسطة نسمة الدرر
