انــا بـنــت ذلـك الـفـقـــيــر - الــبــارت الــثــلاثــون
هيام : وگفن دموعي و سكنت روحي هو اي عايش لا مو طيف هو
بارق : اشتاقيت هواي لوجهها صوتهاا لعيونهاا شفتها منهارة دتدفعني لزمتها
مديت ايدي الها و بيها وردة بحضرتها ارتبك حيل
احبج
هيام : بقيت صافنه اباوع عليه و كولشي ساكن بية عيونه هدئت كل الم بروحي
انطاني وردة من گال احبج
اريد اتنفس نكطع نفسي ردت اسمعها بعد اخذت الوردة و ايدي ترجف
سمر : انصدمت من شفت بارق
كلام احمد شنو منو مات رحت عليهم
بارق الحمدلله ع سلامتك
بارق : الله يسلمج شلونكم
هيام انسحبت بهدوء
شبيها؟
سمر : مابيها الحمدلله بخير
هيام : نسحبت بهدوء ورحت كعدت بمقعدي مثل الوردة تشلعها من جذورها و ترجع تزرعها گلبي ميتحمل هيج اباوع ع وردته گال احبج
عايش اي عيوني ربي
صباح الهجره لديالـى ...
ابو بارق : ع السريع بارق ام بارق وينج القصف راح يوصلنا انهجم العراق ام بارق وينج طبيت ادور عليها سمعت صوت دوي الصاروخ و الشظى ترس البيت اذاني كامت تجري دم نشمرت بالگاع
بااارق وووينك
ام بارق : من سمعت صوت الدوي نزلت اركض و بيدي الذهب سمعت ابوو يصيح
باااارق راااااح باااااارق
ابني ابووو بارق ابنك وووين
ابو بارق : تخلخل ضغطي من الصوت دخت
ااابنج يم السايق بالباب شووووفي
ام بارق : يگوم و يوگع ابو بارق داسنده
ابو بارق : روحي شوفي ابنج ووووين ااااابنج برااا
بارق : طبيت للمخزن اجيب تاير احتياط لان الطريق بعيد وگع صاروخ قريب من يمنا الشظى طشر الامه نبطحت
گمت ركضت جواا بالي ع امي و ابوية
شبي ابوية گووم يااابة
حضنتني امي تبوس بية
ام بارق : يمة ابني الحمدلله عبالنا صارلك شي ابوك ضغطه تخلخل من العصف
بارق : مابية شي يلا ع سريع نطلع قبل لا تنسد الطرق ..
وصلنا لديالى قريب العصر من الازحامات العالم كلها هاجرت بغداد
بحيث من وصلنا لبعقوبة ماكو مكان نكعد بكل مكان عوائل بكل هيكل بيت و بتلو
ام بارق : شلون نبقى بالسياره تعبت شوفولنا مكان .
ابو بارق : نزل ابنج يدور
بارق : نزلت تدور مكان فارغ ملكيت دافتر بالفروع طلع رجال من بيت البيت كلش بسيط .
ابو ابراهيم : السلام عليكم
بارق : وعليكم السلام
ابو ابراهيم : مبين عليك من بغداد مو
بارق : اي والله عمي
ابو ابراهيم : اذا اهلك وياك حياكم الله البيت بيتكم
بارق : مشكور اخاف زحمه نسوي و ازعاج
ابو ابراهيم : لا شنو هالحجي رحمه ابني جيب الاهل و الف هلا
بارق : رجعت للسياره اجيب امي و ابوية
يلا يابة يلا امشوا
ام بارق : هاا لگيت مكان
بارق : اي لگيت بيت صاحبة طلع ضيفنا
رحنا للبيت استقبلونا برحابة صدر شالونا بعيونهم رغم العائلة فقيره لدرجة بقينا يمهم شهر و نص
ام بارق : ام ابراهيم شلون متحملين العيشة هيج
ام ابراهيم : كولشي من الله حلو ام بارق القناعة تحلي كل شي حتى اذا جان قلة خير و فقر عيشة و هاي خبزتنا بالدنيا و لا اعتراض
ام بارق : و نعم بالله ..
بارق : لاحظت امي تغيرت خلال الشهرين رجعنا للبيت عدا الشظى المخرب كولشي البيت سليم
شفتي شلون ناس طيبة
ام بارق : اي يمةة حبيتهم والله جانت امنيتي يجون يمنا
بارق : هذولا الناس الفقرا كلمن يعاشرهم يحبهم
ام بارق : اعرف وين داتدك ابني و اعرفك
بارق : ضحكت
اي بالضبط
عـــــودة
سمر : هلو احمد اشلونك
احمد : هلا سمر الحمدلله انتي شلونج الاهل
سمر : الحمدلله بخير اكولك منو مات
احمد : ليش متدرين؟؟
سمر : لا والله بالصدفه سمعتك تكول مات بس مفتهمت و نص الطلاب ماكو مختفين
احمد : زميلنا غزوان الله يرحمه
سمر : يااااا لا اله الا الله خطيةةة الله يرحمه ادري اشلون مات.؟
احمد : الله يرحمه بالقصف والله
سمر : هاي شدتسوي جواا صار ساعه من طلعت من الامتحان
احمد : صـديقتج متطلع الا تحسب درجتها يلا
سمر : ههههه اي والله اي هااا و اخيرااا
هيام : السلام عليكم
احمد : وعليكم السلام شلونج
هيام :الحمدلله بخير انت شلونك
احمد : الحمدلله يلا اترخص اشوف زعيم وين صار ..
هيام - سمر : اخذ راحتك ..
سمر : وين صرتي سنة سنة لما تطلعين متت جوع
هيام : غير الاسئلة كلها تريد حجي بحجي
سمر : صدوك غزوان
هيام : شبي
سمر : ميت بالقصف
هيام : انصدمت صعبة شكد صعبة بشر تعرفه و شايفه فترة طويلة يموت
انا لله و انا اليه راجعون
سمر : والله و الصبح جانت مياده و احمد يسولفون بي عبالي بارق
اسفة گلبي نقلت الج خبر بالغلط و تاذيتي
هيام : لا عمري حصل خير الله يرحمه
سمر : شفت بارق انطاج ورده شمكتوب بيها .
هيام : ممكتوب شي
سمر : شعجب ابو الاشعار بطل
هيام : لا هالمرة حجاهن
سمر : صدوك شگال الله عليج
هيام : احبج بدووون صياح و فضايح
سمر : خليت ايدي ع حلگي و گمت اصيح
ماگدر ماگدر اذا ماصيح مبرووك تستاهلين بارق
هيام : تسلمين عمري
سمر : احتفلا بهذا الحدث العظيم امشي عازمتج ع فلافل
هيام : لا مالي نفس اريد اروح للبيت
سمر : ياا لييش
هيام : تعبانه كولش اريد اوگع من طولي
حسيت روحي حيل تعبانة اريد ارتاح طلعت بسرعه بدون ماشوف بارق رجعت للبيت حتى متغديت و لا اتعشيت
نور : وين صافنه
هيام : ع النجوم
نور : طبعا ارتاحينا من الدوام و رجعونا
هيام : اي
نور : شفتي بارق ..؟
هيام : همم
نور : ايي الحمدلله ارتاح گلبج و هاي بارق مابي شي
هيام : عيوني لحالها كامت تدمع
الحمدلله
نور : شبيج تبجين مو شفتي و بخير
هيام : نور گالولي ميت حسيت روحي طلعت ردت اموت بس فكرة انو بارق مات تخنگني و روحي تطلع
نور : ياعيوني لاتبجين المهم عايش
هيام : مسحت دموعي بس اتذكرت صوته و كلمته ارتاحيت
نور : والله مخبلة دقيقه تبجي و دقيقة تبتسم هيج بارق مخبلج
هيام : اي گالي احبج
نور : گعدت ع حيلي
شنووووو گولي والله فدووووة
طفرت حضنتها عبالك الي گايل احبج مو الها من الفرحه
هيام : خنگتيني
نور : هو منو ميحبج امداااه الي ميحبج
يايمةةةة گلبي ارتاح تعبت من وساويسج كل يوم موتيني هسه ارتاحيت منكم
صدوك و غزوان شسوا
هيام : غزوان مات
نور : لا اله الا الله خطية الله يرحمه
هيام : نمت بالليل و كولشي بية هادئ و ساكن جان شوفته تكفيني حتى ارتاح بقية عمري بس هو جان كولش كريم حبيته اكثر و اكثر هواي احبه اول حب بحياتي و اخر حب مرت ايام الامتحانات اول اسبوع امر بي ماحس روحي بنص اكابر
سمر : اخيرا خلصت الامتحانات
هيام : الحمدلله
سمر : راح اشتاقلج ماصدك التقينا بعد هاي الاحداث الصارت كولشي اتغير
هيام : مو كولشي سمر الفقير بقى فقير و الغني غني الفلوس بعدها تحكم الناس بقت نظرة الطبقات النرجسيه متغيرت الجامعة
سمر : بهاي صح هذا مو الاحتلال يغيره هذا احنا بنفسنا نغيره بس الاهم انتي و بارق معليج بالناس
هيام : بارق بعده ابن غنى و اني بنت فقر
سمر : هو راضي شعليج بالبقيه هو يحبج مثل ما انتي
هيام : اعرف هو راضي بس اهله
سمر : والله مادري شاگولج هذا همج شنو ميخلص
هيام : الحمدلله ع كل حال
سمر : يلا عمري اروح حسين راح يجي يوصلني بالسياره نوصلج بطريقنا گومي
هيام : لا عمري اني اروح تسلمين
سمر : ع راحتج ادري بيج عنودية
هيام : حضنتني تباوسنا توادعنا و راحت كعدت اتذكر اول يوم التقيت بسمر اطيب انسانه شفتها بحياتي
اي خلصت السنة و عدت ع خير
بارق طول الامتحانات يخجل من يشوفني معقولة لان كال احبج اكو شي مخلاني اطلع اريد اشوفه
مدري وينه يمكن طلع يحظي اروح للبيت احسن خلصت
طلعت من البنايه وصلت باب العمادة صار بطريقي بارق كن شفته جاي ارتبكت گلبي كام يدك سريع
بارق : ماعرف اذا تحبني او لا بعدها تشوفني واحد نذل لو تغيرت نظرتها
طلعت بشغله و رجعت للكلية اريد اشوفها بلكي الحگ
بالباب صارت كبالي اضعف بوجودها كل حيلي يروح ردت ارجع استحيت شتكول شرد مني
ارتبكت هي تجي هيج اجي وياها اتروح هيج اروح وياها
هيام : شطلعني لو رايحه ويا سمر احسنلي انوب منين ماجي يجي انثولت من ورا داگوله اوگف وگف قبل لا احجي
بارق : وگفت
هيام : صوته من قريب يدك بگلب گمت ارجف منه
بارق : بقينا واگفين ما وخرت عن الباب اخر يوم هذا ردت اشوف عيونها بقيت واگف و اباوع انتظرها ترفع راسها
هيام : اشو متحرك اريد ارووح ليش ما وخر شلت عيني عليه شفته صافن علية صارت عيني بعينه اني اذا ريشة طختني اوگع من طولي
بارق : لو بيدي ابقى ع هاي وگفتي منا لما اموت شاريد من الدنيا بس عيونها
والله احبج
هيام : نزلت عيني من حجى گلبي طلع من صدري بالموت طلع صوتي و يرجف
اريد اروح
فسحلي طريق بسرعه طلعت امشي بالشارع و مادري بروحي حتى نسيت اصعد سياره وصلت للبيت مشي و ماحس بتعب ابد انصدمت من شفت باب البيت هاي شوصلني؟
بارق : مر اسبوع و عيونها ابالي ليش مگالت احبك .
لا ميصير شلون تكولي احبك اي اكيد تستحي ..
ام بارق : يمةة بارق متگوم تاكل
بارق : مالي نفس يمة طبت امي للغرفة
ام بارق : شبيك يمة تعبان من الشغل
بارق : لا
ام بارق : مو ع بعضك صار اسبوع احجي فضفض لامك
بارق : يمة اريد اتزوج
ام بارق : لعد اني شاريد من الدنيا غير افرح بيك و اشوف جهالك اشر ع اي وحده و اروح امشي
بارق : اي وحده اي وحده
ام بارق : هاا نسيت انت عندك وحدة
بارق : ها شتكولين ترا مو عناد بس ماتخيل حياتي بدونها يمة حبابة و محترمه صارلي 3 سنين اعرفها الفقر مو عيب
ام بارق : اكلتني حاصل فاصل اصبر بعدني محجيت حدد يوم و انروح الي يحبها ابني اكيد مابيها علة تربيت ايدي و اعرفك
بارق : طرت من الفرحه گمزت حضنتها و ابوس بيها
باجر يمة باجر احسن يوم
ام بارق : شدعوة مستعجل بس باجر باجر شاحجي بعد
بارق : احبها يمه احبهااا
احلى ليلة بحياتي من الفرح منمت و اخيرا ما اصدگ
هيام : نور وين المكناسة
نور : كنست بيها و اكلتهاا يمج ورا الباب وين قابل
هيام : امداج
نور : سؤالج مو منطقي شسويلج باوعي اكنسي زين
هيام : تخوصرتلي و تحجي ركضت وراها بالمكناسة
ولجج شتقصدين
نور : آآآي آي يمةةة تعاي ع بنتج
ام هيام : هيام عوفي اختج يمةة
هيام : موتتها كتل بالمكناسه تستاهل ام لسان نظفت و كملت گعدنا العصر بالحديقة نشرب جاي اندكت الباب
محمد : يمكن الامريكان گومن گومن
هيام : طبينا بالغرفه اجة محمد علينا
محمد : گعدن ابوية و روحن بالغرفه الخ اجوي خطار
نور : خطااار عجائب الدنيا السبع منو يجينا احنا ميجينا خطار
هيام : رحت كعدت ابوية و طلع عليهم رحنا للغرفه الخ ورا اشوي طبت امي گعدت يمي
ام هيام : يمة جايين ناس عليج بدلي و اطلعي عليهم
هيام : گلبي گام يوجعني منو جاي يخطبني ماريد اتزوج اني احب بارق
ما اطلع يمة
ام هيام : ليش يمة
هيام : ما اريد اتزوج
ام هيام : ليش يمةة خوش و الولد مبين حباب و محترم
هيام : ماتزوج يمةة ماريد خوما غصب
ام هيام : ماغصبج بس عيب من باب الاصول حتى اذا رافضه گومي سلمي عليهم
الناس مرايدين الجواب هسه رايدين بس يشوفوج
هيام : ماطلع ماطول ماريد ماكو داعي اطلع
ام هيام : عيب يمةة هسه اطلعي سلمي و بعدين نرد الرفض الهم يلا بنتي
هيام : لبست ثوب ع اساس جديد و گمت ابجي اجة ابالي بارق
نور : لا تبجين بربج تطلعين عيونج مورمة عييب
هيام : ماريد نور ماريد احب بارق
نور : هسه محد غصبج اطلعي سلمي و ارجعي يمكن الولد من يشوفج يشرد
هيام : يمعودة مابية حيل شقاج
طلعت طبيت للغرفه و عيني بالگاع سلمت و بوست المرة مادري حسيت شامه عطرها گعدت يم امي گالبة وجهي مشلت عيني عليهم ماريده هي گوة شجابه علية خلصن البنات شنوو
ام بارق : ابني طالب وية بتكم و شافها محترمه و بنت ناس و سولفلي بيها
هيام : نصدمت طالب وياية منو هذااا شلت عيني نزلت عيوني بسرعة يمةة اسم الله بااارق
بارق : طبت مدنگه راسها بوست امي و راحت گعدت
هيام : هذااا شجااابه لزگت بامي همستلها
يمة
ام هيام : ها
هيام : اريد اروح
ام هيام : اشش عيب اگعدي خلي يطلعون
هيام : هاي شلون ورطةة ريقي نشف و ارجف گمت العب بيديني
بقوا ساعه يسولفون و يضحكون و اني گاعده ع اعصابي احس بارق كل اشوي يباوع لما طلعوا متت طبيت ع نور
ولج نور الحگيلي
نور : يخبببل انذبحت و اني لازگه بالباب اريد اشوفه شبيج تبجين والله حلو
هيام : گعدت ابجي
هذا بارق طلع بارق
نور : هذا بااارق يمة ولج يخبل .مبرووووك اهلهل موو اهلهل
هيام : گمزت لزمت حلگها لااا لا تفضحينا
ام هيام : هاا يمةة شفتي الولد طلع وياج بالجامعه ويعرفج قسمة زينة بعد شتريدين يمةة فكري زين قبل لتقررين
هيام : ان شاء الله يمة
مر اسبوع و امي كل يوم تكول هاا شقررتي اني موافقه بس مادري ليش ماگدر اگول استحي و خفت من فكرة الزواج و منو بارق هو بس اباوع بعيونه اتخربط
بعد اسبوع امي لحت عليا و تقنع بية متدري انـي مقتنعه مـن الاساس عاد رديت جواب و هي فرحت و بشرت ابوية
گطعنا مهر سيد و بيوم النيشان رحنا للسوگ و ويانا امي و امه دنمشي بالسوگ
هيام : يمةة وين عايفتني يمةة
ام هيام : امشي وية رجلج اروح ويا امه
هيام : اوگفي خرب
بارق : رجعت امشي وياها و امي وية امها ..
هيام : رجع يمشي وياي ماحس الا ايد تلزم ايدي جسمي كله رجف نشف دمي ..
بارق : شفتها مرتبكه لزمت ايدها شكد ناعمه خفت ع ايدها و هي بيدي هلكد ما رقيقة
هيام
هيام : اريد احجي مايطلع الحجي
همم ..
بارق : احبج
هيام : سكتت اجاني احساس اريد ابجي ولج يمةةة تعاي اشلون تدگين بية هيج دگة
بارق : شو ساكته
هيام : شنو
بارق : تحبيني
هيام : .گلبي يريد يطلع من مكانه اي احبه اي والله بس ماگدر احجيها اموت يمكن
بارق : تحبيني اذا متجاوبين اوگف بنص السوك و اصيح احبج
هيام : صدوك وگف
لاا .. لاا
بارق : گولي
هيام : احبك ..
بارق : ابتسمت گلبي طلع من الفرح ردت احضنها مشينا
تتذكرين النجمة
هيام : اي
بارق : هاي انتي كلها تشوفج بس محد يگدر يوصلج دعيت الله تصيرين الي بس موتيني
هيام : ابتسمت و حمدت الله هواي بداخلي جان يدعي مثل ما ادعي اني و ع النيات ترزقون
..... الـــــنــــهـــــايـــــ ــة .....
هـنـد : صح البدايات تكون صعبه و نحس القدر ضدنا .. بس منعرف شضام النا .. هي الدنيا اختبار من ندرسها نواجه صعوبات و عوارض بس اذا تحملنا نحصل ثمار طيبة ع كد تعبنا ..
حبوا بصدق .. الحب يحتاج بس الصدق و الباقي يهون كدامه ..
تحــيـاتـي ..
رد مع اقتباس
المشاركة الأصلية كتبت بواسطة زْهـرٍآء
