مشكلة الاعضاء الجدد مع المراقبين
السلام عليكم اخوتي الدرر الطيبين
اني صار فترة طويلة قليل النشاط كلش ، بس حبيت ارجع واتونس هنا ويا اخوتي و نزلت موضوعين بالأسبوع الي فات سون خوش تفاعل ، اجوني شخصين من الاعضاء الجدد گلولي شو انت الوحيد الي ما انمسحت مواضيعك او انغلقت او انحذفتلك ردود ! ، گتلهم تره هذا هو الطبيعي ليش محسسيني انه اكو مُعجزة بالموضوع !
گلولي لا انت متدري شون نتعامل كـ اعضاء جدد من قبل المراقبين و شون يحاربونه و النواب ساكتين ، بعد ما بحثت ودورت من البارحة لليوم گلت ماكو فائدة اخابر سوزان و احجيلها لان ما راح تنطي بمراقبيها فقررت اكتب موضوع هنا اوضح بيه وجهة نظر الاعضاء الجدد و نتناقش بي ويا الادارة بنوابها و مراقبيها
اخوتي خل نعتبر هل موضوع فسحة للتعبير و اترجاكم ناخذه بسعة صدر لان اذا تحول ساحة لتصفية الخلافات راح اعتذر منكم و اغلقه
راح احدد المشكلة شنو و حاب اسمع رأي الادارة و اتمنى الكل يرد وما يكتفون برد سوزان او سوسن حابين نسمع كل المراقبين لان الموضوع متعلق بيهم
المشكلة انه اكو مراقبين دا يستخدمون صلاحياتهم بمعاقبة العضو او حذف مشاركاته لشعورهم انه خالف ، شعورهم بمعنى انه ماكو مخالفة مكتوبة وانما يحسون انها كلمة حق يراد بها باطل ، مشكلة ثانية ما يحاولون يستمعون للمخالف ويحاولون يقصوه لان بنظرهم هو مو وطني او طائفي او عنده اجنده و هنا هم يستخدمون الغيبيات بالحكم
اخوتي اني حددت مشكلتين واكيد اكو اكثر بس خل نبلش بهل خطوتين نتناقش بيهن ولي عنده مشكلة من الاعضاء خل يكتبها بتجرد يگول هاي مشكلتي ويا الادارة وهيج دا يسون ويايه و اترجاكم نبتعد عن التجريح بالأداري خل نتناقش بموضوعية و ود
رد مع اقتباس
المشاركة الأصلية كتبت بواسطة Suzana
