شڪد صعبه أذا راح التريده
و بعيونه قصة حب جديده
و هنا تحس بعصرة الموت
لو شفت غيرڪ لازم أيده
تضحڪ و ڪلبڪ يشتعل نار
و تحس حلالڪ مو ألڪ صار
يتسامح ال ؏ الفرڪه مجبور
بس صعبه لمن هو يختار
أصعب وقت مر عشرتي وياڪ
من وادعتني و تطلب أنساڪ
لو ميت ڪبالي و لا أشوف
يتطشر ڪبالي التعب ذاڪ
بالعاده من يصير الوداع
تشوف الوجوه مدنڪه بالڪاع
بس أنت بعيونڪ فرح جان
ما ڪدرن يضمنه الوساع
لو غاشني و متصنع اللوم
خليني أحس حبيتني بيوم
جا ما رخصت بعيني يفلان
لو حاس بيڪ مفارڪ النوم
صح أنفصلنا و ما أحاجيڪ
بس ڪلبي لسه مرتبط بيڪ
ما مقتنع تتفارڪ وياي
شڪد جنت أزعلنڪ و أراضيڪ
المفروض ڪلبي بعيد عنڪ
بس أنت نقطة ضعفي جنڪ
الله يوفقڪ ڪلشي ما أڪول
و الله يتوب ڪلبي منڪ
....
رد مع اقتباس
المشاركة الأصلية كتبت بواسطة صفاء العامري
